ଚିଙ୍ଗୁଡି ମାଫିଆଙ୍କ କବଳରେ ଶତାଧିକ ଏକର ସରକାରୀ ଜମି

ବାଲିଆପାଳ, ୨୧ା୫(ଡି.ଏନ.ଏ.)-ବାଲେଶ୍ୱର ଜିଲା ବାଲିଆପାଳ ତହସିଲ ଅନ୍ତର୍ଗତ ଜମ୍ଭୀରାଇ, ପଞ୍ଚୁପାଲି ଓ ବୋଳଂ ଆଦି ପଞ୍ଚାୟତର ଶହ ଶହ ଏକର ସରକାରୀ ଗୋଚର ଚାରଣ ଜମି, ଜଙ୍ଗଲଜମି ଏବେ ଚିଙ୍ଗୁଡି ମାଫିଆଙ୍କ କବଳରେ ରହିଛି। ପ୍ରଶାସନ ସବୁ ଜାଣି ମଧ୍ୟ ମାଫିଆଙ୍କ ବିରୋଧରେ କୌଣସି ଠୋସ ପଦକ୍ଷେପ ଗ୍ରହଣ କରୁ ନ ଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି।

ଚିଙ୍ଗୁଡି ମାଫିଆମାନେ ପ୍ରଥମେ ସ୍ଥାନୀୟ ଅଞ୍ଚଳର ପ୍ରଭାବଶାଳୀ ଲୋକମାନଙ୍କୁ ହାତ କରି ଏହିସବୁ ଜାଗାରେ ବେଆଇନ ଭାବେ ପୋଖରୀ ଖୋଳୁଛନ୍ତି । ଚିଙ୍ଗୁଡି ଚାଷରେ ମାଫିଆମାନେ ପ୍ରଚୁର ମୁନାଫା ଉଠାଉଥିବାରୁ ତଳିଆ ପ୍ରଶାସନିକ ଅଧିକାରୀମାନଙ୍କୁ ସହଜରେ ବଶ କରୁଛନ୍ତି । ଯେଉଁମାନେ ଏହା ବିରୋଧରେ ସ୍ବର ଉଠାଉଛନ୍ତି ମାଫିଆମାନେ ସେମାନଙ୍କୁ ଧମକଚମକ ଦେଉଛନ୍ତି । ଚିଙ୍ଗୁଡି ଝିଲି ଯୋଗୁ ଜଳନିଷ୍କାସନ ବାଟ, ନାଳ, ଜୋର ଆଦି ଅବରୋଧ ହୋଇଯାଉଛି । ହଂସକରା ନଦୀମୁହାଣ ଚିଙ୍ଗୁଡିଝିଲି ଯୋଗୁ ମଧ୍ୟ ଅବରୋଧ ହୋଇରହିଛି। ଫଳରେ ବର୍ଷାଋତୁରେ ଏସବୁ ଅଞ୍ଚଳର ଉଦବୃତ୍ତ ଜଳରାଶି ନିଷ୍କାସିତ ହୋଇ ନ ପାରି ଚାଷ ଜମିରେ ଦିନ ଦିନ ଧରି ଜମି ରହୁଛି । ବନ୍ୟାଜଳ ମଧ୍ୟ ସହଜରେ ସମୁଦ୍ରକୁ ନିଷ୍କାସିତ ହୋଇପାରୁନାହିଁ । ମାଫିଆମାନେ ଚିଙ୍ଗୁଡି ଝିଲିର ଆବର୍ଜନା, ବିଷାକ୍ତ ଜଳ, ନଷ୍ଟ ଚିଙ୍ଗୁଡି ଖାଦ୍ୟକୁ ଏଣେତେଣେ ଫୋପାଡି ଦେଉଥିବାରୁ ସ୍ଥାନୀୟ ଅଞ୍ଚଳର ପରିବେଶ ମଧ୍ୟ ଦୂଷିତ ହୋଇଯାଉଛି । ପୂର୍ତ୍ତଗନ୍ଧମୟ ପରିବେଶ ସୃଷ୍ଟି କରୁଛି। କୋଷ୍ଟାଲ ରେଗୁଲେଟିଂ ଆକ୍ଟ ଅନୁସାରେ ସମୁଦ୍ରଜଳ ରାଶିଠାରୁ ୨ କି.ମି. ବ୍ୟବଧାନରେ କୌଣସି ବେଆଇନ ଖନନ ହୋଇପାରିବ ନାହିଁ ବୋଲି ନିର୍ଦ୍ଦେଶ ରହିଛି। ମାତ୍ର ମାଫିଆମାନେ ତାହାକୁ ବେଖାତିର କରି ସମସ୍ତ କାର୍ଯ୍ୟ ନିର୍ବିଘ୍ନରେ କରୁଛନ୍ତି। ଅନ୍ୟପକ୍ଷରେ ଚିଙ୍ଗୁଡି ମାଫିଆମାନେ ସ୍ଥାନୀୟ ଅଞ୍ଚଳର ମତ୍ସ୍ୟଜୀବୀମାନଙ୍କୁ ହାତ କରି ହଂସକରା ନଦୀମୁହାଣରୁ ଚିଙ୍ଗୁଡି ଯାଆଁଳ ସହିତ ଅନ୍ୟ ଯାଆଁଳମାନଙ୍କୁ ଧରି ନେଉଥିବାରୁ ମୁହାଣ ମତ୍ସ୍ୟଶୂନ୍ୟ ହେବାକୁ ବସିଲାଣି। ସମୁଦ୍ର ମୁହାଣରୁ ମାଛଧରି ଜୀବିକା ନିର୍ବାହ କରୁଥିବା ଧୀବରମାନେ ମଧ୍ୟ ସେମାନଙ୍କ ଜୀବିକା ହରାଇଲେଣି। ଚାଉଳତି, ଜମ୍ଭୀରାଇ, ହଂସକରା, ଇଚ୍ଛାପୁର, ବୋଳଂ ଓ ସାଉଡି ଆଦି ଗ୍ରାମରେ ସମସ୍ୟା ଦିନକୁ ଦିନ ଜଟିଳ ହୋବକୁ ଲାଗିଛି । ତେବେ ଏନେଇ ଅଭିଯୋଗ ଆସିଲେ ପଦକ୍ଷେପ ନିଆଯିବ ବୋଲି ତହସିଲଦାର କହିଛନ୍ତି ।


