ନୂଆଦିଲ୍ଲୀ, ୨୧।୬: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ବାଲ ଶୁକ୍ରବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସଂସଦ ଭବନରେ ଭେଟିଛନ୍ତି। ଏହି ଅବସରରେ ସେ ଗତ ଲୋକ ସଭା ନିର୍ବାଚନରେ ଭାଜପାର ଐତିହାସିକ ସଫଳତା ପାଇଁ ଶୁଭେଚ୍ଛା ଜଣାଇଛନ୍ତି। ଦେଶର ରାଜଧାନୀ ଦିଲ୍ଲୀର ବିକାଶ ପାଇଁ କେନ୍ଦ୍ର ଏବଂ ରାଜ୍ୟ ମିଳିତ ଭାବେ କାମ କରିବା ଆବଶ୍ୟକ ବୋଲି କେଜରିଓ୍ବାଲ କହିଛନ୍ତି। ଏହାସହ ସେ ମୋଦିଙ୍କୁ ଦିଲ୍ଲୀ ସରକାରୀ ସ୍କୁଲ ଏବଂ ମୋହଲା କ୍ଲିନିକ୍ ଏବଂ ପଲିଟେକନିକ୍ ଗସ୍ତ ପାଇଁ ଆମନ୍ତ୍ରଣ କରିଛନ୍ତି। ଏହାଦ୍କବାରା ଛାତ୍ରୀଛାତ୍ରଙ୍କ ପାଠପଢା ପ୍ରତି ଉତ୍କଣ୍ଠା ବଢିବ ବୋଲି ସେ କହିଛନ୍ତି। ସେ କହିଛନ୍ତି, ଦିଲ୍ଲୀ ସରକାର ସ୍କୁଲର ଗୁଡିକର ବିକାଶ ପାଇଁ ଭଲ କାମ କରିଛନ୍ତି। ଫଳରେ ସରକାରୀ ସ୍କୁଲରେ ଫଳାଫଳ ୯୪ ପ୍ରତିଶତ ହୋଇଛି।
