ନୂଆଦିଲ୍ଲୀ,୧୧।୧: ପ୍ରଥମଥର ପାଇଁ ନାଭାଲ ଲାଇଟ୍ କମବାଟ ଏୟାରକ୍ରାପ୍ଟ(ଏଲ୍ସିଏ) ଶନିବାର ବିମାନବାହକ ଜାହଜ ଆଇଏନ୍ଏସ୍ ବିକ୍ରମାଦିତ୍ୟ ଉପରେ ସଫଳତାର ସହ ଲ୍ୟାଣ୍ଡ କରିଛି। ପ୍ରଥମ କରି ସ୍ବଦେଶୀ ଯୁଦ୍ଧ ବିମାନ କୌଣସି ବିମାନବାହକ ଜାହଜ ଉପରେ ଲ୍ୟାଣ୍ଡ କରିଥିବା ଭାରତୀୟ ନୌସେନା ସୂତ୍ରରୁ ଜଣାପଡିଛି। ଡିଫେନ୍ସ ରିସର୍ଚ୍ଚ ଆଣ୍ଡ ଡେଭଲପ୍ମେଣ୍ଟ ଅର୍ଗାନାଇଜେଶନ(ଡିଆର୍ଡିଓ)ଏହି ଲାଇଟ୍ କମବାଟ ଏୟାରକ୍ରାପ୍ଟର ନିର୍ମାଣ କରିଛି, ଯାହା ଆରେଷ୍ଟର ଓୟାର ସାହାଯ୍ୟରେ ଲ୍ୟାଣ୍ଡ କରିଥିବା ଜଣାପଡିଛି। ସୂଚନାଯୋଗ୍ୟ, ଏରୋନଟିକାଲ ଡେଭଲପ୍ମେଣ୍ଟ ଏଜେନ୍ସି ନୌସେନା ସହ ମିଶି ଏହି ଯୁଦ୍ଧ ବିମାନ ନିର୍ମାଣ କରୁଛି। ଡିଆର୍ଡିଓର ସୂଚନା ଅନୁଯାୟୀ, ଶୋର ବେସ୍ଡ ଟେଷ୍ଟ ଫ୍ୟାସିଲିଟି ଉପରେ ପରୀକ୍ଷା କରିବା ପରେ ଏଲ୍ସିଏ ନେଭି ଆଇଏନ୍ଏସ୍ ବିକ୍ରମାଦିତ୍ୟ ଉପରେ ଶନିବାର ସକାଳ ପ୍ରାୟ ୧୦ଟା ୨ରେ ସଫଳ ଭାବେ ଆରେଷ୍ଟର ଲ୍ୟାଣ୍ଡି କରିଛି। କମୋଡର ଜୟଦୀପ ମାଓଲନକାର ମେଡନ ଲ୍ୟାଣ୍ଡିଂ କରାଇଛନ୍ତି।
