୩ ସନ୍ତାନ ଥିବାରୁ କାନାକୋଟ ସରପଞ୍ଚଙ୍କ ପଦବୀ ଅସିଦ୍ଧ
8:33 amJanuary 3, 2020 / 21

ନବରଙ୍ଗପୁର,୩ା୧(ବି.ପ୍ର)- ନବରଙ୍ଗପୁର ଜିଲା ଝରିଗାଁ ବ୍ଲକ ଅଧୀନ କାନାକୋଟ ପଞ୍ଚାୟତ ସରପଞ୍ଚ ଜଗ ଭତରାଙ୍କ ୩ଟି ସନ୍ତାନ ଥିବାରୁ ତାଙ୍କ ପଦବୀକୁ ଜିଲାପାଳ ତଥା ଜିଲା ମାଜିଷ୍ଟ୍ରେଟ ଅଜିତ କୁମାର ମିଶ୍ର ଅସିଦ୍ଧ ଘୋଷଣା କରିଛନ୍ତି ା ଏଥିସହ ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ ମକାରୁ ଭତରାଙ୍କୁ ସରପଞ୍ଚ କରିବାକୁ ନିର୍ଦ୍ଦେଶ ଦେଇଛନ୍ତିି ା ୨୦୧୭ ଫେବୃୟାରୀରେ ହୋଇଥିବା ତ୍ରିସ୍ତରୀୟ ପଞ୍ଚାୟତ ନିର୍ବାଚନର କାନାକୋଟ ପଞ୍ଚାୟତ ସରପଞ୍ଚ ପଦବୀ ପାଇଁ ଜଗ ଭତରା ଓ ମକାରୁ ଭତରା ପ୍ରତିଦ୍ୱନ୍ଦ୍ୱିତା କରିଥିଲେ।
ଏଥିରେ ଜଗ ନିର୍ବାଚିତ ହୋଇ ସରପଞ୍ଚ ହୋଇଥିଲେ। ତେବେ ଜଗ ମିଥ୍ୟା ସତ୍ୟପାଠ ଦାଖଲ କରିଥିବା ସନପତ ଭତରା ସହ ଅନ୍ୟମାନେ ୨୦୧୭ ମାର୍ଚ୍ଚ ୧୬ ତାରିଖରେ ଅଭିଯୋଗ କରିଥିଲେ ା ସେମାନେ ଅଭିଯୋଗରେ ଦର୍ଶାଇଥିଲେ ଯେ, ୧୯୯୪ ପରେ ଯେଉଁ ପ୍ରାର୍ଥୀଙ୍କ ୩ଟି ସନ୍ତାନ ରହିଥିବ, ସେ ନିର୍ବାଚନ ଲଢି ପାରିବେ ନାହିଁ ବୋଲି ନିର୍ବାଚନ ଆଇନ ରହିଛି ା ତେବେ ଜଗଙ୍କ ୧୯୯୪ ପରେ ୩ଟି ସନ୍ତାନ ରହିଛି। ଜଗଙ୍କ ଦୁଇଝିଅ ଜାମ୍ବବତୀ ଭତରା, ତୁଳବତୀ ଭତରା ଓ ଗୋଟିଏ ପୁଅ ଆକାଶ ଭତରା ରହିଛନ୍ତି ା ସେଥିପାଇଁ ସରପଞ୍ଚ ପଦବୀ ଅସିଦ୍ଧ ଘୋଷଣା କରାଯାଉ। ଏଥିସହ ନିକଟତମ ପ୍ରତିଦ୍ୱନ୍ଦ୍ୱୀଙ୍କୁ ସରପଞ୍ଚ କରିିବାକୁ ଜଣାଇଥିଲେ। ଏନେଇ ନିର୍ବାଚନ ପଞ୍ଚାୟତ (ନଂ. ୬/୧୭ )ରେ ଏକ ମାମଲା ରୁଜୁ ହୋଇଥିଲା ା ଝରିଗାଁ ବିଡିଓ, ମେଡିକାଲ ଅଫିସର ଓ ସିଡିପିଓଙ୍କ ସାକ୍ଷ୍ୟ ଗ୍ରହଣ କରାଯାଇଥିଲା ା ସମସ୍ତ ସାକ୍ଷ୍ୟ ପ୍ରମାଣକୁ ଭିତ୍ତିକରି ଜିଲାପାଳ ତଥା ଜିଲା ମାଜିଷ୍ଟ୍ରେଟ ୨୦୧୯ ଡିସେମ୍ବର ୩୧ ତାରିଖରେ ଉପରୋକ୍ତ ରାୟ ଦେଇଛନ୍ତିି ା ସନପତଙ୍କ ପକ୍ଷରୁ ବରିଷ୍ଠ ଆଇନଜୀବୀ ମାନସ ତ୍ରିପାଠୀ ମାମଲା ପରିଚାଳନା କରୁଥିଲେ ା