ଭଦ୍ରକ ଅଫିସ, ୫।୯ – ଭଦ୍ରକ ପୌରାଞ୍ଚଳ ଅନ୍ତର୍ଗତ ସାମରାଇପୁର ବିଜୁ ପଟ୍ଟନାୟକ ନଗରର ୮ମ ଶ୍ରେଣୀର ଛାତ୍ରୀ ସ୍ନେହା ଦାସ ଆଧୁନିକ ଚିତ୍ର ଆଙ୍କି ଦିଲ୍ଲୀରୁ ସ୍ବର୍ଣ୍ଣପଦକ ହାସଲ କରିଛନ୍ତି। ସେ ଶରତ ଚନ୍ଦ୍ର ଦାସ ଓ ସୁପ୍ରଭା ଦାସଙ୍କ ଝିଅ। ସେ ଅନ୍ଲାଇନ୍ରେ ପ୍ରତିଯୋଗିତାରେ ଭାଗନେଇ ଏହି ସଫଳତା ପାଇଛନ୍ତି। ମଡର୍ଣ୍ଣ ଆର୍ଟ ବିଭାଗରେ ସେ ଆଙ୍କିଥିବା ରାଧାକୃଷ୍ଣଙ୍କ ମିଳନ ଚିତ୍ର ସମସ୍ତଙ୍କ ମନ ଜିଣିଥିଲା। ଦିଲ୍ଲୀସ୍ଥିତ ଆର୍ଟ, ଆଟିଷ୍ଟ୍ ଓ ଆଟିଷ୍ଟିକ୍ ଅନୁଷ୍ଠାନ ପକ୍ଷରୁ ନିକଟରେ ତାଙ୍କୁ ସ୍ବର୍ଣ୍ଣପଦକ ପ୍ରଦାନ କରାଯାଇଛି। ଏହାପୂର୍ବରୁ ହାଇଦ୍ରାବାଦ କୁନାସୀମା ଚିଲ୍ଡ୍ରେନ ଆର୍ଟ ପ୍ରତିଯୋଗିତାରେ ସ୍ବର୍ଣ୍ଣପଦକ, ଓଡ଼ିଶା ଲଳିତ କଳା ଏକାଡେମୀ, ଧଉଳି ଇଣ୍ଟରନ୍ୟାଶନାଲ ଆର୍ଟ ଫେଷ୍ଟିଭାଲ, ଜିଲାସ୍ତରୀୟ ଓ ବ୍ଲକସ୍ତରୀୟ ବିଭିନ୍ନ ସ୍ଥାନରୁ ସ୍ବର୍ଣ୍ଣପଦକ ଓ ବିଭିନ୍ନ ପଦକ ହାସଲ କରି ଜିଲା ପାଇଁ ଗର୍ବ ଆଣିଛନ୍ତି। ସେ ଏସ୍ବିଡି ଇଣ୍ଟରନ୍ୟାଶନାଲ ସ୍କୁଲର ଛାତ୍ରୀ।
