ଥଣ୍ଡା କ୍ଷୀର ପିଇଲେ ବହୁ ସୁଫଳ ମିଳିଥାଏ। ଏହା ଦ୍ୱାରା ଗ୍ୟାସ୍ଟ୍ରିକ୍ ସମସ୍ୟା ଦୂର ହୁଏ। ସେହିପରି ମେଦବହୁଳ ରୋଗୀଙ୍କ ପାଇଁ ଏହା ମହୌଷଧୀ ଭଳି କାମ କରେ ବୋଲି ଆମେରିକା ଭର୍ଜିନିଆ ବିଶ୍ୱବିଦ୍ୟାଳୟର ଗବେଷକ ନିଜ ଗବେଷଣା ରିପୋର୍ଟରେ ସୂଚିତ କରିଛନ୍ତି। ତେଣୁ ସକାଳେ ଅଧାଗ୍ଲାସେ ଥଣ୍ଡା କ୍ଷୀର ପିଇଲେ ଶରୀର ପାଇଁ ହିତକର। କ୍ଷୀର ପିଇଲେ ଓଜନ ବଢ଼ିଥାଏ ବୋଲି କେତେକ ବିଶ୍ୱାସ କରିଥାନ୍ତି। ତେବେ ଏହାକୁ ଗବେଷକମାନଙ୍କ ଦ୍ୱାରା ପ୍ରସ୍ତୁତ ହୋଇଥିବା ରିପୋର୍ଟ ଭୁଲ ପ୍ରମାଣିତ କରିଛି। ପ୍ରତିଦିନ ଥଣ୍ଡା କ୍ଷୀର ପିଇଲେ ଶରୀରରେ ଚର୍ବି ଜମିବା କମିଥାଏ। ଏହା ସହିତ ତ୍ୱଚାର ଉଜ୍ଜ୍ୱଳତା ବୃଦ୍ଧି ପାଏ। ଥଣ୍ଡା କ୍ଷୀର ଶରୀର ଉପରେ କିଭଳି ପ୍ରଭାବ ପକାଉଛି ସେ ନେଇ ଗବେଷକ ଦୀର୍ଘ ଦିନ ଧରି ଗବେଷଣା ଜାରି ରଖିଥିଲେ। ଏହି ମର୍ମରେ ସେମାନେ ଲୋକଙ୍କ ଦୈନଦିନ ଜୀବନଶୈଳୀ ଉପରେ ଅଧ୍ୟୟନ କରି ଏହି ରିପୋର୍ଟ ପ୍ରସ୍ତୁତ କରିଛନ୍ତି। ଥଣ୍ଡା କ୍ଷୀରରେ ଥିବା ଆଣ୍ଟି ଅକ୍ସିଡାଣ୍ଟ ଆଣ୍ଟି ଏଜିଂ ଉପାଦାନ ଭାବେ କାର୍ଯ୍ୟ କରେ ବୋଲି ରିପୋର୍ଟରେ ଦର୍ଶାଯାଇଛି।
