ବ୍ରହ୍ମପୁର ଅଫିସ,୨୨ା୮-ଆବର୍ଜନା ତଥା ସ୍କ୍ରାପ୍ ସାମଗ୍ରୀର ପୁନଃ ବ୍ୟବହାର କରି ବିଶ୍ୱସ୍ତରରେ ନିଜ ନାମ ସ୍ଥାନିତ କରିଛନ୍ତି ବ୍ରହ୍ମପୁର ସରକାରୀ ଆଇଟିଆଇ ଛାତ୍ରୀଛାତ୍ର। ସ୍କ୍ରାପ୍ ସାମଗ୍ରୀରୁ ଜୁଲାଇ ୧୮ରେ ଛାତ୍ରୀଛାତ୍ରଙ୍କ ଦ୍ୱାରା ପ୍ରସ୍ତୁତ ୭୦ ଫୁଟ ଉଚ୍ଚତାର ବୃହତ୍କାୟ ଗିଟାର ଏବେ ଏସିଆନ୍ ବୁକ ଅଫ ରେକଡର୍ସରେ ସ୍ଥାନିତ ହୋଇଛି ା ଅନୁଷ୍ଠାନର ଫିଟର, ଇଲେକ୍ଟ୍ରିସିଆନ, ପ୍ଲମ୍ବର, ପେଣ୍ଟର, ୱେଲଡର ଟ୍ରେଡର ୧୫୦ ଛାତ୍ରୀଛାତ୍ର ମାତ୍ର ୩ ମାସ ୨୨ ଦିନ ମଧ୍ୟରେ ପ୍ରସ୍ତୁତ କରିଥିବା ଏହି ବିଶାଳକାୟ ଗିଟାରକୁ ଜୁଲାଇ ୧୮ରେ ଏସିଆନ୍ ବୁକ ଅଫ ରେକଡର୍ସ, ଗୋଲଡେନ ବୁକ ଅଫ ୱାଲ୍ଡ ରେକଡର୍ସ, ଲିମକା ବୁକ ଅଫ୍ ରେକଡର୍ସ ପାଇଁ ଆବେଦନ କରାଯାଇଥିଲା ା ମଙ୍ଗଳବାର ରାତିରେ ୭୦ ଫୁଟ ଉଚ୍ଚତା ଓ ୨୫ ଫୁଟ ଓସାର ନିର୍ମିତ ଏହି ଗିଟାର ଏସିଆନ୍ ବୁକ ଅଫ ରେକଡର୍ସରେ ସ୍ଥାନିତ ହୋଇଛି। ଏଭଳି ମଡେଲ ନିର୍ମାଣ ପାଇଁ ଏସିଆନ୍ ବୁକ ଅଫ ରେକଡର୍ସ ପକ୍ଷରୁ ଅନୁଷ୍ଠାନକୁ ସ୍ବତନ୍ତ୍ର ଗ୍ରାଣ୍ଡମାଷ୍ଟର ଟାଇଟଲ ପ୍ରଦାନ କରିଥିବା ଆଇଟିଆଇ ପକ୍ଷରୁ ସୂଚନା ମିଳିଛି ା
ଆବର୍ଜନାର ସଦୁପଯୋଗ ତଥା ପୁନଃ ବିନିଯୋଗ ଦିଗରେ ସଚେତନତା ସୃଷ୍ଟି ନେଇ ୨୦୧୭ରୁ ବ୍ରହ୍ମପୁର ସରକାରୀ ଆଇଟିଆଇ ପକ୍ଷରୁ ସ୍କ୍ରାପ ସାମଗ୍ରୀରେ ବିଭିନ୍ନ କ୍ଷୁଦ୍ର ଓ ବୃହତ୍ତ ମଡେଲ ପ୍ରସ୍ତୁତି କାର୍ଯ୍ୟ ଆରମ୍ଭ ହୋଇଥିଲା ା ଦୁଇବର୍ଷ ମଧ୍ୟରେ ୩୨ ଫୁଟ ଉଚ୍ଚତାରେ ବିଭିନ୍ନ ସ୍କ୍ରାପ୍ ତଥା ଆବର୍ଜନାରେ ପେଡିଏଟର, ମାଛ, ହରିଣ ଓ ଜିରାଫ ଭଳି ବହୁ ବୃହତ୍କାୟ ମଡେଲ ନିର୍ମାଣ କରି ଏହି ଅନୁଷ୍ଠାନ ରାଜ୍ୟ, ଜାତୀୟସ୍ତରରେ ପୁରସ୍କୃତ ସହ ପ୍ରଶଂସିତ ମଧ୍ୟ ହୋଇଥିଲା। ଏହାପରେ ଜୁଲାଇ ୧୮ରେ ୭୦ ଫୁଟ ଉଚ୍ଚତା, ପ୍ରାୟ ୮ ଟନରୁ ଊର୍ଦ୍ଧ୍ୱ ଓଜନ ବିଶିଷ୍ଟ ବିଶାଳକାୟ ଗିଟାର ମଡେଲକୁ ୧୫୦ ଛାତ୍ରୀଛାତ୍ର ମାତ୍ର ୩ ମାସ ୨୨ ଦିନରେ ପ୍ରସ୍ତୁତ କରି ଚର୍ଚ୍ଚାକୁ ଆସିଥିଲେ। ଏବେ ପ୍ରଥମ ଥର ପାଇଁ ଅନୁଷ୍ଠାନର ଛାତ୍ରୀଛାତ୍ରମାନେ ବିଶ୍ୱସ୍ତରରେ ରେକର୍ଡ ସୃଷ୍ଟି କରିଥିବା ଅଧ୍ୟକ୍ଷ ଡ. ରଜତ କୁମାର ପାଣିଗ୍ରାହୀ ସୂଚାଇଛନ୍ତି ା
