ନୂଆଦିଲ୍ଲୀ,୨୬।୧୨: ଚଳିତ ବର୍ଷର ଶେଷ ସୂର୍ଯ୍ୟୋପରାଗ ଗୁରୁବାର ଦୃଶ୍ୟମାନ ହୋଇଛି। ଏହି ବିରଳ ଦୃଶ୍ୟକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଖିଥିବା ବେଳେ ଏହାର ଏକ ଫଟୋ ଶେୟାର କରିଛନ୍ତି। ଏହା ପୂର୍ଣ୍ଣ ସୂର୍ଯ୍ୟୋପରାଗ ହୋଇ ନ ଥିବା ବେଳେ ସୂର୍ଯ୍ୟର ବାହାର ଭାଗ ଏଥିରେ ଦୃଶ୍ୟମାନ ହୋଇଛି। ମୋଦି ସୂର୍ଯ୍ୟୋପରାଗ ଦେଖୁଥିବାର ଫଟୋ ଶେୟାର କରିବା ପରେ ଏହାକୁ ଦେଖି ୟୁଜରମାନେ ପ୍ରତିକ୍ରିୟା ମଧ୍ୟ ରଖିଛନ୍ତି। କେହି କହି ଲେଖିଛନ୍ତି ଏବେ ଆପଣଙ୍କ ମିମିକ୍ରି କରାଯିବ। ଏହାର ଉତ୍ତରରେ ମୋଦି ସ୍ବାଗତ ଜଣାଇଛନ୍ତି। ଏହାପରେ ମୋଦି ଲେଖିଛନ୍ତି ଅନ୍ୟମାନଙ୍କ ଭଳି ମୁଁ ମଧ୍ୟ ସୂର୍ଯ୍ୟୋପରାଗ ଦେଖିବାକୁ ଉତ୍ସାହିତ ଥିଲି। ହେଲେ ବାଦଲ ଢାଙ୍କି ଦେବାରୁ ଏହା ମୁଁ ଭଲଭାବେ ଦେଖିପାରିଲି ନାହିଁ। କୋଝିକୋଡରେ ସୂର୍ଯ୍ୟୋପରାଗର ସାମାନ୍ୟ ଝଲକ ମିଳିବା ସହ ବିଶେଷଜ୍ଞଙ୍କ ସହ ଏହା ଉପରେ କଥା ହୋଇ କିଛି ଜ୍ଞାନ ଆହରଣ କଲି ବୋଲି ମୋଦି ଲେଖିଛନ୍ତି।
