ଜୟପୁର, ୧୩ା୮(ପି.ଟି.): ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ରାଜ୍ୟ ସଭା ଉପନିର୍ବାଚନ ଲାଗି ରାଜସ୍ଥାନରୁ ମଙ୍ଗଳବାର ନାମାଙ୍କନପତ୍ର ଦାଖଲ କରିବେ ବୋଲି ରାଜ୍ୟ କଂଗ୍ରେସ ଉପାଧ୍ୟକ୍ଷ ସଚିନ ପାଇଲଟ କହିଛନ୍ତି। ସେ ୪ ସେଟ୍ ନାମାଙ୍କନପତ୍ର ଦାଖଲ କରିବେ। ଗତ ଜୁନ୍ରେ ଭାଜପା ଏମ୍ପି ମଦନ ଲାଲ୍ ସାଇନିଙ୍କ ଦେହାନ୍ତ ପରେ ଏହି ଆସନଟି ଖାଲିପଡ଼ିଥିଲା। ରାଜ୍ୟ ବିଧାନସଭାରେ କଂଗ୍ରେସ ସଂଖ୍ୟାଗରିଷ୍ଠ (୮୬) ଥିବାରୁ ମନମୋହନ ଏଠାରୁ ଜିତିବା ସୁନିଶ୍ଚିତ। ୩ ଦଶନ୍ଧି ଧରି ଆସାମରୁ ପ୍ରତିନିଧିତ୍ୱ କରିଥିବା ମନମୋହନଙ୍କ କାର୍ଯ୍ୟକାଳ ଏଥର ଜୁନ୍ ୧୪ରେ ଶେଷ ହୋଇଥିଲା। ଆସାମରେ କଂଗ୍ରେସ ସ୍ଥିତି ଦୁର୍ବଳ ଥିବାବେଳେ ମନମୋହନଙ୍କୁ କଂଗ୍ରେସ ରାଜସ୍ଥାନରୁ ରାଜ୍ୟ ସଭାକୁ ପଠାଇବା ଲାଗି ମନସ୍ଥ କରିଛି। ଅଗଷ୍ଟ ୧୪ ନାମାଙ୍କନପତ୍ର ଦାଖଲର ଶେଷ ତାରିଖ ରଖାଯାଇଛି।
