ସ୍ତ୍ରୀଙ୍କୁ ନିର୍ଯାତନା, ହତ୍ୟା ଉଦ୍ୟମ ଅଭିଯୋଗ: ଅଭିଯୁକ୍ତ ସ୍ବାମୀ କୋର୍ଟଚାଲାଣ
7:37 amNovember 6, 2019 / 21

ଜଗନ୍ନାଥପ୍ରସାଦ,୬ା୧୧(ଡି.ଏନ.ଏ.)-ପ୍ରେମ ବିବାହ କରି ସ୍ତ୍ରୀଙ୍କୁ ନିର୍ଯାତନା ଓ ହତ୍ୟା ଉଦ୍ୟମ ଅଭିଯୋଗରେ ଅଭିଯୁକ୍ତ ସ୍ବାମୀଙ୍କୁ ଜଗନ୍ନାଥପ୍ରସାଦ ପୋଲିସ ମଙ୍ଗଳବାର କୋର୍ଟଚାଲାଣ କରିଛି। ସେ ହେଲେ ଟୁକୁନା ବେହେରା। ଏ ନେଇ ନଂ. ୧୮୩/୧୯ରେ ମାମଲା ରୁଜୁ କରାଯାଇଛି। ଜଗନ୍ନାଥପ୍ରସାଦ ଥାନା ଚିକିଲି ଗ୍ରାମର ଗୌତମୀଙ୍କୁ ଆଜ୍ଞାପ୍ରସାଦ ଗଁାର ଟୁକୁନା ଭଲ ପାଉଥିଲେ। ଉଭୟ ଗୋଟିଏ ଜାତିର ହୋଇ ନ ଥିବାରୁ ବିବାହରେ ପ୍ରତିବନ୍ଧକ ସାଜିଥିଲେ ପରିବାର ଲୋକେ। ତେଣୁ ସେମାନେ ୨୦୧୪ରେ ଗାଁ ଛାଡ଼ି ସୁରାଟ ଯାଇ ସେଠାରେ କୋର୍ଟରେ ବିବାହ କରିଥିଲେ। ବିବାହର କିଛିମାସ ସବୁ ଠିକ୍‌ ଥିଲା। ପରେ ଅର୍ଥ ଅଭାବରୁ ଉଭୟଙ୍କ ମଧ୍ୟରେ ମନୋମାଳିନ୍ୟ ହେଲା। ତେଣୁ ସେମାନେ ଗାଁକୁ ଫେରି ଆସି ଜଗନ୍ନାଥପ୍ରସାଦରେ ଭଡା ଘରେ ରହୁଥିଲେ। ବାହାରେ କାମକରି ଗୁଜୁରାଣ ମେଣ୍ଟାଉଥିଲେ ବି ଶାନ୍ତି ମିଳୁ ନ ଥିଲା। ସୋମବାର ରାତିରେ ପୁଣି କୌଣସି କାରଣରୁ ଗୌତମୀଙ୍କୁ ଟୁକୁନା ୁ ଜୀବନରେ ମାରିଦେବାକୁ ଉଦ୍ୟମ କରିଥିଲେ। ମଙ୍ଗଳବାର ଥାନାରେ ଗୌତମୀ ଏତଲା ଦେବାରୁ ପୋଲିସ ଟୁକୁନାଙ୍କୁ ଗିରଫ କରିଥିଲା।