କରୋନା ପାଇଁ ଘର ଘର ବୁଲି ପିଡିଏସ୍ ଚାଉଳ ବଣ୍ଟା ବେଳେ ବାଟମାରଣା
12:54 pmApril 5, 2020 / 21

କାଲିମେଳା,୫।୪(ଡି.ଏନ୍.ଏ.): ମାଲକାନଗିରି ଜିଲା ପଡିଆ ବ୍ଲକ ଅନ୍ତର୍ଗତ ଉଣ୍ଡ୍ରକୁଣ୍ଡା ପଞ୍ଚାୟତର ହିତାଧିକାରୀଙ୍କୁ ଦିଆଯିବାକୁ ଥିବା ପିଡିଏସ୍ ଚାଉଳକୁ ସେହି ପଞ୍ଚାୟତର ଯୋଗାଣ ସହାୟକ ହଡ଼ପ କରିଥିବା ଅଭିଯୋଗ ହୋଇଛି। କରୋନାକୁ ଦୃଷ୍ଟିରେ ରଖି ଗତ ୨ ତାରିଖ ଉଣ୍ଡ୍ରକୁଣ୍ଡା ବସ୍ତିରେ ଥିବା ପ୍ରାୟ ୮୨ ପରିବାରକୁ ପିଡିଏସ୍ ଚାଉଳ ଦେବା ପାଇଁ ସେହି ପଞ୍ଚାୟତ ଦାୟିତ୍ଵରେ ଥିବା ଯୋଗାଣ ସହାୟକ ସୁଶିଲ ମଣ୍ଡଳ ଯାଇଥିଲେ। ଚାଉଳ ଦେବା ପରେ ସେଥିରୁ ପ୍ରାୟ ୧୦ ବସ୍ତା ଚାଉଳ ବାହାର କରି ସାଧାରଣ ସିମେଣ୍ଟ ବସ୍ତା ଭିତରେ ଭର୍ତ୍ତି କରିଥିଲେ। ସେ ଜଣେ ବେପାରୀଙ୍କ ଦ୍ଵାରା ଏହି ଚାଉଳ ବିକ୍ରି କରୁଥିବା ଗ୍ରାମବାସୀ ଦେଖିଥିଲେ। ଅଭିଯୋଗ କରିବା ପରେ ପଡିଆ ବିଡିଓ ଉକ୍ତ ଯୋଗାଣ ସହାୟକଙ୍କ ବିରୋଧରେ କାର୍ଯ୍ୟାନୁଷ୍ଠାନ ପୂର୍ବକ ତାଙ୍କୁ କାର୍ଯ୍ୟରୁ ନିଲମ୍ବନ କରିଛନ୍ତି।