ବଲିଉଡ୍ ଭାଇଜାନ ସଲମାନ ଖାନ୍ ଡିସେମ୍ବର ୨୭ରେ ନିଜର ୫୪ତମ ଜନ୍ମଦିନ ପାଳନ କରିବାକୁ ଯାଉଛନ୍ତି। ଏଥିପାଇଁ ସଲ୍ଲୁଙ୍କ ଘରେ ଖାସ୍ ପ୍ରସ୍ତୁତି ଆରମ୍ଭ ହୋଇଛି। ଏଥର ଘରେ ଛୋଟ ପାର୍ଟିର ଆୟୋଜନ କରାଯାଉଛି। ବ୍ୟସ୍ତ କାର୍ଯ୍ୟସୂଚୀ ଭିତରେ ଭଉଣୀ ଅର୍ପିତାଙ୍କୁ ସମୟ ଦେଇପାରୁ ନ ଥିବାରୁ ଏଥର ଜନ୍ମଦିନ ତାଙ୍କ ବିତାଇବେ ବୋଲି ସଲମାନ କହିଛନ୍ତି। ଅର୍ପିତା ଦ୍ୱିତୀୟ ସନ୍ତାନର ମା’ ହେବାକୁ ଯାଉଛନ୍ତି। ତେଣୁ ଶୁଟିଂ ଭିତରେ ତାଙ୍କ ଯତ୍ନ ନେଇପାରୁନାହିଁ ବୋଲି ଦବଙ୍ଗ-୩ର ପ୍ରମୋଶନ ଅବସରରେ ସଲ୍ଲୁ କହିଛନ୍ତି। ସେପଟେ ଅର୍ପିତା ଡିସେମ୍ବର ୨୭ ଅର୍ଥାତ୍ ସଲମାନଙ୍କ ଜନ୍ମଦିନରେ ହିଁ ଦ୍ୱିତୀୟ ସନ୍ତାନ ଜନ୍ମ ଦେବାକୁ ଚାହୁଁଛନ୍ତି ବୋଲି ବି-ଟାଉନରେ ଚର୍ଚ୍ଚା ଚାଲିଛି। ସଲମାନଙ୍କ ବହୁ ପ୍ରତୀକ୍ଷିତ ଫିଲ୍ମ ଦବଙ୍ଗ-୩ ଡିସେମ୍ବର ୨୦ରେ ସାରା ଦେଶରେ ରିଲିଜ୍ ହେବ।
