ଏବେ ଚାଲିଛି ବିବାହ ଋତୁ। କ୍ରିକେଟରଙ୍କଠାରୁ ଆରମ୍ଭ କରି ବଲିଉଡ୍ ଅଭିନେତ୍ରୀ ଅଭିନେତାମାନଙ୍କୁ ମଧ୍ୟ ଏହି ସିଜିନ୍ରେ ବିବାହ କରୁଥିବାର ଦେଖାଯାଇଛି। ଏହି କ୍ରମରେ ସାମିଲ ହୋଇଛନ୍ତି କ୍ରିକେଟର ରାହୁଲ ଚହର। ସେ ଖୁବଶୀଘ୍ର ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି। ଗର୍ଲଫ୍ରେଣ୍ଡ୍ ଇଶାନୀଙ୍କ ସହ ତାଙ୍କ ନିର୍ବନ୍ଧ ହୋଇଛି। ଭାରତର ପାଇଁ ଗୋଟିଏ ଟି-୨୦ ମ୍ୟାଚ୍ ଖେଳିଥିବା ରାହୁଲ ଏବଂ ଇଶାନୀଙ୍କ ଫଟୋ ସାଥୀ ଖେଳାଳି ଦୀପକ ଚହର ନିଜ ଇନଷ୍ଟାଗ୍ରାମରେ ପୋଷ୍ଟ କରିଛନ୍ତି। ରାହୁଲ ଦୀପକଙ୍କ ସମ୍ପର୍କୀୟ ଭାଇ। ଜୟପୁରର ନାହରଗଡରେ ଉଭୟରେ ନିର୍ବନ୍ଧ ହୋଇଥିଲା। ରାହୁଲ ଆଇପିଏଲରେ ମୁମ୍ବାଇ ଇଣ୍ଡିଆନ୍ସ ପକ୍ଷରୁ ଖେଳୁଛନ୍ତି। ଦୀର୍ଘ ୪ ବର୍ଷ ହେବ ରାହୁଲ ଏବଂ ଇଶାନୀ ପରସ୍ପରକୁ ଡେଟ୍ କରୁଥିଲେ। ଘରୋଇ କ୍ରିକେଟରେ ଭଲ ପ୍ରଦର୍ଶନ ଯୋଗୁ ତାଙ୍କ ଟିମ୍ ଇଣ୍ଡିଆରେ ସ୍ଥାନ ମିଳିଥିଲା।
