ଟ୍ରାଫିକ୍ ନିୟମ ସମସ୍ତଙ୍କ ପାଇଁ ଲାଗୁ ହୋଇଥାଏ। କିନ୍ତୁ କିଛି ଲୋକ ଥାନ୍ତି ଏହାକୁ ମାନନ୍ତି ନାହିଁ। ଟ୍ରାଫିକ୍ ନିୟମ ଭାଙ୍ଗୁଥିବା ଲୋକଙ୍କଠାରୁ ସରକାର ଜରିମାନା ଆଦାୟ କରୁଥିଲେ ମଧ୍ୟ କିଛି ଲୋକ ପୋଲିସକୁ ଚକ୍କମା ଦେବାରେ ସଫଳ ହୋଇଥାନ୍ତି। ସେମାନଙ୍କୁ ସାବାଡ୍ କରିବା ପାଇଁ ଆଗେଇ ଆସିଛନ୍ତି ଜଣେ ସାଧାରଣ ବ୍ୟକ୍ତି। ପର୍ତ୍ତୁଗାଲର ଏହି ବ୍ୟକ୍ତି ଜଣଙ୍କ ଟ୍ରାଫିକ୍ ନିୟମ ଭାଙ୍ଗି ପଳାଉଥିବା ଲୋକଙ୍କୁ ପିଛା କରି ସେମାନଙ୍କ ଉପରେ ଅଣ୍ଡା, ଟମାଟର୍ ମାଡ କରିସଚେତନ କରାଉଛନ୍ତି। ଉକ୍ତ ବ୍ୟକ୍ତି ଜଣଙ୍କର ଏଭଳି ଅଭିନବ ପ୍ରୟାସର ଏକ ଭିଡିଓ ସୋସିଆଲ ମିଡିଆରେ ବେଶ୍ ଭାଇରାଲ୍ ହୋଇଛି। ଏପର୍ଯ୍ୟନ୍ତ ଭିଡିଓକୁ ୨ ଲକ୍ଷରୁ ଲୋକ ଦେଖି ସାରିଲେଣି। ଟ୍ରାଫିକ୍ ନିୟମ ଭାଙ୍ଗୁଥିବା ଲୋକଙ୍କ ଯୋଗୁ ସଡ଼କ ଦୁର୍ଘଟଣା ବୃଦ୍ଧି ପାଇବାରେ ଲାଗିଛି। ତେଣୁ ସେମାନେ ଯଦି ସଚେତନ ନ ହେବେ ତେବେ ତାଙ୍କୁ ଅଣ୍ଡା, ଟମାଟର ମାଡ କରାଯିବ ବୋଲି ଉକ୍ତ ବ୍ୟକ୍ତି ଜଣଙ୍କ ନିଜ ପ୍ରତିକ୍ରିୟାରେ କହିଛନ୍ତି।
