ଲୋକପ୍ରିୟ ୟୁଟ୍ୟୁବର ଅରମାନ ମଲିକ ଆଜିକାଲି ସୋସିଆଲ ମିଡିଆରେ ଟ୍ରୋଲର ଶିକାର ହେଉଛନ୍ତି। ନିକଟରେ ସେ ତାଙ୍କ ସ୍ତ୍ରୀ ପାୟଲ ଏବଂ କ୍ରିତିକାଙ୍କ ଗର୍ଭଧାରଣ ବିଷୟରେ ଘୋଷଣା କରିଥିଲେ। ୟୁଜର୍ସ ଅଭିନନ୍ଦନ ଜଣାଇବା ପରିବର୍ତ୍ତେ ତାଙ୍କୁ ଟ୍ରୋଲ କରୁଛନ୍ତି।
ଅରମାନ ମଲିକ ଜଣେ ଲୋକପ୍ରିୟ ୟୁଟ୍ୟୁବର୍ ଏବଂ ବ୍ଲଗର୍। ତାଙ୍କର ବିଳାସପୂର୍ଣ୍ଣ ଜୀବନ ଏବଂ ଦୁଇ ସ୍ତ୍ରୀ ଥିବାରୁ ଅରମାନ ସୋସିଆଲ ମିଡିଆରେ ଚର୍ଚ୍ଚାରେ ରହିଛନ୍ତି। ସେ ଉଭୟ ସ୍ତ୍ରୀଙ୍କ ସହିତ ପାରିବାରିକ ଜୀବନକୁ ଖୁସିରେ ଉପଭୋଗ କରନ୍ତି। ଅରମାନ ନିକଟରେ ଘରେ ନୂତନ ଅତିଥିଙ୍କ ଆଗମନ ଘୋଷଣା କରିଥିଲେ। ଅରମାନ ଉଭୟ ସ୍ତ୍ରୀଙ୍କ ସହ ଏକ ଫଟୋ ଶେୟାର କରି କହିଥିଲେ, ତାଙ୍କ ସ୍ତ୍ରୀ ପାୟଲ ଏବଂ କ୍ରିତିକା ଗର୍ଭବତୀ ଅଛନ୍ତି। ଏହି ଫଟୋ ଶେୟାର କରିବା ପରେ ୟୁଜର୍ସ ବିଭିନ୍ନ ପ୍ରଶ୍ନ କରିଛନ୍ତି। ଜଣେ ୟୁଜର୍ସ କହିଛନ୍ତି, ଆପଣ ୨ ଜଣଙ୍କୁ କେମିତି ସମ୍ଭାଳୁଛନ୍ତି। ଅନ୍ୟ ଜଣେ ୟୁଜର୍ସ ଲେଖିଛନ୍ତି, ଆପଣ କ୍ରିତିକାଙ୍କୁ ଅଧିକ ଭଲ ପାଆନ୍ତି ଏବଂ ତାଙ୍କ ସହିତ ଅଧିକ ଫଟୋ କ୍ଲିକ କରନ୍ତି, ପାୟଲଙ୍କ ସହିତ ନୁହେଁ। ସେହିପରି ଜଣେ ୟୁଜର୍ସ କହିଛନ୍ତି, ଭାରତର ଜନସଂଖ୍ୟାରେ ଯୋଗଦାନ ପାଇଁ ଆପଣଙ୍କ ନାମ ସୁବର୍ଣ୍ଣ ଅକ୍ଷରରେ ଲେଖାଯିବ।
ଇନଷ୍ଟାଗ୍ରାମରେ ଅରମାନଙ୍କର ୧.୫ ମିଲିୟନ ଫଲୋଅର୍ସ ଅଛନ୍ତି। ଅରମାନ ତାଙ୍କ ବ୍ୟକ୍ତିଗତ ଜୀବନ ସହ ଜଡିତ ଭିଡିଓ ସୋସିଆଲ ମିଡିଆରେ ପୋଷ୍ଟ କରନ୍ତି। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ସେ ଦୁଇଥର ବିବାହ କରିଛନ୍ତି। ଉଭୟ ତାଙ୍କ ସ୍ତ୍ରୀଙ୍କ ସହ ଅରମାନ ଭିଡିଓ ଶେୟାର କରିଥାନ୍ତି, ଯାହାକୁ ଦେଖି ଲୋକମାନେ ଆଶ୍ଚର୍ଯ୍ୟ ହୋଇଯାଆନ୍ତି।
