ଖଇରା, ୨୦।୮(ଡି.ଏନ.ଏ.)-ବାଲେଶ୍ୱର ଭଦ୍ରକ କେନ୍ଦୁଝର ଓ ମୟୂରଭଞ୍ଜ ୪ ଜିଲାକୁ ସଂଯୋଗ କରୁଥିବା ବର୍ତ୍ତନା-ଆଗରପଡା ପୂର୍ତ୍ତ ବିଭାଗ ରାସ୍ତା ଏବେ ବେପରୁଆ ଢଙ୍ଗରେ ଚାଲୁଥିବାରୁ ଯାତ୍ରୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ଗୋଟିଏ ପଟେ ଅବଧି ସରିବାକୁ ଆଉ ମାତ୍ର ୪ମାସ ଥିବା ବେଳେ ୬୦ଭାଗ କାମ ସରିପାରିନାହିଁ ା ଅନ୍ୟପଟେ ଯେତିକି ବି କାର୍ଯ୍ୟ ଶେଷ ହୋଇଛି ତାହା ଅତ୍ୟନ୍ତ ନିମ୍ନମାନର ହୋଇଥିବାରୁ ଅନେକ ସ୍ଥାନରେ ଖାଲଖମା ସୃଷ୍ଟି ହେବା ବିଭାଗର ଦକ୍ଷତା ପ୍ରତି ପ୍ରଶ୍ନବାଚୀ ସୃଷ୍ଟି କରୁଛି ା ରାସ୍ତା ନିର୍ମାଣରେ ହେଉଥିବା ଏଭଳି ଅନିୟମିତତାର ଭିଜିଲାନ୍ସ ତଦନ୍ତ କରାଯିବାକୁ ଶହ ଶହ ଯାତ୍ରୀ ଦାବି କରିଛନ୍ତି ା
୨ କି.ମି. ରାସ୍ତା ପ୍ରଶସ୍ତୀକରଣ ପାଇଁ ୨କୋଟି ୫୮ଲକ୍ଷ ଟଙ୍କା ପ୍ରଦାନ କରାଯାଇଥିଲା ା ଡିସେମ୍ବର ୧୨ତାରିଖରେ ଏହାର ଭିତ୍ତିପ୍ରସ୍ତର ସ୍ଥାପନ ବର୍ତ୍ତମାନର ମନ୍ତ୍ରୀ ତଥା ତତ୍କାଳୀନ ବିଧାୟକ ଜ୍ୟୋତି ପ୍ରକାଶ ପାଣିଗ୍ରାହୀଙ୍କ ଦ୍ୱାରା କରାଯାଇଥିଲା ା ପୂର୍ତ୍ତ ବିଭାଗ ସହ ଚୁକ୍ତି ଅନୁଯାୟୀ ରାସ୍ତାର ନିର୍ମାଣ କାର୍ଯ୍ୟ ୨୦୧୯ ଡିସେମ୍ବରରେ ଶେଷ ହେବା କଥା ା ହେଲେ କଚ୍ଛପ ଗତିରେ କାର୍ଯ୍ୟ ଚାଲୁଥିବାରୁ ୨୦୧୯ ଡିସେମ୍ବର କଥା ଛାଡ ୨୦୨୦ ଡିସେମ୍ବର ସୁଦ୍ଧା ସରିବା ନେଇ ସାଧାରଣରେ ସନ୍ଦେହ ପ୍ରକାଶ ପାଇଛି ା ଏବେ ଯେତିକି ରାସ୍ତାରେ ପିଚୁ ନିର୍ମାଣ ଶେଷ ହୋଇଛି ରାମପୁର କେନାଲ ଆଗ ପୋଲ ଉପରୁ ପିଚୁ ଉଠି ଗର୍ତ୍ତ ହୋଇଯିବା କାରଣରୁ ପ୍ରତ୍ୟେକ ମୁହୂର୍ତ୍ତରେ ଛୋଟ ବଡ ଦୁର୍ଘଟଣା ଘଟୁଛି ା ୨ କଲଭର୍ଟ ମଧ୍ୟରୁ ଗୋଟିକର କାମ ସରିଥିବା ବେଳେ ଅନ୍ୟ ଗୋଟିଏର କାର୍ଯ୍ୟ ଏପର୍ଯ୍ୟନ୍ତ ଆରମ୍ଭ ହୋଇନାହିଁ ା ଯେଉଁ ଗୋଟିଏ ବି ଶେଷ ହୋଇଛି ତାହା ୨ଫୁଟ ତଳକୁ ଦବିଗଲାଣି ା ଯାତ୍ରୀମାନେ ଏହି ବିପଦପୂର୍ଣ୍ଣ କଲଭର୍ଟ ଉପରେ ଆତଙ୍କିତ ଅବସ୍ଥାରେ ଯାତାୟାତ କରୁଛନ୍ତି। ରାସ୍ତାର ଦୁଇ ପାର୍ଶ୍ୱରେ ମାଟି ଫିଲିଂ କାର୍ଯ୍ୟ ମଧ୍ୟ ଅସମ୍ପୂର୍ଣ୍ଣ ହୋଇରହିଛି ା ଏ ସମ୍ପର୍କରେ ସୋର ସବଡିଭିଜନର ସହକାରୀ ଯନ୍ତ୍ରୀ ହରିଶ ଚନ୍ଦ୍ର ଦ୍ୱାରୀଙ୍କ ମତାମତ ନେବାରେ ଯେଉଁ ଜାଗାରେ ଗର୍ତ୍ତ ହୋଇଛି ତାକୁ ମରାମତି କରିବାକୁ ନିର୍ଦ୍ଦେଶ ଦିଆଯାଇଛି ବୋଲି କହିଛନ୍ତି ା
