ଜୁନାଗଡ,୯।୪(ଡି.ଏନ୍.ଏ.): କଳାହାଣ୍ଡି ଜିଲା ଜୁନାଗଡ ସହରରେ ଗତ ୨ଦିନ ହେଲା ବୁଲା କୁକୁରଙ୍କ ଆତଙ୍କ ଦେଖିବାକୁ ମିଳିଛି। ସହରର ବିଭିନ୍ନ ପଡାରେ ଏହି କୁକୁରମାନେ ୨୦ଜଣଙ୍କୁ କାମୁଡିଥିବା ଅଭିଯୋଗ ହୋଇଥିଲା। ତେବେ ଜୁନାଗଡ ଡାକ୍ତରଖାନାରେ କୁକୁର କାମୁଡା ଇଞ୍ଜେକସନ ନ ଥିବାରୁ ଆକ୍ରାନ୍ତ ବ୍ୟକ୍ତିମାନଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଥିଲା। ଏହି ଖବର ଜାଣିବା ପରେ ଓଡିଶା ବିଧାନ ସଭାରେ ବିରୋଧୀ ଦଳ ନେତା ପ୍ରଦୀପ୍ତ କୁମାର ନାଏକ ଜିଲା ମୁଖ୍ୟ ଚିକିସତ୍ାଳୟରୁ ଏକ ଟିମ୍ ଜୁନାଗଡ ଡାକ୍ତରଖାନାକୁ ପଠାଇଥିଲେ। ପରେ ଉକ୍ତ ଟିମ୍ ଜୁନାଗଡ ସହରର କୁକୁର କାମୁଡି ଥିବା ୧୨ଜଣଙ୍କୁ ଇଞ୍ଜେକସନ ଦେଇଥିଲେ। ଅନ୍ୟମାନେ ଧର୍ମଗଡ ଉପଖଣ୍ଡ ଡାକ୍ତରଖାନା ଓ ଭବାନୀପାଟଣା ଜିଲା ଚିକିତ୍ସାଳୟରେ ଇଞ୍ଜେକସନ ନେଇଥିବା ଜଣାପଡିଛି।
