ନୂଆପଡ଼ା ଅଫିସ,୨୨ା୪-ଘରେ ପଡି ରହିଛନ୍ତି ଶହେ ବର୍ଷ ବୟସର ଆଈ ବିଶାହୀନ ା ୭୫ ବର୍ଷ ବୟସର ବାପା ରେଶମଲାଲ ା ଏମାନଙ୍କ ସହିତ ସ୍ତ୍ରୀ ପୁନେଇ(୪୫), ଦୁଇ ପୁଅ ତୁଲେଶ(୧୫) ଓ ହୁତେଶ(୧୩) ା ଲକ୍ଡାଉନ ଯୋଗୁ ପଦାକୁ ଗୋଡ଼ କାଢ଼ିବାକୁ ଭୟ ା ଏପରି ପରିସ୍ଥିତିରେ ଏହି ୬ ପ୍ରାଣୀଙ୍କ ମୁହଁକୁ ଖାଦ୍ୟ ମୁଠାଏ ଦାନା ଦେବାରେ ଅସମର୍ଥ ହୋଇପଡିଛନ୍ତି ଯୁଧିଷ୍ଠିର ପଟେଲ(୫୦) ା ଆଜିକୁ ଲକ୍ ଡାଉନ ୨୭ଦିନ ବିତିଛି ା ଯାହା ଘରେ ପନିପରିବା, ଚାଉଳ, ଚୂଡ଼ା ମୁଢ଼ି ଥିଲା ତାହା ସରିଛି ା କିଛି କିଣି ଆଣିବାକୁ ଟଙ୍କା ବି ନାହିଁ ା ଏହି ଦୁଃଖ ସମୟରେ ସାହି ପଡ଼ିଶା ବି କିଛି କରିପାରିବେ ନାହିଁ ବୋଲି କହି ହାତ ଟେକି ଦେଇଛନ୍ତି ା କେବଳ ଭାଗ୍ୟ ଭଗବାନଙ୍କୁ ଆଶ୍ରା କରି ଯୁଧିଷ୍ଠିର ସରକାରୀ ସହାୟତାକୁ ଅପେକ୍ଷା କରିଛନ୍ତି ା
ସଦର ବ୍ଲକ ଟାନ୍ୱାଟ ପଞ୍ଚାୟତ ଅଧୀନ ଖୋକସା ଛକ ନିକଟରେ ୟୁଧିଷ୍ଠିରଙ୍କ ଘର ା ତାଙ୍କ ପରିବାରର ଜମିବାଡି କିଛି ନ ଥିଲା ା ସରକାରୀ ଜମିରେ ଚାଳିଆ ଖଣ୍ଡେ କରି ମୁଣ୍ଡ ଗୁଞ୍ଜିଛନ୍ତି ତାଙ୍କ ପରିବାର ା ଲକ୍ଡାଉନ ଯୋଗୁ ମୂଲମଜୁରି ସବୁ ବନ୍ଦ ହୋଇଯାଇଛି ା କାହାଠାରୁ ସହାୟତା ବି ମିଳୁନି ା କିପରି ନିଜ ପରିବାର ସଦସ୍ୟଙ୍କ ମୁହଁରେ ମୁଠାଏ ଆହାର ଦେବେ ସେହି ଚିନ୍ତାରେ ସେ ଭାଙ୍ଗିପଡିଛନ୍ତି ା ପରିସ୍ଥିତି ଏପରି ହୋଇଛି ଯେ, ଯୁଧିଷ୍ଠିରଙ୍କ ଆଈ ଶଯ୍ୟାଶାୟୀ ଥିଲେ ମଧ୍ୟ ତାଙ୍କୁ ଏଯାବତ କୌଣସି ରନ୍ଧାଖାଦ୍ୟ ମିଳୁନାହିଁ ା ବୃଦ୍ଧ ରେଶମଲାଲଙ୍କୁ ମଧ୍ୟ ଭତ୍ତା ମିଳୁ ନ ଥିବା ସେ କହିଛନ୍ତି ା ସରକାରୀ ସହାୟତା ପାଇଁ ବାରମ୍ବାର ପଞ୍ଚାୟତକୁ ଦୌଡିଥିଲେ ମଧ୍ୟ ସୁଫଳ ନ ପାଇ ଭଙ୍ଗା ଛପର ଘରେ ତାଙ୍କ ପରିବାର କାଳ କାଟୁଛନ୍ତି ବୋଲି ସେ କ୍ଷୋଭର ସହ କହିଛନ୍ତି ା ଏ ସଂକ୍ରାନ୍ତରେ ପଞ୍ଚାୟତ ନିର୍ବାହୀ ଅଧିକାରୀ ଜୟପ୍ରକାଶ ମାଝିଙ୍କୁ ପଚାରିବାରୁ ସେ ଏ ସଂକ୍ରାନ୍ତରେ ଅବଗତ ନ ଥିବା କହିଛନ୍ତି ା ତୁରନ୍ତ ସେହି ପରିବାରକୁ ସରକାରୀ ସହାୟତା ଯୋଗାଇ ଦିଆଯିବ ବୋଲି ସେ ପ୍ରତିଶ୍ରୁତି ଦେଇଛନ୍ତି ା
