ଜଳେଶ୍ୱର ଉପକାରାଗାରରୁ ବିଚାରାଧୀନ ବନ୍ଦୀ ଚମ୍ପଟ
7:12 amMay 17, 2020

ଜଳେଶ୍ୱର, ୧୭ା୫(ସ୍ବ.ପ୍ର.)-ବାଲେଶ୍ୱର ଜିଲା ଜଳେଶ୍ୱର ଥାନା ଅଧୀନ ଜଳେଶ୍ୱର ଉପକାରାଗାରରୁ ଶନିବାର ଅପରାହ୍ନ ୨ଟା ବେଳେ ଏକ ବିଚାରାଧୀନ ବନ୍ଦୀ ଚମ୍ପଟ ମାରିଥିବା ଚର୍ଚ୍ଚା ହେଉଛି। ସେ ଏକ ଲାପଟପ୍‌ ଚୋରି ମାମଲା (ନଂ. ୧୬୩/୨୦)ରେ ୨ଦିନ ତଳେ କାରାଗାରକୁ ଆସିଥିଲେ । ତାଙ୍କ ନାମ ପ୍ରିୟବ୍ରତ ମହାପାତ୍ର, ଘର ଜଳେଶ୍ୱର ବ୍ଲକର ନାମ୍ପୋ ଗ୍ରାମରେ। ଏ ସମ୍ପର୍କରେ ସବ୍‌ଜେଲ କର୍ତ୍ତୃପକ୍ଷ କହିଛନ୍ତି ଯେ, ସେ ଦୁଇଦିନ ପୂର୍ବେ ଜେଲ୍‌କୁ ଆସିଥିଲେ। ଆସିବା ସମୟରେ ନିଶାସେବନ କରିଥିଲେ। ତେବେ ଜେଲ ଭିତରେ କେଉଁଠି ଲୁଚି ଥାଇପାରନ୍ତି କି ଫେରାର ହୋଇଯାଇଛନ୍ତି ତାହା ସ୍ପଷ୍ଟ ହୋଇନାହିଁ। ବିଭିନ୍ନ ସ୍ଥାନରେ ଖୋଜାଖୋଜି ଚାଲିଛି।