ଭୋପାଳ,୧୫।୧୦: ଭୋପାଳ ଗ୍ୟାସ୍ ଦୁର୍ଘଟଣାରେ ପୀଡିତ ଲୋକଙ୍କୁ ନ୍ୟାୟ ଦେବା ପାଇଁ ସର୍ବଦା ଚେଷ୍ଟିତ ଥିବା ଅବଦୁଲ ଜବାରଙ୍କ ଗୁରୁବାର ବିଳମ୍ବିତ ରାତିରେ ପରଲୋକ ଘଟିଛି। ଅବଦୁଲ ଦୀର୍ଘଦିନ ହେବ ଅସୁସ୍ଥ ଥିଲେ। ମୃତ୍ୟୁ ଗୋଟିଏ ଦିନ ପୂର୍ବରୁ ମଧ୍ୟ ପ୍ରଦେଶ ମୁଖ୍ୟମନ୍ତ୍ରୀ କମଳନାଥ ତାଙ୍କ ଚିକିତ୍ସା ପାଇଁ ସମସ୍ତ ଖର୍ଚ୍ଚ ରାଜ୍ୟ ସରକାର ବହନ କରିବେ ବୋଲି ଘୋଷଣା କରିଥିଲେ। ସୂଚନାଯୋଗ୍ୟ, ୧୯୮୪, ଡିସେମ୍ବର ୨ରେ ଭୋପାଳ ଗ୍ୟାସ ଦୁର୍ଘଟଣା ଘଟିଥିଲା। ଏଥିରେ ୩୦୦୦ ଲୋକଙ୍କ ମୃତ୍ୟୁ ହୋଇଥିବାବେଳେ ୧ଲକ୍ଷ ୨୦୦୦ ଲୋକ ପ୍ରଭାବିତ ହୋଇଥିଲେ। ପ୍ରକୃତରେ ମୃତକଙ୍କ ସଂଖ୍ୟା ୧୫,୨୭୪ ଓ ପ୍ରଭାବିତ ସଂଖ୍ୟା ୫ ଲକ୍ଷ ୭୪ ହଜାର ବୋଲି ବେସରକାରୀ ସୂତ୍ରରୁ କୁହାଯାଇଥାଏ। ଏହି ଦୁର୍ଘଟଣାରେ ଅବଦୁଲ ଜବର ନିଜ ମାତାପିତାଙ୍କୁ ହରାଇଥିଲେ। ସେ ନିଜେ ମଧ୍ୟ ଗୁରୁତର ଆହତ ହୋଇଥିଲେ। ତାଙ୍କ ଫୁସଫୁସ ଏବଂ ଆଖିରେ ଆଘାତ ଲାଗିଥିଲା। ସୁସ୍ଥ ହେବା ପରେ ପୀଡିତଙ୍କୁ ନ୍ୟାୟ ଦେବା ପାଇଁ ସେ ସ୍ବର ଉତ୍ତୋଳନ କରିଥିଲେ।
