ଜଙ୍ଗଲ ଜମିରେ ବେଆଇନ ପଥର ଖାଦାନ: ଚଢ଼ାଉବେଳେ ଅଧିକାରୀଙ୍କୁ ଆକ୍ରମଣ, ଜାଣିଶୁଣି ମାମଲା ଦାୟର କଲେନି ଅଧିକାରୀ

ଯାଜପୁର ଅଫିସ/ଜେନାପୁର(ଡି.ଏନ୍‌.ଏ.),୧୧।୮- ଯାଜପୁର ଜିଲା ଧର୍ମଶାଳା ତହସିଲ ଅଧିନସ୍ଥ ବିଛାଖଣ୍ଡି ଜଙ୍ଗଲ ଜମିରେ ଥିବା ବେଆଇନ ପଥର ଖାଦାନ ଉପରେ ଚଢ଼ାଉ ସମୟରେ ଶନିବାର ଏକ ଅଭାବନୀୟ ଘଟଣା ଘଟିଛି ା ଧର୍ମଶାଳା ଅତିରିକ୍ତ ତହସିଲଦାର ଦେବୀପ୍ରସନ୍ନ ମହାନ୍ତି ଶନିବାର ପୂର୍ବାହ୍ନରେ ବିଛାଖଣ୍ଡି ପାଣିଟାଙ୍କି ଅଞ୍ଚଳରେ ଚାଲିଥିବା ବେଆଇନ ପଥର ଖାଦାନ ଉପରେ ଅତର୍କିତ ଚଢ଼ାଉ କରିଥିଲେ। ଛଢ଼ାଉ ବେଳେ ଏକ ହିଟାଚି ମେଶିନ ଓ କମ୍ପ୍ରେସର ଜବତ କରିଥିଲେ। ସମ୍ପୃକ୍ତ ପଥର ମାଫିଆମାନେ ଖବର ପାଇ ଚଢାଉ ସ୍ଥାନରେ ପହଞ୍ଚତ୍ ଅତିରିକ୍ତ ତହସିଲଦାର ମହାନ୍ତିଙ୍କୁ ଅସଭ୍ୟ ଭାଷାରେ ଗାଳିଗୁଲଜ କରିବା ସହ ମାଡ ମାରି ଜବତ କମ୍ପ୍ରେସର ମେଶିନ ଛଡ଼ାଇ ନେଇଥିଲେ। ଏପରି କି ଅତିରିକ୍ତ ତହସିଲ୍‌ଦାରଙ୍କ ସହ ଯାଇଥିବା ଏପିଆର ଫୋର୍ସଙ୍କ ଠାରୁ ମାଫିଆମାନେ ବନ୍ଧୁକ ଛଡ଼ାଇ ନେବାକୁ ଚେଷ୍ଟା କରିଥିଲେ। ଏତେବଡ଼ ଘଟଣା ଘଟିବା ସତ୍ତ୍ୱେ ଥାନାରେ କୌଣସି ମାମଲା ରୁଜୁ କରିବା ପରିବର୍ତ୍ତେ ଅତିରିକ୍ତ ତହସିଲ୍‌ଦାର ଚୂପ ରହିବାକୁ ଉଚିତ୍‌ ମନେ କରିଛନ୍ତି। ଯାହାକୁ ନେଇ ବିଭିନ୍ନ ପ୍ରକାର ଆଲୋଚନା ହେଉଛି।

