ରାଜକନିକା, ୩।୧୨ (ଡି.ଏନ୍.ଏ): ରାଜକନିକା ବ୍ଲକ ଅଞ୍ଚଳରେ ଗତ କିଛି ଦିନ ହେବ ମୋବାଇଲ ଚୋର ର଼୍ୟାକେଟ ସକ୍ରିୟ ଥିବା ବେଳେ ସୋମବାର ରାଜକନିକା ପୋଲିସ ଏହି ର଼୍ୟାକେଟର ୭ ଜଣଙ୍କୁ ଗିରଫ କରିଛି। ସେମାନେ ହେଲେ ମନୋଜ ସାହୁ(୨୬), ସତ୍ୟଜିତ ଶତପଥୀ(୧୯), ଅନିଲ ଦାସ(୧୯) ଓ ଅନ୍ୟ ୪ ନାବାଳକ। ସେମାନଙ୍କଠାରୁ ନଗଦ ୫୦ ହଜାର ଟଙ୍କା ସହ ୧୨ଟି ମୋବାଇଲ ଫୋନ ଜବତ କରାଯାଇଥିବା ପୋଲିସ କହିଛି। ରାଜକନିକାର କଣ୍ଟପଡା ହାଟ, ଓଳାଭର, ଜୟନଗର, ଭାରିଗଦା, କଣ୍ଡିଆହାଟ ଅଞ୍ଚଳରୁ ଏମାନେ ମୋବାଇଲ ଚୋରି କରିଥିବା ଜଣାପଡିଛି। ରାଜକନିକା ଓ ଓଳାଭର ବଜାରର ମୋବାଇଲ ଦୋକାନରୁ କ୍ରମାଗତ ଭାବେ ମୋବାଇଲ ଚୋରି ହେଉଥିବା ନେଇ ଥାନାରେ ଅଭିଯୋଗ ହେବା ପରେ ପୋଲିସ ତଦନ୍ତ ଚଳାଇଥିଲା।
