ଚେକୋସ୍ଲୋଭାକିଆର ଏକ ଛୋଟିଆ ସହର ବନସ୍କା ଷ୍ଟିଓନିକା। ଏଠି ରହିଛି ଏକ ଲଭ୍ ବ୍ୟାଙ୍କ। ଏଠାରେ ପ୍ରତିବର୍ଷ ଭାଲେଣ୍ଟାଇନ୍ ଡେ’ରେ ପ୍ରେମି ଯୁଗଳଙ୍କ ଭିଡ ଲାଗିଥାଏ। କାରଣ ଏଠାରେ ଥିବା ଏକ ବ୍ୟାଙ୍କରେ ପ୍ରେମିକ ପ୍ରେମିକାମାନେ ସେମାନଙ୍କର ପ୍ରେମ କାହାଣୀ ହେଉ ଅବା ଭଲ ପାଇବାର ନିଦର୍ଶନ ସ୍ବରୂପ କିଛି ଜିନିଷ ଜମା ରଖିଥାଆନ୍ତି। ତେବେ ସ୍ଲୋଭାକିଆରେ ଅୟୋଜିତ ହୋଇଥିବା ଏକ ପ୍ରଦର୍ଶନୀରେ ଏହି ବ୍ୟାଙ୍କ ଆକର୍ଷଣର କେନ୍ଦ୍ର ବିନ୍ଦୁ ପାଲଟି ଯାଇଥିଲା। କୁହାଯାଏ ଏହି ବ୍ୟାଙ୍କରେ ବିଶ୍ୱର ସବୁଠାରୁ ଲମ୍ବା ପ୍ରେମ କବିତା ସାଇତା ହୋଇ ରହିଛି। ଏହାକୁ ସ୍ଲୋଭାକିଆର କବି ଆନ୍ଦ୍ରେଜ ସ୍ଲେଡକୋଭିକ ତାଙ୍କ ପ୍ରେମିକା ମାରିଆ ପେଶଲୌବାଙ୍କ ଉଦ୍ଦେଶ୍ୟରେ ଲେଖିଛନ୍ତି। ରୋମିଓ ଜୁଲିଏଟଙ୍କ ଭଳି ଆନ୍ଦ୍ରେଜ ଓ ମାରିଆଙ୍କ ପ୍ରେମକାହାଣୀ। ତେବେ ଆନ୍ଦ୍ରେଜ ଓ ମାରିଆଙ୍କ ପ୍ରେମକାହାଣୀ ସତ ହୋଇଥିଲେ ବି ଅଭିଶପ୍ତ। ତେବେ ମାରିଆ ଯେଉଁଘରେ ରହୁଥିଲେ ଏବେ ସେହି ଘର ପାଲଟିଛି ଲଭ୍ ବ୍ୟାଙ୍କ। ସ୍ଲୋଭାକିଆ ସରକାରଙ୍କ ତରଫରୁ ଏହାକୁ ନେଇ ପ୍ରତିବର୍ଷ ଏକ ପ୍ରଦର୍ଶନୀର ଆୟୋଜନ ମଧ୍ୟ କରାଯାଉଛି। ଏହି ପ୍ରଦର୍ଶନୀରେ ମୁଖ୍ୟ ଆକର୍ଷଣ ସାଜୁଛି ଲଭ୍ ମିଟର। ଏଥିରେ ପ୍ରେମି ଯୁଗଳଙ୍କ ଭଲପାଇବାକୁ ମାପି ହେଉଛି। ସ୍ଥାନୀୟ ଗଣମାଧ୍ୟମର ରିପୋର୍ଟ ଅନୁଯାୟ, ପ୍ରତିବର୍ଷ ଏଠାକାର ପ୍ରେମୀ ଯୁଗଳ ଅପେକ୍ଷା ରଖିଥାଆନ୍ତି ଭାଲେଣ୍ଟାଇନ୍ ଡେ’କୁ। ଏହିଦିନ ଏମାନେ ଏଠାକୁ ଆସି ସେମାନଙ୍କ ପୁରୁଣା ସ୍ମୃତିକୁ ଦେଖି ଆନନ୍ଦ ଅନୁଭବ କରନ୍ତି।
