ଦିନ କେଇଟା ପରେ ଦୁର୍ଗାପୂଜା। ଏହି ସମୟରେ ଫେଷ୍ଟିଭ ସିଜନ୍ରେ ଘରକୁ କିପରି ଦେବେ ଟ୍ରାଡିଶନାଲ ଲୁକ୍, ଜାଣନ୍ତୁ ଏ ସମ୍ପର୍କରେ..
ଡ୍ରଇଂରୁମ୍ ସେଣ୍ଟର ପିସ୍ କିମ୍ବା କର୍ନର ରଖା ହୋଇଥିବା ଫ୍ଲାଓ୍ବାର ଆରେଞ୍ଜମେଣ୍ଟ ପୂଜାର ମାହୋଲକୁ ଆହୁରି ବଢ଼ାଇ ଦେଇଥାଏ। କାହିଁକି ନା ଫୁଲ ହେଉଛି ଖୁସିର ପ୍ରତୀକ। ଏହାଦ୍ୱାରା ଘରର ପରିବେଶ ନୂଆ ନୂଆ ଲାଗିଥାଏ ଓ ସୁନ୍ଦର ଦେଖାଯାଏ।
ଘରର ମୁଖ୍ୟ ଦ୍ୱାରରେ ଫୁଲରେ ତିଆରି ଘଣ୍ଟି ଟାଙ୍ଗିପାରିବେ। ଏହାକୁ ଫୁଲର ରଙ୍ଗୋଲିରେ ସଜାନ୍ତୁ।
ପୂଜାରେ ଘରକୁ ରଙ୍ଗବେରଙ୍ଗ ଫୁଲ ଦ୍ୱାରା ସଜେଇ ଆପଣ ଦେଇପାରିବେ ଟ୍ରାଡିଶନାଲ ଏବଂ ନୂଆ ଲୁକ୍।
ବଜାରରେ ବିଭିନ୍ନ ପ୍ରକାର ଆର୍ଟିଫିସଆଲ ଫୁଲରେ ପ୍ରସ୍ତୁତ ଡେକୋରେଟିଭ୍ ପିସ୍ ମିଳୁଛି। ଯାହାକୁ ଆପଣ ଘରର କୋଣରେ ଦୀପ ଓ କ୍ୟାଣ୍ଡେଲ ଦ୍ୱାରା ସଜାଇପାରିବ।
ପର୍ଟ ହୋଲଡର୍ସରେ ଗେଣ୍ଡୁଫୁଲ ପକାଇ ତାକୁ କବାଟ ପାଖରେ ଟାଙ୍ଗି ଦିଅନ୍ତୁ। ମାଟିର ପର୍ଟ ଯଦି ଲଗାଇବାକୁ ଚାହୁଁଛନ୍ତି ପ୍ରଥମେ ତାକୁ ଡେକୋରେଟ୍ କରିଦିଅନ୍ତୁ। ସଜାହୋଇଥିବା ପର୍ଟ ସୁନ୍ଦର ଦେଖାଯାଇଥାଏ।
ଟେରାକୋଟା କରାହୋଇଥିବା କୁଣ୍ଡରେ ପାଣି ଦେଇ ସେଥିରେ ଗୋଲାପ ପାଖୁଡ଼ା ପକାଇ ସେଣ୍ଟର ଟେବୁଲ ପାଖରେ ସଜାଇ ଦିଅନ୍ତୁ।
କଲରଫୁଲ ଫ୍ଲାଓ୍ବାର ନେଇ ସେଥିରେ ଘରର କୋଣ ସବୁକୁ ସଜାଇ ଦିଅନ୍ତୁ। ଏହା ଉପରେ ଛୋଟ ଛୋଟ ଦୀପ ରଖି ଦିଅନ୍ତୁ।
ଘରକୁ ଫେଷ୍ଟିଭ ଲୁକ୍ ଦେବାକୁ ହେଲେ ତୋରଣ ବି ଭଲ ଅପ୍ସନ। ମାର୍କେଟରେ ଫ୍ଲୋରାଲ ତୋରଣ ଉପଲବ୍ଧ । ଏହାକୁ ଆଣି ଘରେ ଆପଣ ସଜାଇପାରିବେ।
