ଓଡ଼ିଶାରେ ବଢ଼ିଲା ଜିଏସ୍‌ଟି ଆଦାୟ

କଟକ ଅଫିସ,୪ା୩: ଦ୍ରବ୍ୟ ଏବଂ ସେବା କର(ଜିଏସ୍‌ଟି) ଆଦାୟରେ ଓଡ଼ିଶାର ଅଭିବୃଦ୍ଧି ଦେଖିବାକୁ ମିଳିଛି। ୨୦୧୯ ଫେବୃୟାରୀରେ ଓଡ଼ିଶାରେ ରାଜ୍ୟ ଜିଏସ୍‌ଟି(ଏସ୍‌ଜିଏସ୍‌ଟି) ଆଦାୟ ୬୭୨.୯୯ କୋଟି ଟଙ୍କା ଥିବାବେଳେ ୨୦୨୦ ଫେବୃୟାରୀରେ ଏହା ୮୦୪.୮୫ କୋଟି ଟଙ୍କା ରହିଛି। ଏଣୁ ଗୋଟିଏ ବର୍ଷ ଭିତରେ ଫେବୃୟାରୀରେ ବୃଦ୍ଧି ହାର ପ୍ରାୟ ୨୮ପ୍ରତିଶତ ରହିଛି ବୋଲି ବାଣିଜ୍ୟକର ଏବଂ ଦ୍ରବ୍ୟ ଓ ସେବାକର ଆୟୁକ୍ତଙ୍କ କାର୍ଯ୍ୟାଳୟ ପକ୍ଷରୁ ସୂଚନା ମିଳିଛି। ସେହିପରି ଚଳିତ ଆର୍ଥିକ ବର୍ଷରେ ୪୫,୬୩୯ ନୂତନ ଟିକସଦାତା ଯୋଡ଼ି ହେବା ସହ ଅସାଧୁ ବ୍ୟବସାୟୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି।
୨୦୧୯ ଏପ୍ରିଲରୁ ୨୦୨୦ ଫେବୃୟାରୀ ମଧ୍ୟରେ ମୋଟ୍‌ ଜିଏସ୍‌ଟି (କେନ୍ଦ୍ରୀୟ ଜିଏସ୍‌ଟି, ସମନ୍ବିତ ଜିଏସ୍‌ଟି, ରାଜ୍ୟ ଜିଏସ୍‌ଟି ଓ ଅତିରିକ୍ତ କର) ୨୭,୦୪୪.୩୭ କୋଟି ଟଙ୍କା ଆଦାୟ ହୋଇଛି। ପୂର୍ବ ଆର୍ଥିକ ବର୍ଷ ୨୦୧୮-୧୯ ସମାନ ସମୟରେ ଏହା ଥିଲା ୨୪,୩୨୫.୭୯ କୋଟି ଟଙ୍କା। ଏହି ସମୟ ଟିକସ ସଂଗ୍ରହରେ ୧୧.୧୮ପ୍ରତିଶତ ବୃଦ୍ଧି ଘଟିଛି। ୨୦୨୦ ଫେବୃୟାରୀରେ ଆଦାୟ କରାଯାଇଥିବା ୨୭୯୦ କୋଟି ଟଙ୍କାର ମୋଟ୍‌ ଜିଏସ୍‌ଟି ପରିମାଣ ମଧ୍ୟ ଚଳିତ ଆର୍ଥିକ ବର୍ଷରେ ଦ୍ୱିତୀୟ ସର୍ବାଧିକ ମାସିକ ଆଦାୟ। କୋଇଲା ଓ ଇସ୍ପାତ ବିକ୍ରି କ୍ଷେତ୍ରରେ ମାନ୍ଦାବସ୍ଥା ଯୋଗୁ ସମନ୍ବିତ ଜିଏସ୍‌ଟି ଓ ଅତିରିକ୍ତ ଟିକସ ସଂଗ୍ରହ ପୂର୍ବ ମାସଗୁଡ଼ିକରେ ହ୍ରାସ ପାଇ ଆସୁଥିଲା। କିନ୍ତୁ ଫେବୃୟାରୀରେ ଏ କ୍ଷେତ୍ରରେ ଯଥାକ୍ରମେ ୯.୨୯ ପ୍ରତିଶତ ଓ ୨୭.୬୫ ପ୍ରତିଶତ ଅଭିବୃଦ୍ଧି ଦେଖାଯାଇଛି। ଫେବୃୟାରୀ ସୁଦ୍ଧା ଅତିରିକ୍ତ ଟିକସ କ୍ଷେତ୍ରରେ କ୍ରମ ବୃଦ୍ଧି ହାର ୨୦୧୯ ଫେବୃୟାରୀ ତୁଳନାରେ ୦.୨୦ପ୍ରତିଶତ ଯୁକ୍ତାମତ୍କ ଥିବାବେଳେ ଆଇଜିଏସ୍‌ଟି କ୍ଷେତ୍ରରେ ଏହା ବିଯୁକ୍ତାମତ୍କ ୩.୨୦ପ୍ରତିଶତ ରହିଛି।