Enter your email to get our daily news in your inbox.

All Right Reserved By Dharitri.Com

ଲଘୁଚାପ: ୨ ଦିନ ପ୍ରବଳ ବର୍ଷା

ଭୁବନେଶ୍ୱର,୨୫।୭(ବ୍ୟୁରୋ): ରାଜ୍ୟରେ ଗତ ଦୁଇ ସପ୍ତାହ ହେବ ବର୍ଷା ଉଭାନ ହୋଇଯାଇଛି। କାଁ ଭାଁ କେଉଁଠି ଅସରାଏ କିମ୍ବା ଦି’ ଅସରା ବର୍ଷା ହେଉଛି। ତେବେ...

ଆଜି ମାଘ ଷଷ୍ଠୀ : ସ୍ନାନମଣ୍ଡପକୁ ବିଜେ ହେବେ ୩ ମହାଦେବ

କୋଣାର୍କ,୩୧।୧(ଡି.ଏନ୍‌.ଏ.): ଚନ୍ଦ୍ରଭାଗାରେ ମାଘ ସପ୍ତମୀ ବୁଡ଼ ନିମନ୍ତେ ପୁରୀ ଜିଲା ପ୍ରଶାସନ ଓ କୋଣାର୍କ ଏନ୍‌ଏସି କର୍ତ୍ତୃପକ୍ଷଙ୍କ ପକ୍ଷରୁ ପ୍ରସ୍ତୁତି ଶେଷ ହୋଇଛି। ଶ୍ରଦ୍ଧାଳୁଙ୍କ ସ୍ନାନ...

ବାଗ୍‌ଚୀ ଦମ୍ପତିଙ୍କ ସହ କଥା ହୋଇ ଧନ୍ୟବାଦ ଜଣାଇଲେ ଧର୍ମେନ୍ଦ୍ର

ଭୁବନେଶ୍ୱର, ୧୩।୪(ବ୍ୟୁରୋ): ଭୁବନେଶ୍ୱରରେ କ୍ୟାନ୍‌ସର ହସ୍ପିଟାଲ ଓ ଏକ କେୟାର ସେଣ୍ଟର ପ୍ରତିଷ୍ଠା ପାଇଁ ସୁବ୍ରତୋ ବାଗ୍‌ଚୀ ଓ ସୁସ୍ମିତା ବାଗ୍‌ଚୀ ୩୪୦ କୋଟି ଟଙ୍କା...

