ବ୍ରିଟେନ୍ ଏବଂ ଗାମ୍ବିଆର ବୈଜ୍ଞାନିକଙ୍କ ମତରେ, ପ୍ରଥମଥର ଏଭଳି ଏକ ଉପାୟର ସନ୍ଧାନ ହୋଇଛି, ଯଦ୍ଦ୍ବାରା କୁକୁରମାନେ ମ୍ୟାଲେରିଆ ଭଳି ରୋଗର ଚିହ୍ନଟ କରିବାରେ ସାହାଯ୍ୟ କରିପାରିବେ। ବୈଜ୍ଞାନିକଙ୍କ ଅନୁସାରେ, କୁକୁରଙ୍କୁ ସଂକ୍ରମିତ ବ୍ୟକ୍ତିର ପୋଷାକ ଶୁଙ୍ଘି ମ୍ୟାଲେରିଆ ଚିହ୍ନଟ କରିବାର ପ୍ରଶିକ୍ଷଣ ଦିଆଯାଉଛି। ଏଥିପାଇଁ ବ୍ରିଟେନ୍ର ଡରହମ୍ ୟୁନିଭର୍ସିଟିର କିଛି କୁକୁରଙ୍କୁ ପ୍ରଶିକ୍ଷଣରେ ନିୟୋଜିତ କରାଯାଇଛି। ଆଶା କରାଯାଉଛି, ଏମାନଙ୍କ ସହାୟତାରେ ମ୍ୟାଲେରିଆ ରୋକିବା ଏବଂ ନିବାରଣ ଦିଗରେ ଉନ୍ନତ ପଦକ୍ଷେପ ଗ୍ରହଣ କରାଯାଇପାରିବ। ଗବେଷଣା ଏବେ ପ୍ରାରମ୍ଭିକ ଚରଣରେ ରହିଛି। ଗବେଷଣାରେ କୁହାଯାଇଛି, ଯେତେବେଳେ କୌଣସି ବ୍ୟକ୍ତି ମ୍ୟାଲେରିଆରେ ପୀଡ଼ିତ ହୁଅନ୍ତି, ତାଙ୍କ ଶରୀରର ବାସ୍ନା ଅଲଗା ପ୍ରକାରର ହୋଇଯାଏ। ଏମିତିରେ କୁକୁରଙ୍କ ସହାୟତାରେ ଶରୀରରେ ମ୍ୟାଲେରିଆ ଚିହ୍ନଟ ସମ୍ଭବ ହୋଇପାରିବ।
