ରୂପ୍ସା, ୨୪।୧୨(ଡି.ଏନ.ଏ.)-ବାଲେଶ୍ୱର ସଦର ଥାନା ମାଣିକପୁରା ଗ୍ରାମର ଖଗେନ୍ଦ୍ର ପରିଡ଼ାଙ୍କ ଘରୁ ବିଭିନ୍ନ ଘରକରଣା ସାମଗ୍ରୀ ସହ ସୁନାଗହଣା ଚୋରି ଅଭିଯୋଗରେ ପନତ୍ୀ ଟିକିଲି ପରିଡ଼ାଙ୍କୁ ପୋଲିସ ଉତ୍ତରପ୍ରଦେଶରୁ ଗିରଫ କରିଛି। ରବିବାର ତାଙ୍କୁ କୋର୍ଟଚାଲାଣ କରାଯାଇଛି। ଜାମିନ ନାମଞ୍ଜୁର ହେବାରୁ ତାଙ୍କୁ ଜେଲ ହାଜତକୁ ପଠାଯାଇଛି।
ସହଦେବଖୁଣ୍ଟା ଥାନା ବାଲିଆ ଅଞ୍ଚଳର ଟିକିଲିଙ୍କୁ ଖଗେନ୍ଦ୍ର ୨୦୧୪ରେ ପ୍ରେମ ବିବାହ କରିଥିଲେ। ଖଗେନ୍ଦ୍ର ଜଣେ ଦିନ ମଜୁରିଆ ଓ ମତ୍ସ୍ୟଜୀବୀ ଭାବେ ଜୀବିକା ନିର୍ବାହ କରନ୍ତି। ବିବାହର ୪ ବର୍ଷ ପରେ ପନତ୍ୀପତିଙ୍କ ମଧ୍ୟରେ ବିବାଦ ଦେଖାଦେଇଥିଲା। ବିବାହ ସମୟରେ ଟିକିଲି ତାଙ୍କ ବାପଘରୁ କୌଣସି ସାମଗ୍ରୀ, ସ୍ବର୍ଣ୍ଣ ଅଳଙ୍କାର ଆଣି ନ ଥିବା ଅଭିଯୋଗରେ ଦର୍ଶାଯାଇଛି। ଖଗେନ୍ଦ୍ର ଘରେ ନ ଥିବାବେଳେ ସ୍ତ୍ରୀ ଟିକିଲି ଗଡ଼ରେଜ, ପଲଙ୍କ, ଘରକରଣା ସାମଗ୍ରୀ ସହ ସୁନା ଅଳଙ୍କାର ଲୁଟ୍ କରି ଚମ୍ପଟ ମାରିଥିଲେ। ଏ ସମ୍ପକର୍ର୍ରେ ଖଗେନ୍ଦ୍ର କୋର୍ଟଙ୍କ ଦ୍ୱାରସ୍ଥ ହୋଇଥିଲେ। କୋର୍ଟ ପିଟିଶନ ଅନୁଯାୟୀ ଗତ ମାର୍ଚ୍ଚ ୧୮ ତାରିଖରେ ସଦର ଥାନାରେ ପୋଲିସ ଏକ ମାମଲା (ନଂ. ୬୬/୧୯) ରୁଜୁ କରି ତଦନ୍ତ ଜାରି ରଖିଥିଲା। ପରିକ୍ଷୀ ଫାଣ୍ଡି ଅଧିକାରୀ ଏଏସ୍ଆଇ ଉମାକାନ୍ତ ଧଳ ଏକ ସ୍ବତନ୍ତ୍ର ପୋଲିସ ଟିମ୍ ସହ ଉତ୍ତରପ୍ରଦେଶର ସମ୍ବଲ ଜିଲା ଅନ୍ତର୍ଗତ ବଣିଆଫେର ଥାନା ଅଞ୍ଚଳରେ ସେଠାକାର ପୋଲିସ ସହାୟତାରେ ଚଢ଼ାଉ କରି ଗତ ୧୮ ତାରିଖରେ ଅଭିଯୁକ୍ତ ପନତ୍ୀଙ୍କୁ ଗିରଫ କରିବାରେ ସମର୍ଥ ହୋଇଥିଲେ। ଗିରଫ ଅଭିଯୁକ୍ତଙ୍କୁ କୋର୍ଟରେ ହାଜର କରାଇଥିଲେ। କୋର୍ଟଙ୍କ ନିର୍ଦ୍ଦେଶକ୍ରମେ ଅଭିଯୁକ୍ତଙ୍କୁ ୪ଦିନିଆ ଟ୍ରାନ୍ଜିଟ୍ ରିମାଣ୍ଡରେ ସେଠାରୁ ବାଲେଶ୍ୱର ଆଣିଥିଲେ। ଟିକିଲିଙ୍କ ବାପଘରୁ ପୋଲିସ ଚୋରି ସାମଗ୍ରୀ ଜବତ କରିଛି। ସେମାନଙ୍କର ସାଢ଼େ ୪ବର୍ଷର ଶିଶୁକନ୍ୟା ଅଛି। ସ୍ବାମୀଙ୍କ ଘରୁ ଆସବାବପତ୍ର ଚୋରି କରିବା ପରଠୁଁ ଟିକିଲି ଶିଶୁକନ୍ୟାକୁ ନେଇ ଉତ୍ତରପ୍ରଦେଶରେ ରହୁଥିବା ପୋଲିସ ଖବର ପାଇ ଚଢ଼ାଉ କରିଥିଲା।
