ଭବାନୀପାଟଣା/କୋକସରା, ୬ା୫(ସ୍ବ.ପ୍ର/ଡି.ଏନ୍.ଏ.) – କଳାହାଣ୍ଡି ଜିଲା କୋକସରା ବ୍ଲକ ମାଝିଗଡ଼ା ପଞ୍ଚାୟତ ଡୋଙ୍ଗରିପଡ଼ାର ରାଜକୁମର ବାଗ (୫୭)। ଗୋଡ଼ ଭାଙ୍ଗିଯିବା ପରେ ବିଛଣାରେ ପଡ଼ି ରହିଛନ୍ତି। ଅର୍ଥାଭାବରୁ ଉନ୍ନତ ଡାକ୍ତରୀ ଚିକିତ୍ସା କରାଇବା ତାଙ୍କ ପକ୍ଷେ ସମ୍ଭବ ନ ହେବାରୁ ସେ ଚେରମୂଳି ଔଷଧ ଖାଉଛନ୍ତି। ତଥାପି ଯନ୍ତ୍ରଣା କମୁନି ା ଭାଗ୍ୟକୁ ଆଦରି ସେହି ଯନ୍ତ୍ରଣାକୁ ସେ ସହି ଚାଲିଛନ୍ତି ା ଏପରି ପରିସ୍ଥିତିରେ ପରିବାର କିପରି ଚଳିବ ସେହି ଚିନ୍ତା ତାଙ୍କୁ ଘାରିଛି ା
ରାଜକୁମର ଜଣେ ଭିନ୍ନକ୍ଷମ ା ତଥାପି ପ୍ରତିଦିନ ଆଖପାଖ ଗଁାରେ ଚଣା, ବାଦାମ ବିକ୍ରି କରି ପରିବାର ପ୍ରତିପୋଷଣ କରୁଥିଲେ। ଗତ ୧୫ଦିନ ତଳେ ସେ କୌଣସି କାମରେ ପାଖ ଗାଁକୁ ଯାଇ ଫେରୁଥିବାବେଳେ ରାସ୍ତାରେ ପଡ଼ିଯାଇ ତାଙ୍କ ଡାହାଣ ଗୋଡ଼ ଭାଙ୍ଗି ଯାଇଥିଲା। ପରିବାର ଲୋକେ ତାଙ୍କୁ ପ୍ରଥମେ କୋକସରା ଡାକ୍ତରଖାନାରେ ଭର୍ତ୍ତି କରିଥିଲେ। ସେଠାରେ ଡାକ୍ତର ପ୍ରାଥମିକ ଚିକିତ୍ସା ପରେ ଭବାନୀପାଟଣା ଜିଲା ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରିଥିଲେ। ସେଠାରେ ଡାକ୍ତର ଉନ୍ନତ ଚିକିତ୍ସା ନିମନ୍ତେ ବୁର୍ଲା ନେବା ପାଇଁ ପରାମର୍ଶ ଦେଇଥିଲେ ା ହେଲେ ଅର୍ଥାଭାବରୁ ରାଜକୁମରଙ୍କୁ ତାଙ୍କ ପରିବାର ଲୋକେ ବୁର୍ଲା ନେଇ ନ ପାରି ଘରକୁ ଫେରାଇ ଆଣିଥିଲେ ା ପୁଅ ନିରନ (୧୧), ଝିଅ ଦୂର (୬)ଙ୍କ ସହ ଅସୁସ୍ଥ ସ୍ବାମୀଙ୍କୁ ନେଇ କିପରି ଘର ଚଳାଇବେ ସେହି ଚିନ୍ତାରେ ଏବେ ଘାରି ହେଉଛନ୍ତି ସ୍ତ୍ରୀ ଆଶମତୀ। କୁଲିମଜୁରି କରି ବଡ଼କଷ୍ଟରେ ଏବେ ସେ ଘର ଚଳାଉଛନ୍ତି। ଆଶମତୀ କିପରି ରାଜକୁମରଙ୍କ ଚିକିତ୍ସା କରାଇବେ କୁଳକିନାରା ପାଉନାହାନ୍ତି। ପରିବାର ଲୋକ ସରକାରୀ ଓ ବେସରକାରୀ ସହାୟତାକୁ ଚାହିଁ ରହିଛନ୍ତି। ଏ ନେଇ ବିଡିଓ ମନୀଷା ଦାସଙ୍କୁ ପଚାରିବାରୁ ତଦନ୍ତ ପରେ ସରକାରୀ ସହାୟତା ଯୋଗାଇ ଦିଆଯିବ ବୋଲି କହିଛନ୍ତି ା
