ଓଡ଼ିଶା ଅପେରାରୁ ସୂର୍ଯ୍ୟମନ୍ଦିର

ଓଡ଼ିଆ ଯାତ୍ରା ଜଗତରେ ଜଣେ ପରିଚିତା ମଦର ଆର୍ଟିଷ୍ଟ (ମା’ କଳାକାର) ହେଉଛନ୍ତି ଅମିତା ସେନାପତି। ତେବେ କଳାକାରମାନଙ୍କ ନିକଟରେ ସେ ତାରିଣୀ ବୋଲି ବେଶି ପରିଚିତା। ପୁରୀ ଜିଲା ନିମାପଡ଼ାରେ ଜନ୍ମ ଏହି ଅଭିନେତ୍ରୀ ପ୍ରଥମେ ଜଣେ ନୃତ୍ୟାଙ୍ଗନା ଭାବରେ ଯୋଗଦିଅନ୍ତି ‘ଓଡ଼ିଶା ଅପେରା’ରେ। ଏହା ୧୯୯୫ ମସିହା ଘଟଣା। ଦୁଇବର୍ଷ ଡ୍ୟାନ୍ସର ଭାବେ କାର୍ଯ୍ୟ କରିବାପରେ ପାର୍ଟି ପକ୍ଷରୁ ତାଙ୍କୁ ଅଭିନୟ କରିବାର ସୁଯୋଗ ଦିଆଯାଏ। ‘କାନି ଉଡ଼ିଗଲା କାନପୁରକୁ’ ନାଟକରେ ସେ ପାର୍ଶ୍ୱନାୟିକା ଭାବେ ଅଭିନୟ କରନ୍ତି। ଅନ୍ୟ ଏକ ନାଟକ ‘ଶକୁନ୍ତଳା’ରେ ତାଙ୍କୁ ମିଳେ ନାୟିକା ସାଜିବାର ସୁଯୋଗ। ଏହାପରେ ସେ କେତେବେଳେ ସାଜନ୍ତି ନାୟିକା ତ କେତେବେଳେ ସାଜନ୍ତି ଖଳନାୟିକା। ‘ଓଡ଼ିଶା ଅପେରା’ରୁ ସେ ଆସନ୍ତି ‘ପାର୍ବତୀ ଗଣନାଟ୍ୟ’। ‘ପାର୍ବତୀ’ ପରେ ‘ବାଘାଯତୀନ ଲୋକନାଟ୍ୟ’ ଏବଂ ‘ଟାଇଗର ତାରିଣୀ’ରେ ସେ ଅଭିନୟ କରନ୍ତି। ଏହାପରେ ପାଖାପାଖି ୬ବର୍ଷ ସେ ଯାତ୍ରାରୁ ଅବ୍ୟାହତି ନିଅନ୍ତି। ୬ ବର୍ଷ ପରେ ୨୦୧୩ ମସିହାର ‘ବିଶ୍ୱ ରଙ୍ଗମହଲ’ ଜରିଆରେ ତାଙ୍କର ପୁଣିଥରେ ଯାତ୍ରା ଜଗତକୁ ଲେଉଟାଣି ହୁଏ। ପରେ ପରେ ‘ତୁଳସୀ ଗଣନାଟ୍ୟ’ରେ ଅଭିନୟ କରି ଚଳିତ ଯାତ୍ରା ସିଜନ୍‌ରେ ଯୋଗଦେଇଛନ୍ତି ‘ଅପେରା ସୂର୍ଯ୍ୟମନ୍ଦିର’ରେ। ଏବେ ମୁଖ୍ୟତଃ ମା’ ଭୂମିକାରେ ମଞ୍ଚକୁ ଆସୁଥିବା ଏହି ଅଭିନେତ୍ରୀ ଉଭୟ ପଜିଟିଭ୍‌ ଏବଂ ନେଗେଟିଭ୍‌ ଭୂମିକାରେ ଦର୍ଶକଙ୍କୁ ବାନ୍ଧି ରଖିପାରନ୍ତି। ତାଙ୍କ ଅଭିନୀତ ସଫଳ ନାଟକଗୁଡ଼ିକ ମଧ୍ୟରେ ରହିଛି ‘ଦେଖାହେଲେ କହିବି ସେ କଥା’, ‘ବେଦି ଭାଙ୍ଗିଗଲା ମଙ୍ଗନ ଦିନ’, ‘ରହିଯା ରଙ୍ଗବତୀ’, ‘ମିଥୁନ ରାଶିର ଝିଅ’, ଦିନକ ପାଇଁ ମୁଁ ଦ୍ରୌପଦୀ ହେବି’, ‘ଶହେ ଶହେରେ ଖେଳ’, ‘ବନ୍ଧା ପଡ଼ିଗଲା ସୁରେଶ ପଣ୍ଡା’, ‘ରଣପୁର ରାଣୀ ରଜନୀଗନ୍ଧା’, ‘ରାଜା ଫସିଗଲା ରାଜଧାନୀରେ’, ‘ବଦ୍‌ନାମ ବାଦ୍‌ଶାହା’ ଏବଂ ଆହୁରି ଅନେକ। ଚଳିତ ଯାତ୍ରା ସିଜନ୍‌ରେ ‘ଅପେରା ସୂର୍ଯ୍ୟମନ୍ଦିର’ରେ ତାଙ୍କ ଅଭିନୀତ ନାଟକ ମଧ୍ୟରେ ରହିଛି ‘ପୁଅ ଯିବ ଶାଶୁଘର’ ଏବଂ ‘କାହାଣୀ କହିବ ସୂର୍ଯ୍ୟମନ୍ଦିର’।


