ଭୁବନେଶ୍ୱର, ୬ା୨(ବ୍ୟୁରୋ): ବିନା ବିଲ୍ଡିଂ ପ୍ଲାନ୍ ଅନୁମୋଦନରେ କୋଠା ର୍ନିମାଣ, ବିନା ଟ୍ରେଡ୍ ଲାଇସେନ୍ସରେ ବ୍ୟବସାୟ, ହୋଲ୍ଡିଂ ଟିକସ ଫାଙ୍କି, ପାର୍କିଂ ସୁବିଧା ନ ଥିବା କଲ୍ୟାଣ ମଣ୍ଡପ ଓ ବିବାହ ମଣ୍ଡପକୁ ବିଏମ୍ସିି ପକ୍ଷରୁ ସିଲ୍ ପ୍ରକ୍ରିୟା ଜାରି ରହିଛି। ବିଏମ୍ସିି, ବିଡିଏ ଓ କମିଶନରେଟ ପୋଲିସ୍ର ମିଳିତ ଟିମ୍ ପକ୍ଷରୁ ସୋମବାର, ମଙ୍ଗଳବାର ଦୁଇ ଦିନରେ ୯ ମଣ୍ଡପ ସିଲ୍ କରାଯାଇଥିବାବେଳେ ବୁଧବାର କେବଳ ଗୋଟିଏ ବରମୁଣ୍ଡାରେ ଥିବା କନକ ବଙ୍କେଟ ହଲ ମଣ୍ଡପକୁ ସିଲ କରାଯାଇଛି। ତେବେ ୩ ମଣ୍ଡପ ଯଥା ପାଣ୍ଡରାର ରାଜାରାଣୀ ମଣ୍ଡପ, ଜିଜିପି କଲୋନୀର ମା’ ତାରିଣୀ ମଣ୍ଡପ ଓ ମଞ୍ଜୁଳା ମଣ୍ଡପରେ ବିବାହ ଚାଲିଥିବାରୁ ସେଗୁଡିକୁ ସିଲ୍ କରାଯାଇ ପାରି ନ ଥିଲା। ଉକ୍ତ ମଣ୍ଡପଗୁଡିକ ଉପରେ ୭୦ ହଜାର ଟଙ୍କା ଜରିମାନା କରାଯାଇଛି। ଗୁରୁବାର ସିଲ୍ କରାଯିବ ବୋଲି ବିଏମ୍ସି ସୂଚନା ଦେଇଛି।
