ଠାକୁର, ଉନ୍ନୟନ କାର୍ଯ୍ୟ ନାଁରେ ଜଙ୍ଗଲ ଲୁଟ୍‌: ପଦା ହେବାରେ ଲାଗିଛି ନୟାଗଡ଼ ବନଖଣ୍ଡ

ନୟାଗଡ଼ ଅଫିସ, ୫ା୨(ଲୋକନାଥ ମିଶ୍ର): ଜଙ୍ଗଲ ଲୁଟିବାର ନୂଆ ତରିକା ଆପଣାଇଛନ୍ତି ଅସାଧୁ ବ୍ୟବସାୟୀ। ଠାକୁର ଓ ଉନ୍ନୟନ କାର୍ଯ୍ୟ ବାହାନାରେ ସେମାନେ ଜଙ୍ଗଲରୁ ଗଛ କାଟି ବ୍ୟବସାୟ ଚଳାଇଛନ୍ତି। ଫଳରେ ନୟାଗଡ଼ ବନଖଣ୍ଡର ବିଭିନ୍ନ ଜଙ୍ଗଲ ପଦା ହେବାରେ ଲାଗିଛି। କିଛି ସ୍ଥାନରେ ବ୍ୟକ୍ତିଗତ ସ୍ବାର୍ଥ, ପୋଡୁ ଚାଷ ଯୋଗୁ ଜଙ୍ଗଲ ନଷ୍ଟ ହେଉଛି। ଏହା ଉପରେ ଲଗାମ ଲାଗିପାରୁନି। ଅଧିକାଂଶ ସ୍ଥଳେ ଜମି ଆମର ନୁହେଁ ଦର୍ଶାଇ ବନ ବିଭାଗ ଚୁପ୍‌ ରହୁଛି। ଆଉ କିଛି ସ୍ଥାନରେ ତଦନ୍ତ ନାଁରେ ଗଛକଟା ଫାଇଲ ଶୀତଳଭଣ୍ଡାରକୁ ଚାଲିଯାଉଛି। କାଁ ଭାଁ ବନ କର୍ମଚାରୀଙ୍କ ଉପରେ କାର୍ଯ୍ୟାନୁଷ୍ଠାନ ହେଉଛି। କିନ୍ତୁ ଗଛ କାଟୁଥିବା ବ୍ୟକ୍ତିମାନେ ସହଜରେ ଖସିଯାଉଛନ୍ତି। ଚୁଲି ଚାନ୍ଦା ଓ ପାଳି କରି ଜଙ୍ଗଲ ସୁରକ୍ଷା କରାଯାଉଥିବା ଜିଲାରେ ଜଙ୍ଗଲ ପଦା ହେବା ଏକ ଖରାପ ବାର୍ତ୍ତା ଦେଉଛି।
ଲେମନ ଗ୍ରାସ୍‌ ଚାଷ ପାଇଁ ଉଜୁଡିଗଲା ୪୦ ଏକର
ଆଦିବାସୀ ଅଧ୍ୟୁଷିତ ଦଶପଲ୍ଲା ବ୍ଲକର ପୋଖରୀଗୋଛା ଅଞ୍ଚଳରେ କିଛିମାସ ତଳେ ପ୍ରାୟ ୪୦ ଏକର ଜଙ୍ଗଲରୁ ଶାଳ, ଶାଗୁଆନ, ପିଆଶାଳ, କୁରୁମ, ଅସନ, ଧଉରା, କେନ୍ଦୁ ଆଦି ପ୍ରଜାତିର ଗଛ କାଟି ନିଆଗଲା। ଏମ୍‌ଜିଏନ୍‌ଆର୍‌ଇଜିଏସ୍‌ରେ ୩୩ ଲକ୍ଷ ଟଙ୍କାର ଲେମନ୍‌ ଗ୍ରାସ୍‌ ପ୍ଲାଣ୍ଟେଶନ୍‌ ପାଁଇ ବନ ବିଭାଗର ବିନା ଅନୁମତିରେ କୋଟି କୋଟି ଟଙ୍କାର ମୂଲ୍ୟବାନ ଗଛ କଟାଯାଇଥିବା ଅଭିଯୋଗ ହୋଇଥିଲା। ଏ ନେଇ ଖବର ପ୍ରକାଶ ପାଇବା ପରେ ବନ ବିଭାଗ ଓ ତହସିଲ ପକ୍ଷରୁ ଖୋଳତାଡ କରାଯାଇଥିଲା। ଏପରି କି ଜିଲାପାଳ ଡା. ପୋମା ଟୁଡୁ ଗଛ କଟାଯାଇଥିବା ସ୍ଥାନ ଅନୁଧ୍ୟାନ କରିଥିଲେ। ଅନିୟମିତତା ପ୍ରମାଣ ପରେ ବି ନାହିଁ କାର୍ଯ୍ୟାନୁଷ୍ଠାନ। କିଛି ରାଜନେତାଙ୍କ ପ୍ରରୋଚନାରେ ମାମଲା ଚପିଯାଇଥିବା କୁହାଯାଉଛି।
