ଖୁଣ୍ଟା,୧୧ା୫(ଡି.ଏନ୍.ଏ.)- ମୟୂରଭଞ୍ଜ ଜିଲା ଡୁକୁରା ୱାଇଲ୍ଡ ଲାଇଫ୍ ରେଞ୍ଜ ଅଧୀନ ଶିମିଳିପାଳ ଜଙ୍ଗଲରୁ ରବିବାର ୩ ଶିକାରୀଙ୍କୁ ବନ ବିଭାଗ ଗିରଫ କରିଛିି। ଅଭିଯୁକ୍ତମାନେ ହେଲେ ଗୋମେଇଘାଟି ଗ୍ରାମର ସୁଜିତ ସିଂ ଓ ସଞ୍ଜୟ ସିଂ ଏବଂ ସୁର୍ଣମଞ୍ଜରୀ ଗ୍ରାମର ରବୀନ୍ଦ୍ର ସିଂ। ରାତି ପ୍ରାୟ ୮ଟା ସମୟରେ ଅଭିଯୁକ୍ତମାନେ ଶିକାର ସାରି ଫେରୁଥିବା ବେଳେ କମ୍ପାର୍ଟମେଣ୍ଟ ସଞ୍ଜ-୫ ସିଜୁପାଣି ନିକଟରେ ପାଟ୍ରୋଲିଂ କରୁଥିବା ବନ କର୍ମଚାରୀଙ୍କ ହାବୁଡ଼ରେ ପଡ଼ିଥିଲେ। ସେମାନଙ୍କ ନିକଟକୁ ୨ଟି ବ୍ୟାଗରେ ଥିବା ୩ଟି ମୃତ ବେଲେରା ମୂଷା, ଟର୍ଚ୍ଚ, ମୋବାଇଲ ଗୋଟିଏ ବାଟୁଳି ଓ ତାର ଗୋଲି, ଗୋଟିଏ କଟୁରି, ଗୋଟିଏ କୁରାଢ଼ୀ, ୨ଟି ଧନୁ ଓ ତୀର ଇତ୍ୟାଦି ଜବତ ହୋଇଛି। ଅଭିଯୁକ୍ତମାନଙ୍କୁ ଡୁକୁରା ରେଞ୍ଜ କାର୍ଯ୍ୟାଳୟକୁ ନିଆଯାଇଛି।
