ଆତଙ୍କ ଖେଳାଉଛି କିଡ୍‌ନୀ ରୋଗ: ୪ବର୍ଷରେ ଗଲାଣି ୩୦ରୁ ଊର୍ଦ୍ଧ୍ୱ ଜୀବନ

ଖଣ୍ଡପଡ଼ା,୨୪ା୧(ସ୍ବ.ପ୍ର.): ନୟାଗଡ଼ ଜିଲା ଭାପୁର ବ୍ଲକ ଲକ୍ଷ୍ମୀପ୍ରସାଦ ଗ୍ରାମରେ କିଡ୍‌ନୀ ରୋଗ ଆତଙ୍କ ଖେଳାଉଛି। ଗତ ୩/୪ ବର୍ଷ ମଧ୍ୟରେ ୩୦ରୁ ଊର୍ଦ୍ଧ୍ୱ ବ୍ୟକ୍ତିଙ୍କ ଏହି ରୋଗରେ ମୃତ୍ୟୁ ଘଟିଲାଣି। ବର୍ତ୍ତମାନ ୨୦ରୁ ଅଧିକ ଲୋକ ଏଥିରେ ଆକ୍ରାନ୍ତ ହୋଇ ଚିକିତ୍ସିତ ହେଉଛନ୍ତି। ଦୂଷିତ ପାଣି ଏହାର କାରଣ ବୋଲି ଗ୍ରାମବାସୀ ଅଭିଯୋଗ କରୁଛନ୍ତି। ଏହାର ନିରାକରଣ ନେଇ ପ୍ରଶାସନ ପକ୍ଷରୁ ପଦକ୍ଷେପ ନିଆ ନ ଗଲେ ସେମାନେ ଆନ୍ଦୋଳନକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି।
ଭାପୁର ବ୍ଲକ ଧାନଚେଙ୍ଗଡା ପଞ୍ଚାୟତର ଲକ୍ଷ୍ମୀପ୍ରସାଦ (ଖପରମଲ୍ଲ) ଗ୍ରାମଟି ବ୍ଲକ ମୁଖ୍ୟାଳୟଠାରୁ ୧୮ କିଲୋମିଟର ଦୂରରେ ଅବସ୍ଥିତ। ପଞ୍ଚାୟତର ୧, ୨ ଓ ୩ ନମ୍ବର ୱାର୍ଡର ୧୨ଶହରୁ ଊର୍ଦ୍ଧ୍ୱ ଜନସାଧାରଣଙ୍କୁ ନେଇ ଏହି ଗ୍ରାମ ଗଠିତ। ଗ୍ରାମରେ ୮ଟି ନଳକୂପ ରହିଥିଲେ ମଧ୍ୟ ଏହି ଜଳ ପାନୀୟ ଉପଯୋଗୀ ନୁହେଁ ବୋଲି ଗ୍ରାମବାସୀ ଅଭିଯୋଗ କରୁଛନ୍ତି। ୨ଟି କୂପ ଥିବାବେଳେ ତାହା ଅଳିଆ ଆବର୍ଜନାରେ ପରିପୂର୍ଣ୍ଣ। ଏଣୁ ଲୋକେ ପାନୀୟଜଳ ପାଇଁ ନାହିଁ ନ ଥିବା ସମସ୍ୟାର ସମ୍ମୁଖୀନ ହେଉଛନ୍ତି। ନିକଟରେ ଥିବା କମେଇ ନଦୀର ପାଣିକୁ ବିଶୋଧିତ କରା ନ ଯାଇ କିଛିମାସ ହେବ ଦିଆଯାଇଥିବା ଗ୍ରାମବାସୀ ସୂଚନା ଦେଇଛନ୍ତି। ଗ୍ରାମବାସୀଙ୍କ କହିବା କଥା, ୩/୪ବର୍ଷ ମଧ୍ୟରେ ଗ୍ରାମର ଦମ୍ପତି ରମା ପ୍ରଧାନ ଓ ସଂସାରୀ ପ୍ରଧାନ, ସୁବଳ ରାଉତ ଓ ମଙ୍ଗୁଲି ରାଉତ, ସାବିତ୍ରୀ ବେହେରା ଓ ବିନ ବେହେରା, ବାପ ପୁଅ କୃଷ୍ଣ ପ୍ରଧାନ ଓ ଦଣ୍ଡପାଣି ପ୍ରଧାନ, ଜୟ ଗୋଚ୍ଛି ଓ ପୂର୍ଣ୍ଣ ଗୋଚ୍ଛି, ନକୁଳ ବେହେରା, ପ୍ରମୋଦ ପ୍ରଧାନ, ଶରତ ରାଉତ, ବ୍ରଜ ନାୟକ ପ୍ରମୁଖଙ୍କ ମୃତ୍ୟୁ ଘଟିଛି। ୨ଦିନ ତଳେ ସଞ୍ଜୟ ଗୋଚ୍ଛି(୨୬)ଙ୍କର ଏହି କିଡ୍‌ନୀ ରୋଗରେ ମୃତ୍ୟୁ ହୋଇଛି ା ସେହିପରି ଶ୍ୱେତ ନାୟକ(୬୦), ସନା ବେହେରା(୬୦), ଉପେନ୍ଦ୍ର ନାୟକ(୫୦), ମାଟିଆ ଗୋଚ୍ଛି(୬୫), ରବି ପ୍ରଧାନ(୫୦), କୈଳାସ ମଲ୍ଲିକ(୪୦), ପଠାଣି ସ୍ବାଇଁ(୫୦), ଚନ୍ଦ୍ର ପ୍ରଧାନ(୪୯), ଅଗାଧୁ ନାୟକ(୫୦), ଗୌରାଙ୍ଗ ମହାରଣା(୪୮), କାହ୍ନୁ ପ୍ରଧାନ(୫୦) ପ୍ରମୁଖ କିଡ୍‌ନୀ ରୋଗରେ ଆକ୍ରାନ୍ତ ହୋଇ ଭୁବନେଶ୍ୱର ଓ କଟକ ବଡ ଡାକ୍ତରଖାନାକୁ ଯାଇ ଚିକିତ୍ସିତ ହେଉଥିବା ପ୍ରକାଶ କରିଛନ୍ତି। ଏହାଛଡା ଆହୁରି ୨୦ରୁ ଊର୍ଦ୍ଧ୍ୱ ଆକ୍ରାନ୍ତ ହୋଇଥିବା ବେଳେ ସେମାନେ ରୋଗ ସମ୍ପର୍କରେ ବାହାରେ ପ୍ରକାଶ କରୁ ନ ଥିବା ସୂଚନା ଦେଇଥିଲେ। ଆକ୍ରାନ୍ତଙ୍କଠାରୁ ପ୍ରକାଶ ଯେ, ଏହି ରୋଗ ଚିକିତ୍ସା ଓ ପରାମର୍ଶ ପାଇଁ ପ୍ରତିମାସରେ ଅନୂ୍ୟନ୍ୟ ୨ଥର କଟକ ଓ ଭୁବନେଶ୍ୱର ଯାଇ ୫ହଜାରରୁ ୬ ହଜାର ଟଙ୍କା ଖର୍ଚ୍ଚ କରୁଛୁ। ମୂଲିଆ ଶ୍ରେଣୀର ହୋଇଥିବାରୁ ଘରେ ଥିବା ଜିନିଷପତ୍ର ଓ ଘରବାଡି ବନ୍ଧାପକାଇ ଖର୍ଚ୍ଚ ତୁଲାଇବାକୁ ପଡୁଛି ା ପ୍ରଥମେ ରୋଗୀଙ୍କ ଦେହ, ହାତ, ଗୋଡ ଫୁଲିଯାଉଛି। କିଛିଦିନ ପରେ ଶ୍ୱାସରୋଗୀଙ୍କ ପରି ଧଇଁ ପେଲୁଛି ା ଦେହ ଅବଶ ହୋଇପଡୁଛି ଏବଂ କିଛି କାର୍ଯ୍ୟ କରିବା ସମ୍ଭବ ହେଉନାହିଁ ା ଭୁବନେଶ୍ୱର ଓ କଟକ ଯାଇ ଡାକ୍ତରଙ୍କୁ ଦେଖାଇବା ପରେ ସେମାନେ ପରୀକ୍ଷା କରି କିଡ୍‌ନୀ ରୋଗର ଲକ୍ଷଣ ବୋଲି ପରାମର୍ଶ ଦେଇ ଚିକିତ୍ସା କରୁଛନ୍ତି। ପ୍ରକୃତ କାରଣ ଜାଣିପାରୁ ନ ଥିଲେ ମଧ୍ୟ ସେମାନେ ବ୍ୟବହାର କରୁଥିବା ପାଣି ଯୋଗୁ ରୋଗ ବ୍ୟାପୁଥିବା ଗ୍ରାମବାସୀ ପ୍ରକାଶ କରିଛନ୍ତି। ଗୁରୁବାର ଧାନଚେଙ୍ଗଡା ସରପଞ୍ଚ କୃଷ୍ଣଚନ୍ଦ୍ର ସାହୁ ଉକ୍ତ ଗ୍ରାମକୁ ଯାଇ ସ୍ଥିତି ସମ୍ପର୍କରେ ଅବଗତ ହେବା ସହ ଆକ୍ରାନ୍ତ ରୋଗୀମାନଙ୍କ ସହିତ ଆଲୋଚନା କରିଥିଲେ। ସେ ଏ ସମ୍ପର୍କରେ ଜିଲା ପ୍ରଶାସନକୁ ଅବଗତ କରିଥିବାବେଳେ ଏକ ସ୍ବତନ୍ତ୍ର ଡାକ୍ତରୀ ଦଳ ଗ୍ରାମକୁ ପଠାଇ ପଦକ୍ଷେପ ନେବାକୁ ଦାବି କରିଛନ୍ତି। ଅନ୍ୟପକ୍ଷରେ ଗ୍ରାମର ମହିଳା ପ୍ରିୟମ୍ବଦା ସାହୁ, ଶାନ୍ତି ବେହେରା, କୁନା ବେହେରା, ବୈଦେହୀ ରାଉତ, ରେଣୁବାଳା ସ୍ବାଇଁ ପ୍ରମୁଖ କ୍ଷୋଭ ପ୍ରକାଶ କରି କହିଛନ୍ତି, ଗ୍ରାମରେ ୪୦ରୁ ଊର୍ଦ୍ଧ୍ୱ ବ୍ୟକ୍ତି, ସ୍ବାମୀ ସ୍ତ୍ରୀ ସହିତ ବାପ ପୁଅ କିଡ୍‌ନୀ ରୋଗରେ ଆକ୍ରାନ୍ତ ହୋଇ ମୃତ୍ୟୁବରଣ କଲେଣି ା ଏପରି ଅବସ୍ଥା ଲାଗିରହିଲେ ଗ୍ରାମ ପୁରୁଷଶୂନ୍ୟ ହୋଇଯିବ। ଜଳ ପାନୀୟ ଉପଯୋଗୀ ନୁହେଁ। ଅଭିଯୋଗ ସତ୍ତ୍ୱେ ଆମକଥା କେହି ଶୁଣୁ ନାହାନ୍ତି ା ଯଦି ପ୍ରଶାସନ ଏ ଦିଗରେ କୌଣସି ପଦକ୍ଷେପ ଗ୍ରହଣ ନ କରେ ଆମେ ରାଜାରସ୍ତାକୁ ଓହ୍ଲାଇବାକୁ ବାଧ୍ୟ ହେବୁ।


