ପାରଳାଖେମୁଣ୍ଡି,୧୯।୫(ସ୍ବ.ପ୍ର.): ଗୋଟିଏ ପଟେ ଗୋଡ଼ ହରାଇଥିବା ସ୍ତ୍ରୀ, ଅନ୍ୟପଟେ ଜନ୍ମରୁ ଦୃଷ୍ଟିହୀନ ଝିଅ। ଏହି ଦୁଇଜଣଙ୍କୁ ନେଇ ବଡ଼ କଷ୍ଟରେ ଦିନ କାଟୁଛନ୍ତି ଯୋଗୀ। ଆର୍ଥତ୍କ ସ୍ଥିତି ଭଲ ନଥିବା ବେଳେ ଷାଠିଏ ବୟସରେ ଏହି ଦୁଇଜଣଙ୍କୁ ନେଇ ଚଳିବା ତାଙ୍କ ପକ୍ଷେ କଷ୍ଟକର ହୋଇପଡୁଛି।
ଗଜପତି ଜିଲା କାଶୀନଗର ବ୍ଲକ ଅନ୍ତର୍ଗତ ଅଲଡ଼ା ପଞ୍ଚାୟତ ଗାନ୍ଧୀନଗର ଗ୍ରାମର ଯୋଗୀ ପାତିକା (୬୦) ଦିନ ମଜୁରିଆ ଭାବେ କାମ କରି ସ୍ତ୍ରୀ ଓ ଦୃଷ୍ଟିହୀନ ଝିଅଙ୍କୁ ଚଳାଇଥାନ୍ତି। ପ୍ରାୟ ବର୍ଷକ ତଳେ ସ୍ତ୍ରୀ ବାସୁ ପାତିକା (୫୮) ବାମପାଦର ଅଙ୍ଗୁଳି ସଂକ୍ରାମକ ରୋଗରେ ଆକ୍ରାନ୍ତ ହେବା ପରେ ତାଙ୍କର ଗୋଡ଼ଟିକୁ କାଟି ଦିଆଯାଇଥିଲା। ଏହାପରେ ସେ ନିଜେ କୌଣସି କାର୍ଯ୍ୟ କରି ନପାରି ସ୍ବାମୀଙ୍କ ଉପରେ ନିର୍ଭର କରୁଥିଲେ । ଗୋଟିଏ ପଟେ ଦୀର୍ଘଦିନ ହେଲା ସ୍ତ୍ରୀଙ୍କ ଏପରି ଅସୁସ୍ଥତ। ସାଙ୍ଗକୁ ଏକମାତ୍ର ଝିଅ ଝରା ପାତିକା ଜନ୍ମରୁ ଦୃଷ୍ଟିଶକ୍ତି ହରାଇଛନ୍ତି। ଏହି ଦୁଇଜଣ ଅକ୍ଷମଙ୍କୁ ଧରି ସେ ନିଜର ଜୀବନ ଜୀବିକା ନିର୍ବାହ କରିବା କଷ୍ଟକର ହୋଇପଡୁଛି। ତେଣୁ ଯୋଗୀ ଜିଲା ପ୍ରଶାସନର ଦ୍ୱାରସ୍ଥ ହୋଇ ନିଜ ଆର୍ଥିକ ଅବସ୍ଥା ଜଣାଇବା ସହ ସହାୟତା ନିବେଦନ କରିଛନ୍ତି।
