‘ସୀମା’, ‘ସୁଜାତା’, ‘ବନ୍ଦିନୀ’ ଏବଂ ‘ମୈ ତୁଲ୍ସି ତେରେ ଆଙ୍ଗନ୍ ମୈ’ ପରି ଫିଲ୍ମରେ ସୁନ୍ଦର ଅଭିନୟ କରିଥିବା ଅଭିନେତ୍ରୀ ନୂତନଙ୍କ ପାଇଁ କୌଣସି ପରିଚୟର ଆବଶ୍ୟକତା ନାହିଁ। ଏହି ସିନେମାଗୁଡିକ ତାଙ୍କୁ ସ୍ବତନ୍ତ୍ର ପରିଚୟ ଦେଇଛି। ନୂତନ ମିସ୍ ଇଣ୍ଡିଆ ଟାଇଟେଲ୍ ଜିତିଥିବା ପ୍ରଥମ ଅଭିନେତ୍ରୀ। ଏକ ସମୟରେ ସବୁଠାରୁ ଅଧିକ ଫିଲ୍ମ ଫେୟାର ପୁରସ୍କାର ଜିତିବାର ରେକର୍ଡ ମଧ୍ୟ ତାଙ୍କ ନାମରେ ରହିଥିଲା।
ଫିଲ୍ମ ‘ନଲ ଦମୟନ୍ତି’ରୁ ନୂତନ ଶିଶୁ କଳାକାର ଭାବେ ଅଭିନୟ କ୍ୟାରିୟର ଆରମ୍ଭ କରିଥିଲେ। ପରେ ‘ମିସ୍ ଇଣ୍ଡିଆ’ ପ୍ରତିଯୋଗିତାରେ ଅଂଶଗ୍ରହଣ କରି ଏହି ଟାଇଟେଲ୍ ଜିତିଥିଲେ । ଏହି ପୁରସ୍କାର ଜିତିଥିବା ସେ ହେଉଛନ୍ତି ପ୍ରଥମ ଅଭିନେତ୍ରୀ। ଘରେ ଫିଲ୍ମ ମାହୋଲ ଯୋଗୁ ନୂତନ ସବୁବେଳେ ମା’ଙ୍କ ସହ ଶୁଟିଂ ଦେଖିବାକୁ ଯାଉଥିଲେ। ପରେ ଅଭିନୟ ପ୍ରତି ତାଙ୍କର ଆଗ୍ରହ ସୃଷ୍ଟି ହୋଇଥିଲା। ୧୯୫୦ ମସିହାରେ ମାତ୍ର ୧୪ ବର୍ଷ ବୟସରେ ନୂତନ ମା’ ଶୋଭନା ସମର୍ଥଙ୍କ ଫିଲ୍ମ ‘ହମାରୀ ବେଟୀ’ରେ ଅଭିିନୟ କଲେ। ପରେ ସେ ହମ୍ଲୋଗ, ଶିଶମ, ପର୍ବତ ଏବଂ ଆଗୋଶ ଆଦି ସଫଳ ସିନେମାରେ ଅଭିନୟ କରି ଲୋକଲୋଚନକୁ ଆସିଥିଲେ।
