ଅମନଙ୍କ ସ୍ବପ୍ନ

ଗୀତକୁ ନେଇ ସ୍ବପ୍ନ ଦେଖନ୍ତି ଅମନ। ଗୀତକୁ ସାଥିକରି ସେ ବାଟ ଚାଲିବେ – ଏମିତି ମଧ୍ୟ ଏକ ନିଷ୍ପତ୍ତି ନେଇଛନ୍ତି ଅମନ। ଅମନଙ୍କ ପୂରାନାମ ଅମୀୟ କୁମାର ସାହୁ। ତେବେ ଯାତ୍ରାରେ ସେ କେବଳ ‘ଅମନ’ ନାମରେ ହିଁ ପରିଚିତ। ପିପିଲିର ଖେଲାର ନାମକ ଏକ ଗ୍ରାମରେ ଜନ୍ମ ହୋଇଥିବା ଏହି ଗାୟକ ସମ୍ପ୍ରତି ଅପେରା ସୂର୍ଯ୍ୟମନ୍ଦିରରେ ରହି ନିଜ ପ୍ରତିଭା ପ୍ରଦର୍ଶନ କରୁଛନ୍ତି। ଯାତ୍ରା ତାଙ୍କୁ ଆନନ୍ଦ ଦଉଛି। ଏକାବେଳକେ ହଜାର ହଜାର ଦର୍ଶକଙ୍କୁ ସାମ୍ନା କରି ବହୁତ ଖୁସି ଲାଗୁଛି। ସେମାନଙ୍କର ପ୍ରତିକ୍ରିୟା ସବୁ ପୁରସ୍କାର ପରି ମନେହେଉଛି। ବିଶେଷକରି ଯାତ୍ରାରେ ଅର୍ଥ ଅଛି; ଯାହାକୁ ନେଇ ଜଣେ ନିଜର ପରିବାର ପ୍ରତିପୋଷଣ କରିପାରିବ। ମୁଖ୍ୟତଃ ସେ ସେଥିଲାଗି ଯାତ୍ରାକୁ ନିଜର କ୍ୟାରିୟର ଭାବରେ ବାଛିଛନ୍ତି ବୋଲି କହନ୍ତି ଏହି ଗାୟକ। ଅମନଙ୍କ ପରିବାର ଏକ କଳାକାର ପରିବାର। ବାପା ବିଜୟ କୁମାର ସାହୁ ଜଣେ ହେଡ ମାଷ୍ଟର ଥିଲେ ବି ସେ ଗୀତ ଗାଆନ୍ତି। ଗୀତ ବି ଶିଖାନ୍ତି। ସେହିଭଳି ବଡ଼ଭାଇ ବିନୋଦ କୁମାର ସାହୁ ଓ ବିକାଶ କୁମାର ସାହୁ ଉଭୟେ ଜଣେ ଜଣେ ଗାୟକ। ଅମନ କହନ୍ତି ଯେ, ବାପା ହେଉଛନ୍ତି ତାଙ୍କର ପ୍ରଥମ ଗୁରୁ ଯାହାଙ୍କ ଠୁ ସେ ପ୍ରାଥମିକ ସଙ୍ଗୀତ ଶିକ୍ଷା ହାସଲ କରିଥିଲେ। ସେହିପରି ଭାଇ ବିକାଶ କୁମାର ସାହୁ ତାଙ୍କର ଦ୍ୱିତୀୟ ସଙ୍ଗୀତ ଗୁରୁ। ତେବେ ଏସବୁ ସତ୍ତ୍ୱେ ବଡ଼ଭାଇ ବିନୋଦ କୁମାର ସାହୁଙ୍କ ପ୍ରେରଣା ତାଙ୍କୁ ଆଜି ଜଣେ ଗାୟକ ହେବାରେ ସହାୟକ ହୋଇଛି। ମୁଖ୍ୟତଃ ସୋନୁ ନିଗମ୍‌ ଓ ସୁରେଶ ଓ୍ବାଦେକରଙ୍କ ଗୀତ ଗାଇବାରେ ରୁଚି ରଖୁଥିବା ଅମନ ଉତ୍କଳ ସଙ୍ଗୀତ ମହାବିଦ୍ୟାଳୟରୁ ହିନ୍ଦୁସ୍ତାନୀ କ୍ଲାସିକାଲରେ ତାଲିମ୍‌ ନେବା ସହିତ ବହୁ ମେଲୋଡ଼ି, ଭଜନ ତଥା ଶାସ୍ତ୍ରୀୟ ସଙ୍ଗୀତ କାର୍ଯ୍ୟକ୍ରମରେ ଅଂଶଗ୍ରହଣ କରି ଉଚ୍ଚ ପ୍ରଶଂସିତ ହୋଇଛନ୍ତି। ସେହିଭଳି ତରଙ୍ଗ ଚ୍ୟାନେଲର ‘ସ୍ବରଭକ୍ତି’ କାର୍ଯ୍ୟକ୍ରମରେ ଅଂଶଗ୍ରହଣ କରି ବିଜେତା ହୋଇଥିଲେ। ଭଏସ୍‌ ଅଫ୍‌ ଓଡ଼ିଶାରେ ଅଂଶଗ୍ରହଣ କରିବା ସହିତ ପ୍ରାର୍ଥନା ଚ୍ୟାନେଲ ପ୍ରାୟୋଜିତ ସଙ୍ଗୀତ ଭିତ୍ତିକ କାର୍ଯ୍ୟକ୍ରମରେ ଭାଗନେଇ ପ୍ରାର୍ଥନା ପ୍ରତିଭା ହେବାର ଗୌରବ ହାସଲ କରିଛନ୍ତି। ସମ୍ପ୍ରତି ଅପେରା ସୂର୍ଯ୍ୟମନ୍ଦିର ଦ୍ୱାରା ପ୍ରସ୍ତୁତ ତିନିଗୋଟି ନାଟକରେ ସେ କଣ୍ଠଦାନ କରିଛନ୍ତି। ମାୟାବିନୀ ମୌସୁମୀର ‘ମତେ ନେଇଯାରେ ନେଇଯା’, ‘ଆରେ ଆ ଫେରିଆ ଶ୍ରାବଣ’, ‘କାହାଣୀ କହୁଛି ସୂର୍ଯ୍ୟମନ୍ଦିର’ ନାଟକରେ ‘ସାତ ଦରିଆ ପାରିହେଇ ମୁଁ’ ଏବଂ ‘ପୁଅ ଯିବ ଶାଶୁଘର’ ନାଟକରେ ‘ଓ ପ୍ରିୟାରେ’ ଏବଂ ‘ସାଥୀରେ ସାଥୀରେ ସାଥୀ ଯିବି’ ଆଦି ଗୀତ ଗାଇ ସେ ନିଜର ଏକ ପରିଚୟ ତିଆରି କରିପାରିଛନ୍ତି। ସେ ସବୁ ପ୍ରକାର ଗୀତ ଗାଇପାରନ୍ତି ସତ, ହେଲେ ରୋମାଣ୍ଟିକ୍‌ ଗୀତ ତାଙ୍କର ପ୍ରଥମ ପସନ୍ଦ ବୋଲି କହନ୍ତି ଏହି ଯୁବ କଣ୍ଠଶିଳ୍ପୀ।