କ୍ରଶର ପାଇଁ ଜଙ୍ଗଲ ନଷ୍ଟ
ଖଣ୍ଡପଡ଼ା ବ୍ଲକ ସିଙ୍ଗିପୁର ନିକଟ ପାହାଡରୁ ପଥର ଆଣି ମହୀପୁର ବନାଞ୍ଚଳ ମହିତମା ସେକ୍ସନ ସିକ୍ରୀଡା ପଞ୍ଚାୟତର ଏକ କ୍ରଶରରେ ମେଟାଲ, ଚିପ୍ସ କରାଯାଉଥିଲା। କଞ୍ଚାମାଲ ଆସିବାରେ ଜଙ୍ଗଲ ପ୍ରତିବନ୍ଧକ ସାଜୁଥିଲା। ଏଥିପାଇଁ କ୍ରଶର ଥିବା ସ୍ଥାନରୁ ସିଙ୍ଗିପୁର ପର୍ଯ୍ୟନ୍ତ ଜଙ୍ଗଲ ପଦା କରାଗଲା। କଟାଯାଇଥିବା ଗଛଗୁଡିକ ବିକ୍ରି କରାଗଲା । ବାଟରେ ଥିବା ବଡ ବଡ ପଥର କ୍ରଶରକୁ ଗଲା। ପରେ ବନ ବିଭାଗ ରାଜସ୍ବ ବିଭାଗର ଜମି କହି ଚୁପ ହୋଇଗଲା। ଅନ୍ୟପକ୍ଷେ ଜାଣି ନ ଥିବା କହି ରାଜସ୍ବ ବିଭାଗ ମଧ୍ୟ ନୀରବ ରହିଲା। ଜାଣିବା ପରେ ବି ତାଗିଦ୍‌ରେ ଅଟକିଗଲା କାର୍ଯ୍ୟାନୁଷ୍ଠାନ। ଜଣେ ଲୋକର କ୍ରଶର ପାଇଁ ୩ରୁ ୪ଏକର ଜଙ୍ଗଲ ଉଜୁଡିଗଲା।
ଚାପରେ ପୋଲିସ
ଓଡଗାଁ ରେଞ୍ଜ ବାହାଡାଝୋଲା ସେକ୍ସନ ମକରାପଲ୍ଲୀ ସଂରକ୍ଷିତ ଜଙ୍ଗଲରୁ ୩ଟି ଟ୍ରାକ୍ଟରରେ ଶାଳଗଣ୍ଡି ଲୁଟ୍‌ ହେଉଥିଲା। ବାହାଡାଝୋଲା ବନପାଳ ଉକ୍ତ କାଠ ଜବତ କରିବା ସହ ୩ ଚାଳକ ଓ ୩ ହେଲପରଙ୍କୁ କାବୁ କରିଥିଲେ। ତେବେ ଓଡଗାଁ ପୋଲିସ ଉପସ୍ଥିତିରେ ବନ୍ଧାଭୂମି ନିକଟରେ କିଛି ଲୋକ ବନ କର୍ମଚାରୀଙ୍କୁ ଅଟକ ରଖି ଗାଡି ସହ କାଠ ନେଇଯାଇଥିଲେ। ଗାଁରେ ଅଷ୍ଟପ୍ରହର ପାଇଁ ଏହି କାଠ ନେଉଥିବା ଲୋକେ ସଫେଇ ଦେଇଥିଲେ। ଘଟଣାସ୍ଥଳରେ ନୟାଗଡ଼ ଡିଏଫଓ, ଓଡଗାଁ ରେଞ୍ଜର ଉପସ୍ଥିତ ଥିଲେ ମଧ୍ୟ କିଛି କରିପାରି ନ ଥିଲେ। ଏ ନେଇ ଓଡଗାଁ ଥାନାରେ ବନ ବିଭାଗ ତରଫରୁ ଅଭିଯୋଗ ହୋଇଥିଲା। ଅତୀତରେ ଓଡଗାଁ ବନପାଳ ଓ ବାହାଡାଝୋଲା ବନପାଳଙ୍କୁ ମରଣାନ୍ତକ ଆକ୍ରମଣ ଘଟଣାରେ ପୋଲିସ ଏଯାବତ ହାତବାନ୍ଧି ବସିଥିବାରୁ ବନ୍ଧାଭୂମି କାଠ ଲୁଟ୍‌ରେ ସମ୍ପୃକ୍ତ ଅଭିଯୁକ୍ତ ଗିରଫ ହେବା ନେଇ ପ୍ରଶ୍ନବାଚୀ ସୃଷ୍ଟି ହୋଇଥିଲା। କାରଣ ପୋଲିସ ଚାପରେ ଥିବା କୁହାଯାଉଥିଲା। ଶେଷରେ ଏହି ଘଟଣାରେ ପୋଲିସ ମୁଖ୍ୟ ଅଭିଯୁକ୍ତଙ୍କୁ ଗିରଫ କରିଥିବା ଜଣାପଡିଛି।


