ବହୁ ସମୟରେ ଲୋକଙ୍କ ଅଜବ ନିଶା ପ୍ରକାଶ ପାଏ, ଯାହା ଦେଖାଯାଇଛି ଯତି ଗୌରଙ୍କଠାରେ। ସେ ସାରା ଭାରତକୁ ଓ ତାହାର ଲୋକଙ୍କୁ ଜାଣିବା ଲାଗି ପଦଯାତ୍ରା ଆରମ୍ଭ କରିଛନ୍ତି। ଚାଲିଚାଲି ସେ ବିଭିନ୍ନ ରାଜ୍ୟ ଯାଉଛନ୍ତି ଓ ସାଙ୍ଗରେ ନେଉଛନ୍ତି ତାଙ୍କ ପୋଷା କୁକୁରକୁ। ସେ ରାଜସ୍ଥାନର ଜୟପୁର ଜିଲା ଦେଇ ଯାଉଥିବା ସମୟରେ ମା’ ନ ଥିବା ଏକ କୁକୁର ଛୁଆକୁ ଉଦ୍ଧାର କରିଥିଲେ ଓ ତାକୁ ହାତରେ ଧରି ୬୦ କି.ମି. ଚାଲିଥିଲେ। ପରେ ଜଣେ ଟେଲର ଏକ ବ୍ୟାଗ୍ ତିଆରି କରିବା ପରେ ତାହାକୁ ସେ ସେଥିରେ ନେଇ ଚାଲୁଛନ୍ତି। ସେହି ପୋଷା କୁକୁର ଏବେ ତାଙ୍କ ଯାତ୍ରାର ସାଥୀ। ଏବେ ସୁଦ୍ଧା ଯତି ଗୋଆ, ହିମାଚଳପ୍ରଦେଶ, ଉତ୍ତରାଖଣ୍ଡ ଏବଂ ରାଜସ୍ଥାନ ଯାଇସାରିଲେଣି। ୨୦୨୦ ସେପ୍ଟେମ୍ବରରେ କୋଭିଡ୍ ପ୍ରଥମ ଲହର ଥମିବା ପରେ ସେ ତାଙ୍କ ଯାତ୍ରା ଆରମ୍ଭ କରିଥିଲେ। ସେବେଠାରୁ ସେ ୫,୦୦୦ କି.ମି. ଚାଲିସାରିଲେଣି। ଯତି ତାଙ୍କ ଯାତ୍ରା ସମ୍ପର୍କରେ ଇନ୍ଷ୍ଟାଗ୍ରାମ୍ରେ ଶେୟାର କରିଛନ୍ତି ।