Enter your email to get our daily news in your inbox.

All Right Reserved By Dharitri.Com

ଧାନ ଉଠୁନି, ଶୀତ କାକରରେ ଜଗିଛନ୍ତି ଚାଷୀ

କୁନ୍ଦୁରା,୨୨।୧(ଡି.ଏନ.ଏ.): କୋରାପୁଟ ଜିଲାରେ ଚଳିତ ଖରିଫ ଋତୁରେ ଅମଳ ପରେ ୨୫ ପ୍ରତିଶତ ଧାନ ଚାଷୀ ବିକ୍ରି କରିଥିବା ବେଳେ ୭୫ ପ୍ରତିଶତ ଧାନକୁ ଦୀର୍ଘ...

ଚାଷୀଙ୍କ ଚିନ୍ତା ବଢ଼ାଇଛି କରୋନା

ରସୁଲପୁର,୨୬।୩(ଡି.ଏନ୍.ଏ.): ଅମଳ ଅପେକ୍ଷାରେ ଖରିଫ କ୍ଷେତ ରହିଥିଲାବେଳେ ଏଥିରେ ବାଧକ ସାଜିଛି କରୋନା। ମାତ୍ର ଏବେ କରୋନା ଆତଙ୍କ ଯୋଗୁ ଶ୍ରମିକ ମିଳୁ ନାହାନ୍ତି। ଫଳରେ...