ସେହିଭଳି ଫେବୃୟାରୀରେ ପେଟ୍ରୋଲିୟମ ଓ ମଦରୁ ଭାଟ୍‌ ସଂଗ୍ରହ ୬୯୫.୮୧ କୋଟି ଟଙ୍କା ରହିଛି। ଚଳିତ ଆର୍ଥିକ ବର୍ଷର ଏହା ସର୍ବାଧିକ ମାସିକ ଆଦାୟ। ପୁନଶ୍ଚ ରିଟର୍ଣ୍ଣ (ଜିଏସ୍‌ଟି ଆର୍‌-୩’ବି) ଦାଖଲ କ୍ଷେତ୍ରରେ ମଧ୍ୟ ଅଗ୍ରଗତି ଦେଖାଦେଇଛି। ଜାନୁୟାରୀରେ ୯୧ ପ୍ରତିଶତ ଟିକସଦାତା ଧାର୍ଯ୍ୟ ସମୟ ମଧ୍ୟରେ ଦାଖଲ କରିଛନ୍ତି। ୨୦୧୯ରେ ଏହା ମାତ୍ର ୬୭ ପ୍ରତିଶତ ଥିଲା। ଟିକସ ପରିସର ବୃଦ୍ଧି ନିମନ୍ତେ ଜିଏସ୍‌ଟି ଅଧୀନରେ ପଞ୍ଜୀକୃତ ହୋଇ ନ ଥିବା ଯୋଗ୍ୟ ବ୍ୟବସାୟୀଙ୍କ ସର୍ଭେକୁ ଗୁରୁତ୍ୱ ଦିଆଯାଇଥିଲା। ଫଳରେ ଚଳିତ ଆର୍ଥିକ ବର୍ଷରେ ୪୫,୬୩୯ ସଂଖ୍ୟକ ନୂଆ ଟିକସଦାତା ଟିକସ ପରିସରଭୁକ୍ତ ହୋଇଛନ୍ତି। ରିଟର୍ଣ୍ଣ ଦାଖଲ ଖିଲାପକାରୀ ଓ ଭୁଲ୍‌ ରିଟର୍ଣ୍ଣ ଦାଖଲକାରୀଙ୍କ ବିରୋଧରେ ସ୍ବତନ୍ତ୍ର ଅଭିଯାନ ଯୋଗୁ ରିଟର୍ଣ୍ଣ ଦାଖଲ କରୁ ନ ଥିବା ବ୍ୟବସାୟୀଙ୍କ ବିରୋଧରେ ୪୯,୦୮୧ଟି ନୋଟିସ ଓ ଭୁଲ ରିଟର୍ଣ୍ଣ ଦାଖଲ ପାଇଁଁ ୧୧,୧୨୧ଟି ନୋଟିସ ଜାରି କରାଯାଇଛି। ଗତ ଦୁଇଟି ଟିକସ ଅବଧି ମଧ୍ୟରେ ରିଟର୍ଣ୍ଣ ଦାଖଲ କରି ନ ଥିବା ଯୋଗୁ ୨,୧୭୬ ଜଣ ବ୍ୟବହାରକାରୀଙ୍କ ଇ-ୱେବିଲ୍‌ ବାହାର କରିବା ବ୍ୟବସ୍ଥାକୁ ବନ୍ଦ କରାଯାଇଛି। ସେହିପରି ରାଜ୍ୟ ଅଧୀନସ୍ଥ ୩୦୨ ଜଣ ଟିକସଦାତାଙ୍କ ୬୧.୯୬ କୋଟି ଟଙ୍କାର ପ୍ରାପ୍ୟ (କ୍ରେଡିଟ୍‌) ଉପଲବ୍ଧ କ୍ରେଡିଟ ପରିମାଣଠାରୁ ଅଧିକ ଦାବି କରାଯିବା କାରଣରୁ ବନ୍ଦ କରାଯାଇଥିବା ସୂଚନା ଦିଆଯାଇଛି।
