ସ୍ବର୍ଗତ ଅଭିନେତା-ନିର୍ମାତା ରିଷି କପୁର ତାଙ୍କ ସମୟର ଚକୋଲେଟ ହିରୋ ଭାବେ କାର୍ଯ୍ୟ କରିଥିଲେ। ସେ ତାଙ୍କ କ୍ୟାରିୟରରେ ଅନେକ ଫିଲ୍ମ କରିଥିଲେ। ସୁନ୍ଦର ଅଭିନୟ ପାଇଁ ତାଙ୍କ ଫିଲ୍ମକୁ ସମସ୍ତେ ପସନ୍ଦ କରନ୍ତି। ଆଜି ସେ ଆମ ସହିତ ନାହାନ୍ତି ସତ, ହେଲେ ସେପ୍ଟେମ୍ବର ୪ରେ ଜନ୍ମ ନେଇଥିବା ଏହି ମହାନ୍ କଳାକାରଙ୍କୁ ଏବେବି ଦର୍ଶକ ମନେ ରଖିଛନ୍ତି। ତାଙ୍କ କ୍ରୋଧ ବିଷୟରେ କାହାକୁ ବା ଅଜଣା । ରଣବୀର କପୁର ନିଜେ ଏକ ସାକ୍ଷାତ୍କାରରେ କହିଥିଲେ, ଥରେ ବାପା ରାଗି ଯାଇ ତାଙ୍କୁ ଚାପୁଡ଼ା ମାରିଥିଲେ। ତେବେ ରଣବୀରଙ୍କ ଏପରି କ’ଣ ଭୁଲ ଥିଲ,ା ଯାହା ତାଙ୍କ ବାପା ସହି ପାରି ନଥିଲେ।
ଯିଏ ରିଷିଙ୍କୁ ଜାଣିଛନ୍ତି ସେ ଏହା ମଧ୍ୟ ଜାଣିଥିବେ ଯେ, ସେ କୌଣସି ଭୁଲ କଥାକୁ ବରଦାସ୍ତ କରନ୍ତି ନାହିଁ । ଗଣମାଧ୍ୟମ ଆଗରେ ସେ ଅନେକ ଥର ନିଜର କ୍ରୋଧ ପ୍ରକାଶ କରିଛନ୍ତି।
ଏହା ହେଉଛି ସେହି ସମୟର କଥା, ଯେତେବେଳେ ରଣବୀରଙ୍କୁ ମାତ୍ର ୧୨ ବର୍ଷ ହୋଇଥିଲା। ରିଷି ଥରେ ତାଙ୍କ ଘରେ ପୂଜା ରଖିଥିଲେ। ଘରର ସମସ୍ତ ଲୋକ ପୂଜାରେ ଉପସ୍ଥିତ ଥିଲେ। ତା’ପରେ ରଣବୀର ମଧ୍ୟ ପୂଜାରେ ଯୋଗଦେବା ପାଇଁ ପହଞ୍ଚିଥିଲେ। ରଣବୀରଙ୍କୁ ଦେଖି ତାଙ୍କ ବାପା ବହୁତ ରାଗିଯାଇ ଗାଲରେ ଠୋ କରି ଶକ୍ତ ଚାପୁଡ଼ା ମାରିଥିଲେ।
କାରଣ ରଣବୀର ପୂଜାକୁ ଜୋତା ପିନ୍ଧି ଆସିଥିଲେ। ରଣବୀର ଜାଣି ନ ଥିଲେ ଯେ, ପୂଜାରେ ଜୋତା ପିନ୍ଧି ବସିବା କଥା ନୁହେଁ। ପୁଅକୁ ଦେଖିବା ମାତ୍ରେ ସେ ରାଗିଯାଇ ତାଙ୍କୁ ମାରିଥିଲେ। ପରେ ବୁଝାଇଥିଲେ।