Enter your email to get our daily news in your inbox.

All Right Reserved By Dharitri.Com

ରାମ କେବଳ ଏକ ଧର୍ମର ନୁହନ୍ତି, ସବୁ ଭାରତୀୟଙ୍କ ରକ୍ତରେ ଅଛନ୍ତି: ଚର୍ଚ୍ଚାରେ ଜାଭେଦ ଅଖତରଙ୍କ ମନ୍ତବ୍ୟ

ବିଶିଷ୍ଟ ଗୀତିକାର ଓ ପଟ୍ଟକଥା ଲେଖକ ଜାଭେଦ ଅଖତର ଭଗବାନ ଶ୍ରୀରାମଙ୍କ ପ୍ରଶଂସା କରି କହିଛନ୍ତି। ରାମ ଏକ ପୂଜନୀୟ ବ୍ୟକ୍ତିତ୍ୱ। ତାଙ୍କ ମହତ୍ତ୍ୱ କୌଣସି ଗୋଟିଏ…

୨୫ ବର୍ଷ ପରେ କରିନା-ହ୍ରିତିକଙ୍କ କମବ୍ୟାକ୍! କରଣ ଜୋହରଙ୍କ ଭିଡ଼ିଓ ପରେ…

ମୁମ୍ବାଇ: ବଲିଉଡରେ ବିଶିଷ୍ଟ ନିର୍ଦ୍ଦେଶକ କରଣ ଜୋହର ଏପରି ଅନେକ ଯୋଡ଼ିକୁ ପରଦାକୁ ଆଣିଛନ୍ତି, ଯେଉଁମାନେ ଆଜି ମଧ୍ୟ ଦର୍ଶକଙ୍କର ଅତି ପ୍ରିୟ। ଏହିପରି ଏକ ଯୋଡ଼ି…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଗର୍ଭରେ ଆଲିଆ ଭଟ୍ଟ ଥିବାବେଳେ ଗୋଟିଏ ଦିନରେ ୧୦୦ ସିଗାରେଟ ଟାଣୁଥିଲେ ମା’ ସୋନି ରାଜଦାନ, ନିଜେ ଖୋଲିଲେ ଗୁମର

ମୁମ୍ବାଇ:ବଲିଉଡ୍‌ର ଜଣାଶୁଣା ଅଭିନେତ୍ରୀ ସୋନି ରାଜଦାନ ନିଜ ଦମ୍‌ଦାର ଅଭିନୟ ପାଇଁ ବେଶ ପରିଚିତ। ଦୀର୍ଘଦିନ ଧରି ଫିଲ୍ମ ଇଣ୍ଡଷ୍ଟ୍ରିରେ ସକ୍ରିୟ ଥିବା ସୋନି ନିଜ ଚରିତ୍ରକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?