ଜଙ୍ଗଲ ବିଭାଗ, ପୋଲିସ ଓ ରାଜସ୍ବ ବିଭାଗ ମଧ୍ୟରେ ଦାୟିତ୍ୱ ଏବଂ ଦୋଷ ଲଦାଲଦି ମଧ୍ୟମରେ ସରକାରୀ ଜଙ୍ଗଲ ଜମି ଶେଷ ହେବାକୁ ବସିଲାଣି। ଧର୍ମଶାଳା ତହସିଲଦାର ସରୋଜ କୁମାର ପଣ୍ଡା ତାଙ୍କ ପତ୍ରସଂଖ୍ୟା ୯୮୯/୨୮ା୩ା୨୦୧୯ ଓ ୪୬୧/୭ା୨ା୨୦୧୯ରେ ଡିଏଫ୍‌ଓ(ଡିଭିଜନାଲ ଫରେଷ୍ଟ ଅଫିସର)ଙ୍କୁ ଲିଖିତ ଭାବେ ଦୃଷ୍ଟି ଆକର୍ଷଣ କରିଥିଲେ। ବିଭିନ୍ନ କଳାପଥର ଖାଦାନଗୁଡ଼ିକର ତଦନ୍ତ ସମୟରେ ବେଆଇନ ଖାଦାନ ଓ କ୍ରଶରଗୁଡ଼ିକ ସରକାରୀ ଜଙ୍ଗଲ ଜମିରେ ଚାଲିଛି। ବିଶେଷକରି ବିଛାଖଣ୍ଡି, ଅଞ୍ଜିରା, ଡଙ୍କାରୀ, ରାହାଡ଼ପୁର ଓ ଆରୁହା ଅଞ୍ଚଳର ଖାଦାନଗୁଡ଼ିକରେ ଲିଜ୍‌ ନ ଥାଇ ଜଙ୍ଗଲ ଜମିରେ ବେଆଇନ ଭାବେ କଳାପଥର ଉତ୍ତୋଳନ ହେଉଛି। ଏଥିଯୋଗୁ ପରିବେଶ ପ୍ରଦୂଷଣ ଉକତ୍ଟ ହେବା ସହିତ ସରକାର ବ୍ୟାପକ ଭାବେ ରାଜସ୍ବ ହରାଉଛନ୍ତି ବୋଲି ତହସିଲଦାର ତାଙ୍କ ପତ୍ରରେ ଦର୍ଶାଇଥିଲେ। ତଥାପି ତହସିଲ ସ୍କ୍ବାର୍ଡ ପକ୍ଷରୁ ଚଢାଉ କରାଯାଇ ବେଆଇନ ପରିବହନ ଓ ଖାଦାନଗୁଡ଼ିକରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି। ହେଲେ ସମ୍ପୂର୍ଣ୍ଣ ଭାବେ ସଫଳତା ମିଳିପାରୁ ନାହିଁ। ଚଢାଉ ସମୟରେ ଖଣି ମାଫିଆମାନେ ଉଗ୍ର ହୋଇ ତହସିଲ ସ୍କ୍ବାର୍ଡକୁ ଧମକଚମକ ଦେବା ସହିତ ଜୀବନରେ ମାରି ଦିଆଯିବ ବୋଲି ଚେତାବନୀ ଦେଉଛନ୍ତି ବୋଲି ଖୋଦ୍‌ ତହସିଲଦାର ତାଙ୍କ ପତ୍ରରେ ଉଲ୍ଲେଖ କରିଥିଲେ। ତେଣୁ ଜଙ୍ଗଲ ଅଧିକାରୀଙ୍କୁ ନିୟୋଜିତ କରି ଜଙ୍ଗଲ ଜମିରେ ଚାଲିଥିବା ବେଆଇନ ଖାଦାନ ଓ କ୍ରଶର ଉପରେ ବିହିତ କାର୍ଯ୍ୟାନୁଷ୍ଠାନ ନେବାକୁ ସେ ଅନୁରୋଧ କରିଥିଲେ। ଏହାସହ ଡିଏଫ୍‌ଓ ଏସ୍‌ଏମ୍‌ଟି ରହେମାନ ମଧ୍ୟ ଗତ ଜୁଲାଇ ୬ ତାରିଖରେ ବଳରାମପୁର ସଂରକ୍ଷିତ ଜଙ୍ଗଲ ମଧ୍ୟରେ ଥିବା ବେଆଇନ ଖଣିଜ ସମ୍ପଦ ଉତ୍ତୋଳନ ବନ୍ଦ କରିବା ସହ ଏନଓସି ରଦ୍ଦ କରିବାକୁ ଯାଜପୁର ଜିଲାପାଳଙ୍କୁ ଅନୁରୋଧ କରିଥିଲେ। ବାରମ୍ବାର କାର୍ଯ୍ୟାନୁଷ୍ଠାନ ଓ ପଦକ୍ଷେପ ଗ୍ରହଣ କରାଯାଇଥିବା ସତ୍ତ୍ବେ ବେଆଇନ କଳାପଥର ଖାଦାନ ଓ କ୍ରଶରଗୁଡ଼ିକ ନିୟନ୍ତ୍ରିତ ହୋଇପାରି ନାହିଁ। ସ୍ଥାନୀୟ କଳାପଥର ମାଫିଆଙ୍କ ଦୃଢ ଜାଲତନ୍ତ୍ର(ନେଟୱାର୍କ) ରହିଥିବାରୁ ବଳରାମପୁର ସଂରକ୍ଷିତ ଜଙ୍ଗଲର ସୁରକ୍ଷା ସମ୍ଭବ ହେଉନାହିଁ ବୋଲି ଡିଏଫ୍‌ଓ ଅସହାୟତା ପ୍ରକାଶ କରିଥିଲେ। ତେବେ ଏନେଇ ଜିଲା ପ୍ରଶାସନ ସମ୍ପୂର୍ଣ୍ଣ ନୀରବି ଯାଇଥିବାରୁ ରାଜ୍ୟ ସରକାରଙ୍କ ୫-ଟି ଶାସନ ସୂତ୍ର କାର୍ଯ୍ୟକାରୀ ଉପରେ ପ୍ରଶ୍ନବାଚୀ ସୃଷ୍ଟି କରିଛି ା ଶନିବାର ମହୁଲଖୋଲି ଓ ନିତ୍ୟାନନ୍ଦପୁର ଅଞ୍ଚଳର ମାଫିଆମାନେ ଅତିରିକ୍ତ ତହସିଲଦାର ମହାନ୍ତିଙ୍କୁ ଆକ୍ରମଣ କରି କମ୍ପ୍ରେଶର ମେଶିନକୁ ଛଡ଼ାଇ ନେଇଥିବା ପ୍ରତ୍ୟକ୍ଷଦର୍ଶୀମାନେ ପ୍ରକାଶ କରୁଛନ୍ତି। ତେଣୁ ଏହାର ଏକ ଉଚ୍ଚସ୍ତରୀୟ ତଦନ୍ତର ଆବଶ୍ୟକ ରହିଛି ବୋଲି ଦାବି ହେଉଛି। ଜଙ୍ଗଲ ଜମିରେ ବେଆଇନ ପଥର ଖାଦାନ ଉପରେ ସ୍ବର ଉତ୍ତୋଳନ କରି ଆସୁଥିବା ସାମାଜିକ କର୍ମୀ ସର୍ବେଶ୍ୱର ବେହୁରା କହିଛନ୍ତି ମାଫିଆଙ୍କ ସହିତ ଚଢାଉକାରୀ ଅଧିକାରୀଙ୍କ କ’ଣ ସମ୍ପର୍କ ରହିଛି ତାହା ଜାଣି ହେଉନାହିଁ। ଏତେବଡ଼ ଆକ୍ରମଣ ପରେ ବି ଅତିରିକ୍ତ ତହସିଲ୍‌ଦାର ଥାନାରେ ଅଭିଯୋଗ ନ କରି ଚୁପ୍‌ ରହିବା ଘଟଣାକୁ ସହଜରେ ଗ୍ରହଣ କରିହେଉ ନାହିଁ। ଅପରପକ୍ଷରେ ଅତିରିକ୍ତ ତହସିଲଦାର ମହାନ୍ତିଙ୍କ କହିବା ହେଲା ଯେ, ତହସିଲ୍‌ ପ୍ରଶାସନ ତରଫରୁ ନିୟମିତ ଭାବେ ଚଢ଼ାଉ କରାଯାଇ ବେଆଇନ ପଥର ଖାଦାନଗୁଡ଼ିକରୁ ବିଭିନ୍ନ ଯନ୍ତ୍ରପାତି ଜବତ କରାଯାଉଛି। ଏଣୁ ପଥର ମାଫିଆମାନେ ଆକ୍ରମଣାମତ୍କ ହେବା ସ୍ବଭାବିକ। ଶନିବାର ଘଟଣାରେ ସେମିତି କିଛି ହୋଇନାହିଁ। ହିଟାଚି ମେଶିନ ଜବତ କରାଯାଇ ଆବଶ୍ୟକ ପଦକ୍ଷେପ ଗ୍ରହଣ କରାଯାଉଛି ବୋଲି ମହାନ୍ତି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ସୀମିତ ରହିବ ହାଇକୋର୍ଟ କାର୍ଯ୍ୟ

କଟକ ଅଫିସ,୪।୫: ଲକ୍‌ଡାଉନ ଅବଦ୍ଧି ବୃଦ୍ଧିକୁ ନେଇ ହାଇକୋର୍ଟ ପକ୍ଷରୁ ରବିବାର ନୂତନ ନିର୍ଦ୍ଦେଶନାମା ଜାରି ହୋଇଛି। ଆସନ୍ତା ୧୭ ତାରିଖ ପର୍ଯ୍ୟନ୍ତ ହାଇକୋର୍ଟ କାର୍ଯ୍ୟ...

ବଇଣ୍ଡାକୁ ଆସିଲା ନୂତନ ୧୦୮ ଆମ୍ବୁଲାନ୍ସ

ବଇଣ୍ଡା,୧୪।୩(ଡି.ଏନ.ଏ.) କିଶୋରନଗର ବ୍ଲକ ବଇଣ୍ଡା ଅଞ୍ଚଳକୁ ଏକ ନୂତନ ୧୦୮ ଆମ୍ବୁଲାନ୍ସ ଗୁରୁବାର ସ୍ବାସ୍ଥ୍ୟବିଭାଗ ପକ୍ଷରୁ ଯୋଗାଇ ଦିଆଯାଇଛି। ଦୀର୍ଘବର୍ଷ ହେବ ଏଠାରେ ଥିବା ୧୦୮...

ସମାଜ ଲାଗି ଉଦାହରନ୍‌ ସାଜିଛନ୍‌ ହେମକାନ୍ତି

ବିଜେପୁର, ୧୮।୧୨ (ଡି.ଏନ୍‌.ଏ.)-ଟୁକେଲ୍‌ ଜନମ୍‌ ପର୍‌ଗୋତ୍‌ରି। ଏକା ପୁଓଟା ବୁଢ଼ାକାଲେ ମାଆବାପ୍‌କେ ସାହା ହେବା ବଲି ଆମର ସମାଜରେ ଗୁଟେ ବିଶୁଆସ ରହିଛେ। ହେଲେ ଏହେଦେ...

କୃଷିବୀମା ମିଳିବାରେ ବିଳମ୍ବ: ୪ ମାସ ମଧ୍ୟରେ ଫଇସଲା କରିବାକୁ ଜିଲାପାଳଙ୍କୁ ଉଚ୍ଚ ନ୍ୟାୟାଳୟଙ୍କ ନିର୍ଦ୍ଦେଶ

କେନ୍ଦୁଝର, ୧୫ା୫ (ସ୍ବ.ପ୍ର.) କେନ୍ଦୁଝର ଜିଲାରେ ଚାଷୀମାନେ ୨୦୧୫ରେ ପ୍ରିମିୟମ ଅର୍ଥ ଦେଇଥିଲେ ହେଁ ମରୁଡି ଯୋଗୁ୍‌ କ୍ଷତିଗ୍ରସ୍ତ ହୋଇଥିବା ବହୁ ଚାଷୀଙ୍କୁ ଅଦ୍ୟାବଧି କୃଷିବୀମା...

ଜିଲା ପୋଲିସରେ ବଡ଼ ଧରଣର ଅଦଳବଦଳ

ବାରିପଦା ଅଫିସ, ୧୩ା୧୨- ମୟୂରଭଞ୍ଜ ଜିଲା ପୋଲିସ ପକ୍ଷରୁ ଥାନାସ୍ତରରେ ଗୁରୁବାର ଏକ ବଡ଼ ଧରଣର ଅଦଳବଦଳ କରାଯାଇଛି। ଡିଓ ନଂ.୨୫୦୭/ଆରଓ/୧୨ା୧୨ା୨୦୧୯ରେ ଜିଲା ଏସ୍‌ପି ପରମାର...

ଫାଇଲରେ ସୀମିତ ସିସିଟିଭି ସର୍ଭିଲାନ୍ସ ଯୋଜନା

ଭଦ୍ରକ ଅଫିସ, ୯।୯- ଭଦ୍ରକ ସହରରେ ଲୁଟ୍‌, ରାହାଜାନି, ଡକାୟତି, ଚୋରି ଘଟଣା ବୃଦ୍ଧି ପାଉଛି। ଜଣେ ମଧ୍ୟ ଅପରାଧୀ ପୋଲିସ ଦ୍ୱାରା କାବୁ ହେବାର...

ମିଟର ରିଡର କର୍ମଚାରୀଙ୍କୁ ଅବହେଳା : ୧୫ ବର୍ଷ ପରେ ବି ମିଳୁନି ସର୍ବନିମ୍ନ ମଜୁରି

ବ୍ରହ୍ମପୁର ଅଫିସ, ୨୮ା୯-ସରକାରଙ୍କ ଦ୍ୱାରା ଘୋଷିତ ସର୍ବନିମ୍ନ ମଜୁରି ପ୍ରଦାନ କରିବାକୁ ସାଉଥ୍‌କୋ ମିଟର ରିଡର ଶ୍ରମିକ ସଂଘ ବ୍ରହ୍ମପୁର ଶାଖା ପକ୍ଷରୁ ଦାବି କରାଯାଇଛି...

ପ୍ରୋ-ମିନେରାଲ କାରଖାନା ଚାଲୁ କରିବାକୁ ଦାବି: ଜିଲାପାଳଙ୍କ ଦ୍ୱାରସ୍ଥ ହେଲେ ପଞ୍ଚାୟତବାସୀ

ଝୁମ୍ପୁରା, ୮ା୨(ଡି.ଏନ.ଏ.)-ଝୁମ୍ପୁରା ବ୍ଲକ ବସନ୍ତପୁର ପଞ୍ଚାୟତରେ ଅବସ୍ଥିତ ପ୍ରୋ-ମିନେରାଲ କାରଖାନା ଚଳାଇବାକୁ ବସନ୍ତପୁର, ନୟାଗଡ ଏବଂ ମଲଦା ପଞ୍ଚାୟତବାସୀ ଦାବି କରିଛନ୍ତି। ପଞ୍ଚାୟତବାସୀଙ୍କ ଜୀବନଜୀବିକା କଥାକୁ...

Coronavirus Update


Archives

Model This Week

Why Dharitri