ଅନ୍‌ଲାଇନ୍‌ରେ ହେବ ଟ୍ରେଡ୍‌ ଲାଇସେନ୍ସ ଆବେଦନ

ଭୁବନେଶ୍ୱର, ୪ା୩ (ବ୍ୟୁରୋ): ଭୁବନେଶ୍ୱରର ବ୍ୟବସାୟୀମାନେ ପ୍ରଥମଥର ବିନା କିଛି ଝିଞ୍ଜଟରେ ଏବେ ଟ୍ରେଡ୍‌ ଲାଇସେନ୍ସ ପାଇଁ ଆବେଦନ କରିପାରିବେ। ଲାଇସେନ୍ସ ପାଇବାକୁ ସେମାନଙ୍କୁ ଆଉ ଭୁବନେଶ୍ୱର ମହାନଗର ନିଗମ (ବିଏମ୍‌ସି) ଅଫିସ୍‌କୁ ଦୌଡିବାକୁ ପଡିବନି। ଏବେଠାରୁ ସେମାନେ ଅନଲାଇନ୍‌ରେ ଟ୍ରେଡ଼୍‌ ଲାଇସେନ୍ସର ଆବେଦନ କରିପାରିବେ ବୋଲି ମଙ୍ଗଳବାର ବିଏମ୍‌ସି ପକ୍ଷରୁ କୁହାଯାଇଛି।
କିଛିଦିନ ତଳେ ଭୁବନେଶ୍ୱରବାସୀଙ୍କ ସୁବିଧା ପାଇଁ ବିଏମ୍‌ସି ଯେପରି ଭୁବନେଶ୍ୱରଡ଼ଟ୍‌ମି ଓ୍ବେବ୍‌ସାଇଟ୍‌ରେ ହୋଲ୍ଡିଂ ଟ୍ୟାକ୍ସ ଦେବା ବ୍ୟବସ୍ଥା କରିଥିଲା। ଠିକ୍‌ ସେହିପରି ଏବେ ଉକ୍ତ ଭୁବନେଶ୍ୱରଡ଼ଟ୍‌ମି ଓ୍ବେବ୍‌ସାଇଟ୍‌ରେ ଟ୍ରେଡ଼୍‌ ଲାଇସେନ୍ସ ଆବେଦନ କରିବାକୁ ଫର୍ମ ଉପଲବ୍ଧ କରାଯାଇଛି। ବ୍ୟବସାୟୀଙ୍କ ପାଇଁ ଏହା କିପରି ସୁଗମ ହୋଇପାରିବ ସେନେଇ ମଙ୍ଗଳବାର ବିଏମ୍‌ସି ଆଡିଶନାଲ କମିଶନର ସୁରଥ ଚନ୍ଦ୍ର ମଲ୍ଲିକଙ୍କ ତତ୍ତ୍ୱାବଧାନରେ ବିଏମ୍‌ସି ମୁଖ୍ୟାଳୟରେ ୬୭ ଜଣ ୱାର୍ଡ଼ ଅଫିସର ଏବଂ ୧୪ ଜଣ ମିସ୍‌ ସରକାରଙ୍କୁ ପ୍ରଶିକ୍ଷଣ ଦିଆଯାଇଛି। ୩ଟି ବ୍ୟାଚ୍‌ରେ ଦିଆଯାଇଥିବା ଏହି ପ୍ରଶିକ୍ଷଣରେ ଭୁବନେଶ୍ୱର ସ୍ମାର୍ଟସିଟି ଲିମିଟେଡ଼୍‌ (ବିଏସ୍‌ସିଏଲ୍‌) ଦ୍ୱାରା ପ୍ରସ୍ତୁତ ଅନଲାଇନ୍‌ ମଡ଼୍ୟୁଲ୍‌ ଦେଖାଯାଇଛି। ଉକ୍ତ ପ୍ରଶିକ୍ଷଣରେ ଦକ୍ଷିଣ ପୂର୍ବ ଜୋନ ଜୋନାଲ୍‌ ଡ଼େପୁଟି କମିଶନର ଅଂଶୁମାନ ରଥ, ଦକ୍ଷିଣ ପଶ୍ଚିମ ଜୋନ ଜୋନାଲ୍‌ ଡ଼େପୁଟି କମିଶନର ରବିନାରାୟଣ ଜେଠୀ ଏବଂ ଉତ୍ତର ଜୋନ୍‌ ଜୋନାଲ୍‌ ଡ଼େପୁଟି କମିଶନର ପ୍ରମୋଦ କୁମାର ପୃଷ୍ଟି ନିଜ ନିଜ ଜୋନ୍‌ର କର୍ମଚାରୀମାନଙ୍କ ସହ ଉପସ୍ଥିତ ରହି ପ୍ରଶିକ୍ଷଣ ନେଇଥିବା ବିଏମ୍‌ସି ପକ୍ଷରୁ ପ୍ରକାଶ ପାଇଛି।
ସୂଚନାଯୋଗ୍ୟ, ମ୍ୟୁନିସିପାଲ୍‌ କର୍ପୋରେଶନ୍‌ ଆଇନ୍‌ ୨୦୦୩ ଅନୁସାରେ ବିଏମ୍‌ସି ସୀମା ମଧ୍ୟରେ ବ୍ୟବସାୟ କରୁଥିବା ପ୍ରତ୍ୟେକ ବ୍ୟବସାୟୀ ନିଜ ନିଜର ଟ୍ରେଡ଼୍‌ ଲାଇସେନ୍ସ କରାଇ ନେବାକୁ କୁହାଯାଇଛି। ପୂର୍ବରୁ ଟ୍ରେଡ଼୍‌ ଲାଇସେନ୍ସ ଅଫ୍‌ଲାଇନ୍‌ରେ କରାଯାଉଥିଲା। ଯେଉଥିପାଇଁ ଅଧିକ ସମୟ ଲାଗୁଥିଲା। ବର୍ତ୍ତମାନ ଅନ୍‌ଲାଇନ୍‌ ସୁବିଧା ଦ୍ୱାରା କମ୍‌ ସମୟରେ ଅଧିକ ସଂଖ୍ୟକ ଟ୍ରେଡ଼୍‌ ଲାଇସେନ୍ସ କରାଯାଇପାରିବ। ଏହାର ବିବରଣୀ ଉଭୟ ଆବେଦନକାରୀ ଓ ବିଏମ୍‌ସି ପାଇଁ ଉନ୍ମୁକ୍ତ ରହିବ। କୌଣସି ପ୍ରକାର ତ୍ରୁଟି ବିଚ୍ୟୁତିର ସମାଧାନ ଶୀଘ୍ର ହୋଇପାରିବ ବୋଲି ବିଏମ୍‌ସି ପକ୍ଷରୁ କୁହାଯାଇଛି।

