ବଲାଙ୍ଗୀର ଅଫିସ, ୧୦ା୧ – ୧୫ତମ ବଲାଙ୍ଗୀର ବହିହାଟ ଗୁରୁବାର ସନ୍ଧ୍ୟାରେ ଉଦ୍ଘାଟିତ ହୋଇଛି ା ବଲାଙ୍ଗୀର ଜିଲାପାଳ ଅରିନ୍ଦମ ଡାକୁଆ ମୁଖ୍ୟଅତିଥିଭାବେ ଯୋଗଦେଇ ଏହି ବହିହାଟର ଶୁଭ ଉଦ୍ଘାଟନ କରିଛନ୍ତି ା ଜିଲା ଲେଖକ ପରିଷଦ ପକ୍ଷରୁ ଆୟୋଜିତ ଏହି ବହିହାଟରେ ପରିଷଦ ସଭାପତି ମଳୟ କୁମାର ମିଶ୍ର ସଭାପତିତ୍ୱ କରିଥିଲେ ା ଅତିଥିଭାବେ ପଦ୍ମଶ୍ରୀ ଡ. ଶ୍ରୀନିବାସ ଉଦ୍ଗାତା, ପ୍ରଫେସର ମଧୁସୂଦନ ପତି, ସମ୍ମାନିତ ବକ୍ତାଭାବେ ନାଟ୍ୟଭୂଷଣ ଗଜଦାନନ୍ଦ ଛୁରିଆ, ବହିହାଟ ସଂଯୋଜକ ଲଳିତ କୁମାର ନାୟକ, ସମ୍ପାଦକ କପିଳେଶ୍ୱର ଖମାରୀ ମଞ୍ଚାସୀନ ଥିଲେ ା ପ୍ରାରମ୍ଭରେ ପରିଷଦ ଯୁଗ୍ମ ସମ୍ପାଦକ ଅରବିନ୍ଦ ବାଗ ସ୍ବାଗତ ବକ୍ତବ୍ୟ ଦେଇଥିଲେ ା ଧୀରେନ୍ଦ୍ର ନାରାୟଣ ସିଂଦେଓ ଅତିଥି ପରିଚୟ ପ୍ରଦାନ କରିଥିଲେ ା ସମ୍ପାଦକ ଖମାରୀ ସମ୍ପାଦକୀୟ ବିବରଣୀ ପାଠ କରିଥିଲେ ା
ସମ୍ମାନିତ ବକ୍ତା ଛୁରିଆ ତାଙ୍କ ବକ୍ତବ୍ୟରେ ବହି ସବୁ ସମୟରେ ଭଲ ବନ୍ଧୁଟିଏ ବୋଲି କହିଥିଲେ ା ଅତିଥି ପଦ୍ମଶ୍ରୀ ଉଦ୍ଗାତା ତାଙ୍କ ବକ୍ତବ୍ୟରେ ବହିର ଉପାଦେୟତା ଉପରେ କହିଥିଲେ ା ଅତିଥି ପଫେସର ମଧୁସୂଦନ ପତି ତାଙ୍କ ବକ୍ତବ୍ୟରେ ବହିହାଟ ସହ ସ୍କୁଲ ପିଲାଙ୍କୁ ଯୋଡିବାକୁ ପରାମର୍ଶ ଦେଇ ଏଠାକୁ ପାଖ ସ୍କୁଲରୁ ପିଲାଙ୍କୁ ଶିକ୍ଷକମାନେ ଗାଇଡ ଭାବେ ଆଣି ବହି ସହ ପରିଚିତ କରିବାକୁ କହିଥିଲେ ା ଏହା କରିପାରିଲେ ଆମେ ସମାଜର ବିଶେଷ କରି ଆଗାମୀ ପିଢ଼ିର ଛାତ୍ରୀଛାତ୍ରଙ୍କ ପାଇଁ କିଛି କରିପାରିବା ବୋଲି ସେ କହିଥିଲେ ା ସଂଯୋଜକ ନାୟକ ତାଙ୍କ ବକ୍ତବ୍ୟରେ ବହିହାଟକୁ କିଭଳି ଆହୁରି ଉପାଦେୟ କରାଯାଇପାରିବ ସେହି ପ୍ରୟାସ ଜାରି ରହିଛି ବୋଲି କହିଥିଲେ ା ଜିଲାପାଳ ଡାକୁଆ ତାଙ୍କ ବକ୍ତବ୍ୟରେ ଏଭଳି ଏକ ବହିହାଟର ପରିକଳ୍ପନାକୁ ସ୍ବାଗତ କରିବା ସହ ଏହାଦ୍ୱାରା ସବୁ ବର୍ଗର ଲୋକେ ଉପକୃତ ହେବେ ବୋଲି ଆଶାପୋଷଣ କରିଥିଲେ ା ସଭା ଶେଷରେ ରଘୁନନ୍ଦନ ସିଂ ଧନ୍ୟବାଦ୍ ଅର୍ପଣ କରିଥିଲେ ା
ଉଦ୍ଘାଟନୀ ସଭା ପରେ ଦ୍ୱିତୀୟ ସଭା ଆୟୋଜନ ହୋଇଥିଲା ା ଏଥିରେ ସାହିତି୍ୟକ ମନୋଜ ପଣ୍ଡା ସଭାପତିତ୍ୱ କରିଥିଲେ ା ମୁଖ୍ୟଅତିଥିଭାବେ ଓଡିଶା ପର୍ଯ୍ୟଟନ ଉନ୍ନୟନ ନିଗମ ଅଧ୍ୟକ୍ଷା ଶ୍ରୀମୟୀ ଶ୍ୱେତାସ୍ନିଗ୍ଧା ମିଶ୍ର ଯୋଗଦେଇ ପର୍ଯ୍ୟଟନର ବିକାଶ ସମ୍ପର୍କରେ ସୂଚନା ଦେଇଥିଲେ ା ପରେ ନିଜସ୍ବ ଗଳ୍ପଭୂମିରେ କଥାକାର ଶୀର୍ଷକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା ା ଆଲୋଚକ ଭାବେ ଗାଳ୍ପିକ ଡ ଅଶୋକ କୁମାର ମହାପାତ୍ର, ସୋନପୁରର କ୍ଷୀରୋଦ୍ର କୁମାର ବିଶ୍ୱାଳ, ବଲାଙ୍ଗୀରର ପ୍ରଦୀପ କୁମାର ମିଶ୍ର, ବରପାଲିର ବିଶ୍ୱନାଥ ସାହୁ ଯୋଗଦାନ କରି ଆଲୋଚନା କରିଥିଲେ ା
