ଲଣ୍ଡନ,୩୦।୬: ପ୍ରିନ୍ସ ଓ୍ବିଲିୟମ୍ସ ଓ ଡଚେସ୍ ଅଫ୍ କେମ୍ବ୍ରିଜ୍ କେଟେ ମିଡିଲଟନ୍ ଆସନ୍ତା ଶରତ ଋତୁରେ ପାକିସ୍ତାନ ଭ୍ରମଣରେ ଯିବେ ବୋଲି ଜଣାପଡିଛି। କେନସିଂଟନ୍ ପ୍ୟାଲେସ ପକ୍ଷରୁ ଏକ ପ୍ରେସ୍ ରିଲିଜରେ ଏହି ସୂଚନା ଦିଆଯାଇଛି। ସୂଚନା ଅନୁଯାୟୀ, ପାକିସ୍ତାନ ହାଇକମିଶନର ମହମ୍ମଦ ନାଫିସ ଜାକାରିଆ କହିଛନ୍ତି ପାକିସ୍ତାନ ଏହି ରାଜ ଦମ୍ପତିଙ୍କୁ ସ୍ବାଗତ କରିବାକୁ ସମସ୍ତ ପ୍ରସ୍ତୁତି କରିବ। ସେ ଆହୁରି ମଧ୍ୟ କହିଛନ୍ତି କି ପାକିସ୍ତାନ ଲୋକେ କୁଇନ୍ ଏଲିଜାବେଥ୨ଙ୍କ ଭ୍ରମଣକୁ ଆଜି ପର୍ଯ୍ୟନ୍ତ ମନେ ରଖିଛନ୍ତି। ରାଣୀ ଏଲିଜାବେଥ୍ ୨ ଥରେ ୧୯୬୧ ଓ ପୁଣି ୧୯୯୭ରେ ପାକିସ୍ତାନ ଗସ୍ତ କରିଥିଲେ। ଏଥର ରାଜଦମ୍ପତିଙ୍କ ଗସ୍ତ ଉଭୟ ଦେଶ ମଧ୍ୟରେ ଥିବା ଐତିହାସିକ ସମ୍ପର୍କକୁ ପୁଣିଥରେ ମନେପକାଇବ ବୋଲି ଜାକାରିଆ କହିଛନ୍ତି।
