ବଲାଙ୍ଗୀର ଅଫିସ, ୧ା୪: କୋଶଲ ରାଜ୍ୟ ସମନ୍ବୟ ସମିତି ପକ୍ଷରୁ ଏପ୍ରିଲ ୧କୁ କଳା ଦିବସ ପାଳନ କରାଯାଇଛି। କରୋନା ସଂକ୍ରମଣକୁ ଆଖି ଆଗରେ ରଖି ଚଳିତବର୍ଷ କୌଣସି ସଭା ସମିତି କରା ନ ଯାଇ ଘରେ ଘରେ କଳା ଦିବସ ପାଳନ କରିବାକୁ ସମିତି ପକ୍ଷରୁ ଆହ୍ବାନ ଦିଆଯାଇଥିଲା। ଏହି ପରିପ୍ରେକ୍ଷୀରେ ବଲାଙ୍ଗୀର ଜିଲା ସମେତ ସମଗ୍ର କୋସଲାଞ୍ଚଳର ବିଭିନ୍ନ ସ୍ଥାନରେ ଘରେ ବସି ଲୋକେ ପତାକା ଉତ୍ତେଳନ କରିବା ସହ କଳାବ୍ୟାଜ ପିନ୍ଧିଥିବା ଏକ ପ୍ରେସବିବୃତିରେ ଜଣାଯାଇଛି। ସମିତି କେନ୍ଦ୍ରୀୟ ଅଧ୍ୟକ୍ଷ ପ୍ରମୋଦ କୁମାର ମିଶ୍ର ତାଙ୍କ ବଲାଙ୍ଗୀର ରୁଗୁଡିପଡାସ୍ଥିତ ଘର ସମ୍ମୁଖରେ କଳା ପତାକା ଉତ୍ତୋଳନ କରିଥିଲେ। କଳା ବ୍ୟାଜ ପିନ୍ଧି ସୋସିଆଲ ମିଡିଆରେ ଉଦ୍ବୋଧନ ଦେଇଥିଲେ। ବଲାଙ୍ଗୀର ଜିଲାର ବଲାଙ୍ଗୀର, ବେଲପଡା, ଆଗଲପୁର, ଲୋଇସିଂହା, ଦେଓଗଁ।, ପୁଇଁତଲା ବ୍ଳକ୍ ସହ ବରଗଡ, ଝାରସୁଗୁଡା, ସୁନ୍ଦରଗଡ, ବୌଦ୍ଧ, ଆଠମଲ୍ଲିକ, ଦେବଗଡ, ନୂଆପଡା, ସୁବର୍ଣ୍ଣପୁର ଓ ସମ୍ବଲପୁର ଜିଲାରେ କଳା ଦିବସ ପାଳନ କରାଯାଇଥିବା ସୂଚନା ଦେଇଛନ୍ତି। କରୋନା ମୁକାବିଲା ପାଇଁ ଦେଶର ପ୍ରଧାନମନ୍ତ୍ରୀଙ୍କ ଆହ୍ବାନକୁ ଗ୍ରହଣ କରି ସାମାଜିକ ଦୂରତା ବଜାୟ ରଖି ସମସ୍ତ ନିୟମକାନୁନ ମାନିବାକୁ ଅଧ୍ୟକ୍ଷ ମିଶ୍ର ଲୋକଙ୍କୁ ଅନୁରୋଧ କରିଛନ୍ତି।
