ଖଇରା,୨୧।୩(ଡି.ଏନ୍.ଏ): ବାଲେଶ୍ବର ଜିଲା ଖଇରା ଥାନା ଗଗନଧୂଳି ପଞ୍ଚାୟତ ଅଧୀନ ତେନ୍ତୁଳିଆପଡ଼ା ଗ୍ରାମରେ ଗଛ କଟାକୁ ନେଇ କିଛି ଯୁବକଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା। ତେବେ ଏହି ଘଟଣାରେ ମାଡ ଖାଇବା ପରେ ଭାଗୀରଥି ଦାସ ନାମକ ଜଣେ ଯୁବକ ଆତ୍ମହତ୍ୟା କରିଥିବା ପରିବାର ଲେକ କହିଛନ୍ତି।
ପରିବାର ଲୋକଙ୍କ କହିବା ଅନୁଯାୟୀ, ଶନିବାର ଗଛ କଟାକୁ କେନ୍ଦ୍ର କରି ଭାଗିରଥିଙ୍କ ସହ ଗ୍ରାମର କେତେକ ଯୁବକଙ୍କ ସହ ଯୁକ୍ତିତର୍କ ହୋଇଥିଲା । ରାତିରେ ଉକ୍ତ ଯୁବକ ମାନେ ମିଳିତ ଭାବେ ଭାଗୀରଥିଙ୍କ ଘରେ ପଶି ପରିବାର ଲୋକଙ୍କ ସମ୍ମୁଖରେ ତାଙ୍କୁ ମାଡ ମାରିଥିଲେ ।ଏଥିରେ ଲଜ୍ଜିତ ଅନୁଭବ କରି ମାନସିକ ଭାରସାମ୍ୟ ହରାଇ ଭାଗୀରଥି ବେକରେ ଶାଢି ବାନ୍ଧି ଆତ୍ମହତ୍ୟା କରିଛନ୍ତି। ଖଇରା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
