ଖଇରା, ୨୯।୪(ଡି.ଏନ.ଏ.)-ବାଲେଶ୍ୱର ଜିଲା ଅଧୀନ ଖଇରା ବ୍ଲକର ଗରସଙ୍ଗ ପଞ୍ଚାୟତ ରାମଚନ୍ଦ୍ର ହାଇସ୍କୁଲ ଓ ଶ୍ୟାମସୁନ୍ଦରପୁର ପଞ୍ଚାୟତର ଗଣ୍ଡିବେଡ ହାଇସ୍କୁଲରେ ଚାଲିଥିବା ଅସ୍ଥାୟୀ କ୍ୱାରାଣ୍ଟାଇନ କେନ୍ଦ୍ରରୁ ସ୍ବାବ ନମୁନା ସଂଗ୍ରହ କରାଯାଇଛି। ସୋମବାର ଗରସଙ୍ଗରୁ ୨୦ଜଣଙ୍କ ନିକଟରୁ ମେଡିକାଲ ଟିମ୍ ସ୍ବାବ ସଂଗ୍ରହ କରିଥିଲେ। ସରପଞ୍ଚ ସସ୍ମିତା ପଟ୍ଟନାୟକ, ନିର୍ବାହୀ ଅଧିକାରୀ ରଣଜିତ୍ ସାମଲ, ସ୍ବାସ୍ଥ୍ୟ ପରିଦର୍ଶିକା କଲ୍ୟାଣୀ ରାଉତ, ଏମ୍ପି ପ୍ରତିନିଧି ରାଜେନ୍ଦ୍ର ଦାସ ପ୍ରମୁଖ ଉପସ୍ଥିତ ଥିଲେ। ସେହିଭଳି ମଙ୍ଗଳବାର ଗଣ୍ଡିବେଡ ହାଇସ୍କୁଲରେ ମେଡିକାଲ ଟିମ୍ ପହଞ୍ଚି ନମୁନା ସଂଗ୍ରହ କରିଥିଲେ। ଓଡିଶା ବାହାରୁ ଆସିଥିବା ମୋଟ ୪୦ଜଣଙ୍କ ନିକଟରୁ ସ୍ବାବ ସଂଗ୍ରହ କରାଯାଇଥିଲା। ବିଡିଓ ଦେବେନ୍ଦ୍ର ପ୍ରସାଦ ବଳ, ସରପଞ୍ଚ ସୁଶାନ୍ତ ମହାକୁଡ, ସମିତିସଭ୍ୟ ରବୀନ୍ଦ୍ର ମହାନ୍ତି, ଗଣ୍ଡିବେଡ ବଜାର କମିଟି ସଭାପତି ଇଂ ରାଜେଶ ମହାକୁଡ, ନିର୍ବାହୀ ଅଧିକାରୀ ହେମନ୍ତ ସାମଲ ପ୍ରମୁଖ ତଦାରଖ କରିଥିଲେ।