୧୫ ଦିନରେ ମିଳିବ ଲାଇସେନ୍ସ

ଭୁବନେଶ୍ୱର ସ୍ମାର୍ଟସିଟି ଲିମିଟେଡ୍‌ (ବିଏସ୍‌ସିଏଲ୍‌) ଦ୍ୱାରା ପ୍ରସ୍ତୁତ ମଡ଼୍ୟୁଲ୍‌ ଅନୁସାରେ ଅନ୍‌ଲାଇନ୍‌ ପ୍ରକ୍ରିୟାରେ ଟ୍ରେଡ଼୍‌ ଲାଇସେନ୍ସ ପାଇବାକୁ ସମୂଦାୟ ୧୫ ଦିନର ଅବଧି ରଖାଯାଇଛି। ଜଣେ ବ୍ୟବସାୟୀ ଅନ୍‌ଲାଇନ୍‌ରେ ଆବେଦନ କରିବା ପରେ ଏହାର ବାର୍ତ୍ତା ଉକ୍ତ ବ୍ୟବସାୟୀଙ୍କ ଅଞ୍ଚଳରେ ଥିବା ୱାର୍ଡ଼ ଅଫିସରଙ୍କ ପାଖକୁ ଚାଲିଯିବ। ସମ୍ପୃକ୍ତ ୱାର୍ଡ଼ ଅଫିସର ଜଣକ ଦୁଇଦିନ ମଧ୍ୟରେ ନିଜ ମତାମତ ଦେଇ ଯାଞ୍ଚ ପାଇଁ ମିସ୍‌ ସରକାରଙ୍କୁ କହିବେ। ଯାଞ୍ଚ ପରେ ୩ ଦିନ ମଧ୍ୟରେ ୱାର୍ଡ଼ ସୁପରଭାଇଜର ଉକ୍ତ ଅନ୍‌ଲାଇନ୍‌ ଦରଖାସ୍ତକୁ ଅବଗତ କରାଇବେ। ଏଥିସହ ୩ ଦିନ ମଧ୍ୟରେ ସମ୍ପୃକ୍ତ ଓ୍ବାର୍ଡ ଦାୟିତ୍ୱରେ ଥିବା ଜୋନାଲ୍‌ ଡ଼େପୁଟି କମିଶନରଙ୍କୁ ଜଣାଇବେ। ଜୋନାଲ୍‌ ଡ଼େପୁଟି କମିଶନର ଉକ୍ତ ଆବେଦନକୁ ବୈଧ ଦର୍ଶାଇବା ପରେ ଆବେଦନକାରୀଙ୍କୁ ଟ୍ରେଡ଼୍‌ ଲାଇସେନ୍ସ ମିଳିବ। ଯଦି ଆବେଦନକାରୀଙ୍କର ଆବେଦନରେ କିଛି ତ୍ରୁଟି ଥାଏ ତେବେ ଏହା ସଂଶୋଧନ କରି ଆବେଦନ କରିବାକୁ ୱାର୍ଡ଼ ଅଫିସର ଅନ୍‌ଲାଇନ୍‌ରେ ଜଣାଇବେ। ଯଦି ଆବେଦନ ପ୍ରକ୍ରିୟା ସମ୍ପୂର୍ଣ୍ଣ ଠିକ୍‌ ଥାଏ ତେବେ ଆବେଦନକାରୀଙ୍କ ପାଇଁ ଅନ୍‌ଲାଇନ୍‌ ସାର୍ଟିଫିକେଟ୍‌ ଆପେ ପ୍ରସ୍ତୁତ ହୋଇଯିବ।