ଫନୀ: ଶତାଧିକ ସ୍କୁଲଗୃହର ପୁନରୁଦ୍ଧାର କାର୍ଯ୍ୟ ସରୁନି; କମ୍ୟୁନିଟି ସେଣ୍ଟର, ବାତ୍ୟା ଆଶ୍ରୟସ୍ଥଳ, କଲ୍ୟାଣ ମଣ୍ଡପକୁ ସ୍ଥାନାନ୍ତର ହେଲା ୨୮ ବିଦ୍ୟାଳୟ

ନିମାପଡ଼ା,୨୨ା୬(ଡି.ଏନ୍‌.ଏ.): ପ୍ରଳୟଙ୍କରୀ ବାତ୍ୟା ଫନୀର ବିଭୀଷିକାରେ ନିମାପଡ଼ା ବ୍ଲକ ଓ ଏନ୍‌ଏସି ଅଞ୍ଚଳରେ ୨୬୦ଟି ବିଦ୍ୟାଳୟ ଭାଙ୍ଗିରୁଜି କ୍ଷତିଗ୍ରସ୍ତ ହୋଇଛି। ଅଦ୍ୟାବଧି ଶତାଧିକ ବିଦ୍ୟାଳୟର ପୁନରୁଦ୍ଧାର,...

ନାବାଳିକାଙ୍କୁ ବଳାତ୍କାର ମାମଲା: ଦୋଷୀଙ୍କୁ ଆଜୀବନ କାରାଦଣ୍ଡ

ଭଦ୍ରକ ଅଫିସ, ୨୧।୬ – ୧୨ ବର୍ଷର ନାବାଳିକାଙ୍କୁ ବଳାତ୍କାର ଓ ଗର୍ଭବତୀ ମାମଲାର ବିଚାର କରି ଭଦ୍ରକ ସ୍ବତନ୍ତ୍ର ଅଦାଲତ ତଥା ଅତିରିକ୍ତ ଦୌରାଜଜ୍‌...

ବିଶ୍ୱର ୫୦ ସହର ମଧ୍ୟରେ ରାଉରକେଲା

ରାଉରକେଲା ଅଫିସ, ୧୭ା୬: ‘ବ୍ଲୁମବର୍ଗ-୨୦୨୧ ଗ୍ଲୋବାଲ ମେୟର୍ସ ଚ୍ୟାଲେଞ୍ଜ’ ଅନ୍ତର୍ଜାତୀୟ ପ୍ରତିଯୋଗିତାରେ ଭାଗ ନେଇ ରାଉରକେଲା ସହର ଚୂଡ଼ାନ୍ତ ପର୍ଯ୍ୟାୟକୁ ମନୋନୀତ ହୋଇଛି। ଫଳରେ ଏହି...

ଗିରଫ ହେଲେ ୩ ଅଣଓଡ଼ିଆ ପରୀକ୍ଷାର୍ଥୀ

ମଙ୍ଗଳବାର ପରୀକ୍ଷା ସରିବା ପରେ ଉତ୍ତରପ୍ରଦେଶର କେତେଜଣ ଯୁବକ ଆଇଜି ପାର୍କରେ ପଶି ନାନା ବିଶୃଙ୍ଖଳା ସୃଷ୍ଟି କରିଥିଲେ। ସେମାନେ ଯୁବତୀମାନଙ୍କୁ ଅଶ୍ଳୀଳ ଇଙ୍ଗିତ କରିବା...

ଭୁଶୁଡ଼ିଲା ଅଧ୍ୟକ୍ଷ କାର୍ଯ୍ୟାଳୟର ସିଲିଂ

କଟକ ଅଫିସ,୫।୯: ଜାତୀୟ କବି ବୀର କିଶୋର (ଜେକେବିକେ) ସରକାରୀ କଲେଜର ଅଧ୍ୟକ୍ଷଙ୍କ କାର୍ଯ୍ୟାଳୟର ସିଲିଂ ଭୁଶୁଡ଼ି ପଡିଛି। ବୁଧବାର କାର୍ଯ୍ୟାଳୟ ଖୋଲାଯିବା ପରେ ଅଧ୍ୟକ୍ଷଙ୍କ...

Advertisement


Archives

Model This Week