ଅମୃତଭଣ୍ଡା ଶରୀର ପାଇଁ ଭଲ ବୋଲି ଡାକ୍ତର କହିଥାଆନ୍ତି। ହେଲେ ଏହାକୁ ଅଧିକ ପରିମାଣରେ ଖାଇଲେ ଏହା ଶରୀରରେ ଅସୁବିଧା ସୃଷ୍ଟି କରିଥାଏ। ଅମୃତଭଣ୍ଡାରେ ପ୍ରଚୁର ପରିମାଣରେ ଫାଇବର ଓ ଭିଟାମିନ୍ ସି ଥିବାରୁ ଏହାର ଅଧିକ ବ୍ୟବହାର କ୍ଷତିକାରକ।
-ଏଥିରେ ଥିବା ଫାଇବର ଖାଦ୍ୟ ହଜମ କରିବା ଓ କୋଷ୍ଠ କାଠିନ୍ୟ ଦୂର କରିବାରେ ସହାୟକ ହୋଇଥାଏ। ହେଲେ ଏହାକୁ ଅଧିକ ପରିମାଣରେ ଖାଇଲେ କୋଷ୍ଠ କାଠିନ୍ୟ ସମସ୍ୟା ଦେଖାଦିଏ।
-ଅମୃତଭଣ୍ଡା ଅଧିକ ଖାଇଲେ ଆଲର୍ଜି ଭଳି ସମସ୍ୟା ହେବା ସହ ମୁଣ୍ଡ ବୁଲାଇଥାଏ।
-ଏଥିରେ ଥିବା ଭିଟାମିନ୍ ସି ଅଧିକ ପରିମାଣରେ ଶରୀରକୁ ଗଲେ କିଡ୍ନୀ ଷ୍ଟୋନ ହେବାର ସମ୍ଭାବନାକୁ ବଢାଇ ଦେଇଥାଏ।
-ଶରୀରରେ ରକ୍ତ ଶର୍କରାର ପରିମାଣ ସବୁବେଳେ ସନ୍ତୁଳିତ ଅବସ୍ଥାରେ ରହିବା ଭଲ। ହେଲେ ଯେଉଁମାନେ ଅଧିକ ପରିମାଣରେ ଅମୃତଭଣ୍ଡା ଖାଇ ଥାଆନ୍ତି ସେମାନଙ୍କର ବ୍ଲଡ ସୁଗାର କମିଯାଇଥାଏ। ଫଳରେ ଶରୀରରେ ନାନା ସମସ୍ୟା ଦେଖାଦିଏ।
-ଗର୍ଭବତୀ ମହିଳା ଅମୃତଭଣ୍ଡା ଖାଇବା ମନା କାରଣ ଏହାଦ୍ୱାରା ଗର୍ଭପାତ ହେବାର ଯଥେଷ୍ଟ ସମ୍ଭାବନା ଥାଏ।