ପ୍ରଥମେ ବ୍ୟବସାୟୀମାନେ ଭୁବନେଶ୍ୱରଡ଼ଟ୍‌ମି ଓ୍ବେବ୍‌ସାଇଟ୍‌କୁ ଯାଇ ସିଟିଜେନ୍‌ ସର୍ଭିସ୍‌ ବିକଳ୍ପକୁ ଚୟନ କରିବେ। ପରେ ଦିଆଯାଇଥିବା ଟ୍ରେଡ଼୍‌ ଲାଇସେନ୍ସ ବିକଳ୍ପକୁ ବାଛି ଲାଇସେନ୍ସ ପାଇଁ ଆବେଦନ କରିବେ। ଆବେଦନ ପରେ ଏକ ଫର୍ମ ଆସିବ ଆବଶ୍ୟକ କାଗଜପତ୍ର ସହ ସମସ୍ତ ତଥ୍ୟ ଦେଇ ବ୍ୟବସାୟୀମାନେ ଫର୍ମ ପୂରଣ କରିବେ। ବ୍ୟବସାୟୀ ଜଣକ ଉଭୟ ଫୋନ୍‌ ଓ କମ୍ପ୍ୟୁଟର ମାଧ୍ୟମରେ ଏହି ଆବେଦନ କରିପାରିବେ।


Enter your email to get our daily news in your inbox.

All Right Reserved By Dharitri.Com

ରାଉରକେଲାରେ ଏସିଡ୍‌ ମାଡ଼: ଗୋଟିଏ ପରିବାରର ୪ ଆହତ; ଅଭିଯୁକ୍ତ ଗିରଫ

ରାଉରକେଲା ଅଫିସ,୬ା୨- ସୁନ୍ଦରଗଡ଼ ଜିଲା ବନ୍ଧମୁଣ୍ଡା ଥାନା ଅନ୍ତର୍ଗତ ସେକ୍ଟର-ଏ ଅଞ୍ଚଳରେ ଏସିଡ୍‌ ମାଡ଼ରେ ଗୋଟିଏ ପରିବାରର ୪ଜଣ ଆହତ ହୋଇଥିଲେ। ଏହି ଘଟଣାରେ ପୋଲିସ...

୫ ପର୍ଯ୍ୟନ୍ତ ବର୍ଷା : ଆଜି ୫ ଜିଲାକୁ ଅରେଞ୍ଜ, ୧୫କୁ ୟେଲୋ ଓ୍ବାର୍ନିଂ

ଭୁବନେଶ୍ୱର,୨ା୯(ବ୍ୟୁରୋ) : ଲଘୁଚାପ ପ୍ରଭାବରେ ରାଜ୍ୟରେ ବର୍ଷା ଜାରି ରହିଥିବାବେଳେ ଆଜି ଆଉଏକ ଲଘୁଚାପ ସୃଷ୍ଟି ହେବାର ସମ୍ଭାବନା ରହିଛି। ଫଳରେ ବର୍ଷା ପରିମାଣ ବଢ଼ିବା...