Enter your email to get our daily news in your inbox.

All Right Reserved By Dharitri.Com

ରାୟଗଡ଼ା ନିର୍ବାଚନ ମାମଲା: ୬ ସପ୍ତାହ ସମୟ ନେଲେ ବିଧାୟକ

କଟକ ଅଫିସ, ୨୬ା୧୧: ରାୟଗଡ଼ା ବିଧାନସଭା ନିର୍ବାଚନକୁ ନେଇ ହାଇକୋର୍ଟରେ ରୁଜୁ ମାମଲାରେ ବିଧାୟକ ମକରନ୍ଦ ମୁଦୁଲି ନିଜ ଓକିଲଙ୍କ ଜରିଆରେ ସୋମବାର ହାଜର ହୋଇଛନ୍ତି।...

ଆର୍‌ଡିସିଙ୍କ କାର୍ଯ୍ୟାଳୟରେ ସଂସ୍କାରବାଦୀଙ୍କ ଧାରଣା

ବ୍ରହ୍ମପୁର ଅଫିସ,୨୯ା୬-କେସି ହାଇସ୍କୁଲ ପରିସରରେ ଚାଲିଥିବା ବେସରକାରୀ ଇଂଲିଶ ମାଧ୍ୟମ ସ୍କୁଲ ଉଚ୍ଛେଦ ଦାବି ଏବେ ଜୋର ଧରିଛି ା ସାମାଜିକ ଅନୁଷ୍ଠାନ ସଂସ୍କାରବାଦୀ ପକ୍ଷରୁ...

ଥାନା ନିକଟରୁ ୧୮ ଲକ୍ଷ ଲୁଟିନେଲେ ଲୁଟେରା

ଖୁଣ୍ଟୁଣୀ, ୨୯।୧୦(ଡି.ଏନ୍‌.ଏ.): କଟକ ଜିଲା ଖୁଣ୍ଟୁଣୀ ଥାନାଠାରୁ ମାତ୍ର ୩ଶହ ମିଟର ଦୂର ୫୫ ନମ୍ବର ଜାତୀୟ ରାଜପଥର ରାଧାକିଶୋରପୁର ଓଭରବ୍ରିଜ୍‌ ଉପରୁ ମଙ୍ଗଳବାର ୧୮...