ଜିଏସ୍‌ଟି ଆଇନ ଅଧୀନସ୍ଥ ଟିକସ ବ୍ୟବସ୍ଥାକୁ ଅଧିକ ସୁସଂଗଠିତ କରିବା ଉଦ୍ଦେଶ୍ୟରେ ସମସ୍ତ ଜାଲ୍‌ ଓ ଖାମଖିଆଲି ବ୍ୟବସାୟୀଙ୍କ ପଞ୍ଜୀକରଣକୁ କ୍ଷେତ୍ରୀୟ ଅନୁସନ୍ଧାନ କରାଯାଇ ରଦ୍ଦ କରିବାକୁ ନିର୍ଦ୍ଦେଶ ଦିଆଯାଇଛି। ଚଳିତ ଆର୍ଥିକବର୍ଷରେ ରାଜ୍ୟ ଅଧୀନରେ ଥିବା ଏହିପରି ୧୨,୩୦୦ ଟିକସଦାତାଙ୍କ ପଞ୍ଜୀକରଣକୁ ଘୋଷିତ ବ୍ୟବସାୟ ସ୍ଥଳରେ ବ୍ୟବସାୟ କରୁ ନ ଥିବା ଯୋଗୁ ଏବଂ ୬ ମାସରୁ ଊର୍ଦ୍ଧ୍ୱ କାଳ ରିଟର୍ଣ୍ଣ ଦାଖଲ କରୁ ନ ଥିବା କିମ୍ବା ଜାଲ୍‌ କାରବାରରେ ଲିପ୍ତ ରହିଥିବା କାରଣରୁ ରଦ୍ଦ କରାଯାଇଛି। ତଥ୍ୟ ବିଶ୍ଳେଷଣ ବ୍ୟବସ୍ଥା ମାଧ୍ୟମରେ ଜାଲ୍‌ ବିଲ୍‌ ପ୍ରଦାନକାରୀଙ୍କୁ ଚିହ୍ନଟ କରାଯାଉଛି। ଜାଲ୍‌ ବ୍ୟବସାୟୀ ନେଟ୍‌ୱର୍କ ଚଳାଇଥିବା ଓ ଜାଲିଆତି କରି ଇନ୍‌ପୁଟ୍‌ ଟ୍ୟାକ୍ସ କ୍ରେଡିଟ(ଆଇଟିସି) ହସ୍ତାନ୍ତର କରିଥିବା ଅଭିଯୋଗରେ ଏପର୍ଯ୍ୟନ୍ତ ୭ ଜଣ ମାଷ୍ଟରମାଇଣ୍ଡଙ୍କୁ ଗିରଫ କରାଯାଇଛି। ଜାଲ୍‌ ଆଇଟିସି ହାସଲ କରିଥିବା ଅନ୍ୟ ରାଜ୍ୟର ବ୍ୟବସାୟୀଙ୍କ କ୍ଷେତ୍ରରେ ସମ୍ପୃକ୍ତ ୧୫ଟି ରାଜ୍ୟର କମିଶନରମାନଙ୍କୁ କାର୍ଯ୍ୟାନୁଷ୍ଠାନ ପାଇଁ ସୁପାରିସ କରାଯାଇଛି। ଓଡ଼ିଶାର ଯେଉଁମାନେ ଜାଲ୍‌ ଆଇଟିସି ଗ୍ରହଣ କରିଛନ୍ତି, ସେମାନଙ୍କଠାରୁ ଏହି ଆଇଟିସି ପରିମାଣ ସୁଧ ଓ ଜରିମାନା ସହ ଆଦାୟ କରିବା ପାଇଁ ଜିଏସ୍‌ଟି କମିଶନରେଟ ତରଫରୁ ପଦକ୍ଷେପ ନିଆଯାଉଛି। ୭୭.୬୦ କୋଟି ଟଙ୍କାର ଜାଲ୍‌ ଆଇଟିସି ହାସଲ କରିଥିବା ୧୮୧ ଜଣ ପଞ୍ଜୀକୃତ ଟିକସଦାତାଙ୍କୁ କାରଣଦର୍ଶାଅ ନୋଟିସ ଜାରି କରାଯାଇଛି। ବାଣିଜ୍ୟକର ଏବଂ ଦ୍ରବ୍ୟ ଓ ସେବାକର ଆୟୁକ୍ତ ଏସ୍‌.କେ. ଲୋହାନି ସମସ୍ତ କ୍ଷେତ୍ରୀୟ କାର୍ଯ୍ୟାଳୟଗୁଡ଼ିକୁ ଟିକସଦାତାମାନଙ୍କୁ ସେମାନଙ୍କର ଟିକସ ସମ୍ପର୍କିତ ପ୍ରତିବଦ୍ଧତାକୁ ପୂରଣ କରିବା ଦିଗରେ ଏବଂ ନିୟମିତ ଓ ଉପଯୁକ୍ତ ରିଟର୍ଣ୍ଣ ଦାଖଲ ଦିଗରେ ସମସ୍ତ ସହଯୋଗ ଯୋଗାଇ ଦେବାକୁ ନିର୍ଦ୍ଦେଶ ଦେଇଥିବା ପ୍ରକାଶ କରାଯାଇଛି।