୨୮ବର୍ଷ ବିତିଲା, ହେଲାନି କଂସରଝରଣ ଜଳଭଣ୍ଡାର

ସମ୍ବଲପୁର,୨୭ା୫(ବ୍ୟୁରୋ): ୧୯୯୪ ମସିହା ଏପ୍ରିଲ ୩୦ରେ ପୂର୍ବତନ ମୁଖ୍ୟମନ୍ତ୍ରୀ ସ୍ବର୍ଗତ ବିଜୁ ପଟ୍ଟନାୟକ ସମ୍ବଲପୁର ଜିଲା ଯୁଯୁମୁରା ବ୍ଲକ ଗସ୍ତରେ ଆସି କୟାକୁଦ ପଞ୍ଚାୟତ ଅଫିସ...

ମନ୍ତ୍ରୀଙ୍କ ଗାଡ଼ି ଭାଙ୍ଗିଦେଲେ

କର୍ଲାମୁଣ୍ଡା,୮ା୧୧(ଡି.ଏନ୍‌.ଏ.): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ କାର୍ଯ୍ୟାଳୟରେ ଆଜି ବିଜୁ ସ୍ବାସ୍ଥ୍ୟ କାର୍ଡ ବଣ୍ଟନ କାର୍ଯ୍ୟକ୍ରମରେ ଓଡ଼ିଶା ସରକାରଙ୍କ ଦକ୍ଷତା ବିକାଶ ଓ ବୈଷୟିକ ଶିକ୍ଷା...

କ୍ଷୁଦ୍ର ଚଳଚ୍ଚିତ୍ରରେ ସଚେତନତାର ବାର୍ତ୍ତା

କେନ୍ଦୁଝର, ୫।୭ (ସ୍ବ.ପ୍ର.)- ଗୁରୁ ଦାସ, ଜିଲାରେ ଏକ ପରିଚିତ ନାମ। ଜଣେ ଓଡ଼ିଶୀ ନୃତ୍ୟଗୁରୁ ଓ ଅଭିନେତା ଭାବେ ତାଙ୍କର ରହିଛି ସୁନାମ। ତେବେ...

ସିସିବିରେ ବଢ଼ୁଛି ଆର୍ଥିକ ଅନିୟମିତତା

ଯାଜପୁର ଅଫିସ,୩।୧୨:ଓଡ଼ିଶା ରାଜ୍ୟ ସମବାୟ ବ୍ୟାଙ୍କ ସହିତ ଅନୁବନ୍ଧିତ ୧୭ କେନ୍ଦ୍ରୀୟ ସମବାୟ ବ୍ୟାଙ୍କ (ସିସିବି) ବା ସେଣ୍ଟ୍ରାଲ କୋଅପରେଟିଭ ବ୍ୟାଙ୍କ ରହିଛି। ସେଥିମଧ୍ୟରୁ ୮...

ଦକ୍ଷିଣ ଆଫ୍ରିକାରେ ଫସିଛନ୍ତି ସବ୍ୟସାଚୀ

ଢେଙ୍କାନାଳ ଅଫିସ, ୧୫।୭: ଆସାଇନ୍‌ମେଣ୍ଟ କାର୍ଯ୍ୟରେ ଦକ୍ଷିଣ ଆଫ୍ରିକା ଯାଇଥିଲେ। ହେଲେ ଏକ ଅପ୍ରତ୍ୟାଶିତ ଘଟଣାକ୍ରମରେ କରୋନା ସଂକ୍ରମଣ ବଢ଼ିଲା। ବନ୍ଦ ହୋଇଗଲା ଅନ୍ତଃରାଷ୍ଟ୍ରୀୟ ବିମାନ...

ପ୍ରାର୍ଥନା ବେଳେ ଚେତାଶୂନ୍ୟ ହେଲେ ୫ ଛାତ୍ରୀ

ଖୁଣ୍ଟା,୪ା୧୦(ଡି.ଏନ୍‌.ଏ.)-ମୟୂରଭଞ୍ଜ ଜିଲା ଖୁଣ୍ଟା ବ୍ଲକ ଅଧୀନ କରକଚିଆ ଉଚ୍ଚ ପ୍ରାଥମିକ ବିଦ୍ୟାଳୟରେ ଗୁରୁବାର ପ୍ରାର୍ଥନା କରୁଥିବା ବେଳେ ୫ ଛାତ୍ରୀ ଅସୁସ୍ଥ ହୋଇ ପଡିଥିଲେ। ଚିକିତ୍ସା...

Advertisement
Archives

Model This Week