ଅସ୍ଥାୟୀ ଡମ୍ପିଂୟାର୍ଡ ହଟାଇବା ଦାବିରେ ଆନ୍ଦୋଳନ

ଜଗତ୍‌ସିଂହପୁର ଅଫିସ, ୧୫।୨: ସ୍ଥାନୀୟ କଲେଜ ଛକ ନିକଟ ଅସ୍ଥାୟୀ ଡମ୍ପିଂୟାର୍ଡ ଯୋଗୁ ଅସ୍ବାସ୍ଥ୍ୟକର ପରିବେଶ ସୃଷ୍ଟି ହେଉଛି। ବିଶେଷକରି ଅଳିଆ ଗଦାରେ ନିଆଁ ଲଗାଇ...

୪ ଜୁଆ ଆଡ୍ଡା ଉପରେ ଚଢ଼ାଉ: ୨୧ଗିରଫ, ୮୫ ହଜାର ଟଙ୍କା ଜବତ

ଛତ୍ରପୁର,୫।୬(ଡି.ଏନ୍‌.ଏ.): ଗଞ୍ଜାମ ଜିଲା ପୋଲିସ ପକ୍ଷରୁ ଗତ ୨୪ ଘଣ୍ଟାରେ ୪ଟି ଜୁଆ ଆଡ୍ଡା ଉପରେ ଚଢ଼ାଉ କରାଯାଇଛି । ଘଟଣାରେ ସମ୍ପୃକ୍ତ ୨୧ ଜଣଙ୍କୁ...

ନିରାଡମ୍ବର ସହ ଆମ୍ବେଡ଼କର ଜୟନ୍ତୀ

ସମ୍ବଲପୁର, ୧୪।୪ (ବ୍ୟୁରୋ)- କରୋନା କଟକଣା ଓ ଲକ୍‌ ଡାଉନକୁ ଦୃଷ୍ଟିରେ ରଖି ସମ୍ବିଧାନ ପ୍ରଣେତା ଡା. ଭୀମରାଓ ଜୀ ଆମ୍ବେଡ଼କରଙ୍କ ଜୟନ୍ତୀ ନିରାଡମ୍ବର ଭାବେ...

ରିଲିଫ ପାଣ୍ଠିକୁ ଦାନ କଲା ଶୀତଳଷଷ୍ଠୀ ଯାତ୍ରା କମିଟି

ସମ୍ବଲପୁର, ୧୧।୪ (ବ୍ୟୁରୋ)-ବିଶ୍ୱ ବ୍ୟାପି କରୋନା ଭୂତାଣୁ ସଂକ୍ରମଣ ହୋଇଛି । ଏହି ପରିସ୍ଥିତିରେ ମୁକାବିଲା ଲାଗି ସମ୍ବଲପୁର ବଡବଜାର ଶ୍ରୀ ଶ୍ରୀ ଶିତଳେଶ୍ୱର ବାବା...

ମାଛ ମାର୍କେଟରେ ଲୋକେ ରଖୁନାହାନ୍ତି ସାମାଜିକ ଦୂରତ୍ୱ

କଣ୍ଟାପଡ଼ା,୧୦ା୪(ଡି.ଏନ୍‌.ଏ.): ମହାମାରୀ କରୋନା ଭୂତାଣକୁ ପ୍ରତିହତ କରିବା ପାଇଁ ସାମାଜିକ ଦୂରତା ରକ୍ଷା କରିବା ଏକମାତ୍ର ବିକଳ୍ପ। ଏଥିପାଇଁ ସରକାର ସାରାଦେଶରେ ଲକ୍‌ଡାଉନ୍‌ କରି ଅତି...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *