ଝାରସୁଗୁଡା ଅଫିସ,୯ା୫: ଝାରସୁଗୁଡାରେ ଏବେ ଠିକା ସଂସ୍ଥାଗୁଡିକ ଛଟେଇ ଆରମ୍ଭ କଲେଣି। ଫଳରେ ବାହାର ଅଞ୍ଚଳରୁ ଆସୁଥିବା ଶ୍ରମିକ ଏବେ ଘର ମୁହାଁ ହେଲେଣି। ଝାରସୁଗୁଡା ଜିଲାପାଳଙ୍କ କାର୍ଯ୍ୟାଳୟ ପରିସରରେ ଶନିବାର ଛଟେଇ ହୋଇଥିବା ଶ୍ରମିକ ଘରକୁ ଯିବା ପାଇଁ ବସ୍ ଅପେକ୍ଷାରେ ଥିଲେ। ସୂଚନା ମୁତାବକ ଝାରସୁଗୁଡା ସହରରେ ଥିବା ଏକ ପ୍ରତିଷ୍ଠିତ କମ୍ପାନୀ ଅଧୀନରେ ବିଭିନ୍ନ ଠିକା ସଂସ୍ଥା ଜରିଆରେ ଶ୍ରମିକମାନେ କାମ କରିଥାନ୍ତି। ତେବେ ଏହି କମ୍ପାନୀଗୁଡ଼ିକ କାମ ବନ୍ଦ କରିଥିବାରୁ ଠିକା ସଂସ୍ଥାଗୁଡିକ ମଧ୍ୟ ଶ୍ରମିକଙ୍କୁ ଛଟେଇ କରି ନିଜ ନିଜ ଘରକୁ ଯିବା ପାଇଁ ପରାମର୍ଶ ଦେଉଛନ୍ତି। ଲକ୍ ଡାଉନ୍ ଯୋଗୁ କୌଣସି କାମ ନ ପାଇ ଶ୍ରମିକମାନେ ଉପାୟ ଶୂନ୍ୟ ହୋଇ ବସିଛନ୍ତି। ଜିଲାପାଳଙ୍କ କାଯର୍ର୍ୟାଳୟ ପରସରରେ ୩୦ରୁ ୪୦ ଶ୍ରମିକ ବସ୍ ଅପେକ୍ଷାରେ ଥିଲେ। ସେମାନଙ୍କ ଘର ଝାଡ଼ଖଣ୍ଡରେ ହୋଇଥିବା ବେଳେ ଠିକା ସଂସ୍ଥା ସେମାନଙ୍କୁ ଘରକୁ ଯିବା ପାଇଁ କୌଣସି ବ୍ୟବସ୍ଥା କରି ନ ଥିଲା। ଫଳରେ ଏହି ଶ୍ରମିକମାନେ ନିଜ ଉଦ୍ୟମରେ ତାଙ୍କ ଅଞ୍ଚଳର ନିର୍ବାଚିତ ପ୍ରତିନିଧିଙ୍କୁ ଯୋଗଯୋଗ କରି ସାହାଯ୍ୟ କରିବାକୁ ଅନୁରୋଧ କରିଥିଲେ। ପରେ ସେଠାରୁ ଦୁଇଟି ବସ ଏଠାକୁ ଆସି ପହଞ୍ଚିଛି। ଏହି ବସ୍ରେ ଶନିବାର ରାତିରେ ସେମାନେ ଝାଡ଼ଖଣ୍ଡ ଯିବେ। ତେବେ କେବଳ ଗୋଟିଏ କିମ୍ବା ଦୁଇଟି ଠିକା ସଂସ୍ଥା ନୁହନ୍ତି ବହୁ ଠିକା ସଂସ୍ଥା ନିଜ ନିଜ କାର୍ଯ୍ୟ ବନ୍ଦ କରିବା ଆରମ୍ଭ କଲେଣି। ଫଳରେ ଶ୍ରମିକମାନେ କାମ ପାଇ ଘର ବାହୁଡୁଛନ୍ତି।