Enter your email to get our daily news in your inbox.

All Right Reserved By Dharitri.Com

ରାମ କେବଳ ଏକ ଧର୍ମର ନୁହନ୍ତି, ସବୁ ଭାରତୀୟଙ୍କ ରକ୍ତରେ ଅଛନ୍ତି: ଚର୍ଚ୍ଚାରେ ଜାଭେଦ ଅଖତରଙ୍କ ମନ୍ତବ୍ୟ

ବିଶିଷ୍ଟ ଗୀତିକାର ଓ ପଟ୍ଟକଥା ଲେଖକ ଜାଭେଦ ଅଖତର ଭଗବାନ ଶ୍ରୀରାମଙ୍କ ପ୍ରଶଂସା କରି କହିଛନ୍ତି। ରାମ ଏକ ପୂଜନୀୟ ବ୍ୟକ୍ତିତ୍ୱ। ତାଙ୍କ ମହତ୍ତ୍ୱ କୌଣସି ଗୋଟିଏ…

୨୫ ବର୍ଷ ପରେ କରିନା-ହ୍ରିତିକଙ୍କ କମବ୍ୟାକ୍! କରଣ ଜୋହରଙ୍କ ଭିଡ଼ିଓ ପରେ…

ମୁମ୍ବାଇ: ବଲିଉଡରେ ବିଶିଷ୍ଟ ନିର୍ଦ୍ଦେଶକ କରଣ ଜୋହର ଏପରି ଅନେକ ଯୋଡ଼ିକୁ ପରଦାକୁ ଆଣିଛନ୍ତି, ଯେଉଁମାନେ ଆଜି ମଧ୍ୟ ଦର୍ଶକଙ୍କର ଅତି ପ୍ରିୟ। ଏହିପରି ଏକ ଯୋଡ଼ି…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଗର୍ଭରେ ଆଲିଆ ଭଟ୍ଟ ଥିବାବେଳେ ଗୋଟିଏ ଦିନରେ ୧୦୦ ସିଗାରେଟ ଟାଣୁଥିଲେ ମା’ ସୋନି ରାଜଦାନ, ନିଜେ ଖୋଲିଲେ ଗୁମର

ମୁମ୍ବାଇ:ବଲିଉଡ୍‌ର ଜଣାଶୁଣା ଅଭିନେତ୍ରୀ ସୋନି ରାଜଦାନ ନିଜ ଦମ୍‌ଦାର ଅଭିନୟ ପାଇଁ ବେଶ ପରିଚିତ। ଦୀର୍ଘଦିନ ଧରି ଫିଲ୍ମ ଇଣ୍ଡଷ୍ଟ୍ରିରେ ସକ୍ରିୟ ଥିବା ସୋନି ନିଜ ଚରିତ୍ରକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?