ଫନୀ: ଘରଭଙ୍ଗା ସହାୟତା ୭ କୋଟି ୫୮ ହଜାର ଟଙ୍କା ମଞ୍ଜୁର

ଭୁବନେଶ୍ୱର,୧୪।୬(ବ୍ୟୁରୋ): ସାମୁଦ୍ରିକ ଝଡ଼ ଫନୀ ଦ୍ୱାରା ପୁରୀ ଜିଲାରେ ଘର ହରାଇଥିବା କ୍ଷତିଗ୍ରସ୍ତଙ୍କ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗୁରୁବାର ସହାୟତା ରାଶି ଘୋଷଣା କରିଛନ୍ତି।...

ଗଣିଆ ପଞ୍ଚାୟତ ସମିତିର ୭ମ ଅଧିବେଶନ: ଶିକ୍ଷା, ସ୍ବାସ୍ଥ୍ୟ, କୃଷି ସମସ୍ୟାକୁ ଗୁରୁତ୍ୱ

ଗଣିଆ,୧୮ା୧(ଡି.ଏନ୍‌.ଏ.): ଗଣିଆ ବ୍ଲକ ସଦ୍‌ଭାବନା ଗୃହଠାରେ ଶୁକ୍ରବାର ପଞ୍ଚାୟତ ସମିତିର ୭ମ ଅଧିବେଶନ ଅନୁଷ୍ଠିତ ହୋଇଯାଇଛି। ବ୍ଲକ ଅଧ୍ୟକ୍ଷ ଶେଷଦେବ ସ୍ବାଇଁଙ୍କ ସଭାପତିତ୍ୱରେ ଆୟୋଜିତ ବୈଠକରେ...

କଟକଣା ଭିତରେ ରଜ ପାଳନ

ଖଇରା, ୧୬।୬(ଡି.ଏନ.ଏ.)-ବାଲେଶ୍ୱର ଜିଲା ଅଧୀନ ଖଇରା ବ୍ଲକରେ ରଜ କଟକଣା ମଧ୍ୟରେ ପାଳନ କରାଯାଉଛି ା ଝିଅମାନେ ସାମାଜିକ କଟକଣା ମଧ୍ୟରେ ଦୋଳି ଖେଳୁଥିବା ବେଳେ...

CORONAVIRUS UPDATE: ରାଜ୍ୟରେ ପୁଣି ୫୨୭ କରୋନା ପଜିଟିଭ ଚିହ୍ନଟ: ଆକ୍ରାନ୍ତଙ୍କ ସଂଖ୍ୟା ୧୦,୬୨୪ରେ ପହଞ୍ଚିଲା

ଭୁବନେଶ୍ୱର, ୮।୭(ବ୍ୟୁରୋ): ରାଜ୍ୟରେ ବୁଧବାର ପୁଣି ୫୨୭ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୧୦,୬୨୪ ରେ...

ଶିଶୁର ଜୀବନ ଚାଲିଯିବା ପରେ…ରାସ୍ତା ନା ହସ୍ପିଟାଲ ଦାୟୀ

ଭୁବନେଶ୍ୱର, ୧୨।୨ (ବ୍ୟୁରୋ): ବିଳମ୍ବ ଯୋଗୁ ଚାଲିଯାଇଛି ୫ବର୍ଷର ନୀଲ୍‌ ନୀତୀଶ ନାୟକଙ୍କ ଜୀବନ। ରାଜଧାନୀ ରାଜରାସ୍ତାରେ ମଙ୍ଗଳବାର ପୂର୍ବାହ୍ନରେ ଘଟିଥିଲା ଏହି ହୃଦୟଥରା ଘଟଣା।...

ଜୋରଦାର ହେଲା ପଲିଥିନ ଧରପଗଡ: ଗୋଦାମ ମାଲିକଙ୍କୁ ଗୋଡାଇ ଧରିଲେ

ଭଞ୍ଜନଗର,୧୯।୬(ଡି.ଏନ.ଏ.)- ପଲିଥିନ ଏବଂ ପ୍ଲାଷ୍ଟିକ୍‌ ବ୍ୟବହାରକୁ ରୋକିବା ପାଇଁ ଭଞ୍ଜନଗର ଏନ୍‌ଏସି ପକ୍ଷରୁ ବୁଧବାରଠାରୁ ଚଢାଉ ଜୋରଦାର କରାଯାଇଛି। ମଙ୍ଗଳବାର ବିଭିନ୍ନ ସ୍ଥାନରେ ଚଢାଉ କରାଯାଇ...

Coronavirus Update


Archives

Model This Week

Why Dharitri