Enter your email to get our daily news in your inbox.

All Right Reserved By Dharitri.Com

କେନ୍ଦ୍ରାପଡ଼ାକୁ ଗଡ଼ିଲା ଟ୍ରେନ୍‌ ଇଞ୍ଜିନ

କେନ୍ଦ୍ରାପଡ଼ା ଅଫିସ, ୨୯।୬: କେନ୍ଦ୍ରାପଡ଼ାକୁ ଗଡ଼ିଲା ଟ୍ରେନ୍‌ ଇଞ୍ଜିନ। ହରିଦାସପୁର-କେନ୍ଦ୍ରାପଡ଼ା ମଧ୍ୟରେ ଶନିବାର ଟ୍ରେନ୍‌ ଇଞ୍ଜିନ ଗଡ଼ିଛି। ପରୀକ୍ଷାମୂଳକ ଭାବେ ଇଞ୍ଜିନ ଡ୍ରାଇଭ କରାଯାଇଥିବା ସୂଚନା...

ବଟି ନ ଦେବାରୁ ଘରେ ପଶି ଦମ୍ପତିଙ୍କୁ ହାଣିବା ଘଟଣା: ଅଭିଯୋଗକାରୀଙ୍କୁ ଦୁର୍ବ୍ୟବହାର, କନ୍‌ଷ୍ଟେବଳ ନିଲମ୍ବିତ

ପୁରୀ ଅଫିସ, ୧୦ା୧୦: ଅଭିଯୋଗକାରୀଙ୍କୁ ଦୁର୍ବ୍ୟବହାର ପ୍ରଦର୍ଶନ ଅଭିଯୋଗରେ ପୋଲିସ ହେଲ୍‌ପ ଲାଇନ୍‌ର କନ୍‌ଷ୍ଟେବଳ ସୁଶାନ୍ତ ଭୁଜବଳଙ୍କୁ ମଙ୍ଗଳବାର ଚାକିରିରୁ ନିଲମ୍ବିତ କରାଯାଇଛି। ଅଭିଯୋଗକାରୀଙ୍କ ଅଭିଯୋଗ...

ବିଦ୍ୟୁତ୍‌ ଆଘାତରେ ଓରିକନ ଜଳସମ୍ପଦ ବିଭାଗ କର୍ମଚାରୀଙ୍କ ମୃତ୍ୟୁ

ନିଶ୍ଚିନ୍ତକୋଇଲି,୨୦।୨(ସ୍ବ.ପ୍ର.): କଟକ ଜିଲା ନିଶ୍ଚିନ୍ତକୋଇଲି ବ୍ଲକ ଅଧୀନ ଓରିକନ ଜଳସମ୍ପଦ ବିଭାଗର ଖଲାସୀ ସୁରେନ୍ଦ୍ର ଆଚାର୍ଯ୍ୟ (୪୨)ଙ୍କର ବିଦ୍ୟୁତ ଆଘାତରେ ମୃତ୍ୟୁ ଘଟିଛି। ସେ ନଦୀବନ୍ଧ...

