କୁତ୍ରା/ରାଉରକେଲା ଅଫିସ୍, ୧୫।୧: ସୁନ୍ଦରଗଡ଼ ଜିଲା କୁତ୍ରା ବ୍ଲକ ଅନ୍ତର୍ଗତ ପଞ୍ଚରା, ପାନପଡ଼ା ଗ୍ରାମରେ ଏକ ୪ଟିକିଆ ହାତୀପଲ ପଶି ଉପଦ୍ରବ କରିଛନ୍ତି। ହାତୀପଲ କୁନ୍ତି ନାଏକଙ୍କ ବାଡିରେ ବିଲାତି ଖାଇ ଦଳି ଚକଟି ନଷ୍ଟ କରି ଦେଇଛନ୍ତି। ପରେ ହାତୀପଲ ପଞ୍ଚରା ଆଖୁ ବାଡିରେ ପଶିଥିଲେ। ତେବେ ହାତୀ ଘଉଡେଇବା ବାହାନାରେ କିଛି ଅସାମାଜିକ ଲୋକ ଆଖୁ ବାଡିରେ ପଶି ଆଖୁ ଭାଙ୍ଗି ନେଇଥିବା ଅଭିଯୋଗ ହୋଇଛି। ସେଠାରୁ ଘଉଡେଇବାରୁ ହାତୀପଲ ତୁମେରମୁଡା ଆଡକୁ ଚାଲିଯାଇଥିବା ଜଣାପଡିଛି । କ୍ଷତିଗ୍ରସ୍ତ ଚାଷୀଙ୍କୁ ବନ ବିଭାଗ କ୍ଷତିପୂରଣ ପ୍ରଦାନ ଦେବାକୁ ସାଧାରଣରେ ଦାବି ହେଉଛି। ସେହିପରି ଦେଓଗାଁ ଅଞ୍ଚଳରେ ହାତୀ ଉପଦ୍ରବ କରିଛି। ଦେଓଗାଁ ସ୍ଥିତ ଦେଉରି ବସ୍ତିକୁ ୩ଟି ହାତୀ ପଶି ଆସିଥିଲେ। ଏହା ଦେଖି ସ୍ଥାନୀୟ ବସ୍ତିବାସୀ ନିଆଁ ଜାଳି ହାତୀଙ୍କୁ ଘଉଡାଇଥିଲେ। ଏହି ସମୟରେ ହାତୀପଲ ସନ୍ତୋଷ ପାଢ଼ୀଙ୍କ ପାଚେରି ଭାଙ୍ଗି ଗର୍ଜନ ଅଭିମୁଖେ ପଳାଇଥିଲେ। ଖବର ପାଇ ବନ ବିଭାଗ ସଜା
