ନୂଆଦିଲ୍ଲୀ,୨୯।୫: ନରେନ୍ଦ୍ର ମୋଦି ଗୁରୁବାର ପ୍ରଧାନମନ୍ତ୍ରୀ ଭାବେ ଶପଥ ନେବେ। ଶପଥ ଗ୍ରହଣ ଉତ୍ସବର ଗୋଟିଏ ଦିନ ପୂର୍ବରୁ ଅରୁଣ ଜେଟ୍ଲୀ ମୋଦି କ୍ୟାବିନେଟ୍ରେ ରହିବାକୁ ଅମଙ୍ଗ ହୋଇଛନ୍ତି। ସେ ଏନେଇ ମୋଦିଙ୍କ ପାଖକୁ ଚିଠି ଲେଖିଛନ୍ତି। ତାଙ୍କର ଖରାପ ସ୍ବାସ୍ଥ୍ୟ କାରଣରୁ ସେ ମନ୍ତ୍ରିମଣ୍ଡଳରେ ସାମିଲ ହେବେ ନାହିଁ ବୋଲି ଚିଠିରେ ଦର୍ଶାଇଛନ୍ତି। ସେ ଲେଖିଛନ୍ତି ଗତ ୫ ବର୍ଷରେ ଅର୍ଥମନ୍ତ୍ରୀ ଭାବେ କାର୍ଯ୍ୟ କରିଛି। ଏହା ପୂର୍ବରୁ ଏନଡିଏରେ ମଧ୍ୟ କାମ କରିଛି। ସେହିପରି ବିପକ୍ଷ ଦଳ ନେତା ଭାବେ ମଧ୍ୟ କାର୍ଯ୍ୟ କରିଛି। ମାତ୍ର ଏବେ ସ୍ବାସ୍ଥ୍ୟ ଖରାପ ଥିବାରୁ ମୁଁ ଏସବୁଠାରୁ ଦୂରେଇବାକୁ ଚାହୁଁଛି। ଗତ ୧୮ ମାସ ଧରି ସେ ସ୍ବାସ୍ଥ୍ୟଗତ ସମସ୍ୟା ନେଇ ଚିକିତ୍ସିତ ହେଉଥିବା ଉଲ୍ଳେଖ କରିଛନ୍ତି। ତାଙ୍କୁ ବିଶ୍ରାମ ତଥା ଚିକିତ୍ସା ପାଇଁ ସମୟ ଆବଶ୍ୟକ ବୋଲି ଜେଟ୍ଲୀ ସୂଚିତ କରିଛନ୍ତି।