ଓଡ଼ିଶା ଅଭିମୁଖେ ଜଗା-କାଳିଆ: ପହଞ୍ଚିବା ପରେ ଏସ୍‌ସିବି ଯିବେ

ଭୁବନେଶ୍ୱର, ୬।୯(ବ୍ୟୁରୋ): ଶୁକ୍ରବାର ଦିଲ୍ଲୀ ଏମ୍‌ସ ଛାଡ଼ିଛନ୍ତି ଜଗା -କାଳିଆ। ଡାକ୍ତରଙ୍କ ପ୍ରେସ୍‌ମିଟ୍‌ ପରେ ସେମାନେ ଏମ୍‌ସରୁ ବାହାରିଛନ୍ତି। ସ୍ବତନ୍ତ୍ର ଆମ୍ବୁଲାନ୍ସରେ ସେମାନଙ୍କୁ ଏମ୍‌ସରୁ ରେଳ...

କ୍ୟାବିନେଟ୍‌ ନିଷ୍ପତ୍ତି: ରଦ୍ଦ ହେଲା ୨୧୪ ଅକାମୀ ଆଇନ

ଭୁବନେଶ୍ୱର,୧୩।୧୧(ବ୍ୟୁରୋ): ୧୯୫୦ ମସିହାରୁ ୨୦୧୧ ମଧ୍ୟରେ ରାଜ୍ୟ ସରକାରଙ୍କ ଦ୍ୱାରା ପ୍ରଣୀତ ୨୧୪ଟି ଆଇନକୁ ରଦ୍ଦ କରାଯାଇଛି। ଆଇନ ବିଭାଗ ଦେଇଥିବା ଏହି ପ୍ରସ୍ତାବକୁ ଅର୍ଥ...

କେନ୍ଦୁପତ୍ର ଗୋଛା କାଟିବା ବେଳେ ମାଡ଼ି ଆସିିଲା ମୃତ୍ୟୁ

ନାକଟିଦେଉଳ, ୬ା୩: ସମ୍ବଲପୁର ଜିଲା ନାକଟିଦେଉଳ ବନାଞ୍ଚଳ ବାଟଗାଁ ଫରେଷ୍ଟ ସେକ୍ସନର ବସାଲୋଇ ଗ୍ରାମରେ ହାତୀ ଆକ୍ରମଣରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ସେ ହେଲେ...

ଆଜି ଚନ୍ଦ୍ରଗ୍ରହଣ: ଶ୍ରୀମନ୍ଦିରରେ ସ୍ବତନ୍ତ୍ର ନୀତି ନିର୍ଘଣ୍ଟ

ପୁରୀ ଅଫିସ୍‌, ୧୬।୭: ଶ୍ରୀମନ୍ଦିରରେ ମଙ୍ଗଳବାର ଚନ୍ଦ୍ରଗ୍ରହଣ ପାଇଁ ପ୍ରଶାସନ ପକ୍ଷରୁ ସ୍ବତନ୍ତ୍ର ନୀତି ନିର୍ଘଣ୍ଟ କରାଯାଇଛି। ସକାଳ ୬ଟାରେ ଦ୍ୱାରଫିଟା ପରେ ନିର୍ଦ୍ଦିିଷ୍ଟ ନୀତି...

ଜିଲାପାଳଙ୍କୁ ଅଭିଯୋଗ ଜଣାଇବା ପାଇଁ ୫ କି.ମି. ଚାଲିଲେ ଛାତ୍ରୀଛାତ୍ର

ରାୟଗଡ଼ା ଅଫିସ, ୮।୧୨: ଓଡ଼ିଶା ଆଦିବାସୀ କଲ୍ୟାଣ ବିଭାଗ ଦ୍ୱାରା ପରିଚାଳିତ ଏକଲବ୍ୟ ଆବାସିକ ବିଦ୍ୟାଳୟର ପ୍ରାୟ ୩ଶହ ଛାତ୍ରୀଛାତ୍ର ୫ କି.ମି.ଚାଲି ଚାଲି ରାୟଗଡ଼ା...

Advertisement
Archives

Model This Week