ଛତ୍ରପୁର,୧୭ା୮(ଡି.ଏନ.ଏ)-ଗଞ୍ଜାମ ଜିଲାପରିଷଦର ସାଧାରଣ ଅଧିବେଶନ ଶୁକ୍ରବାର ଛତ୍ରପୁରସ୍ଥିତ ଜିଲାପରିଷଦ ଭବନରେ ଅନୁଷ୍ଠିତ ହୋଇଯାଇଛି। ଏଥିରେ ଜିଲାପରିଷଦ ଅଧ୍ୟକ୍ଷା ସୋନମ ପଲେଇ ଅଧ୍ୟକ୍ଷତା କରିଥିଲେ ା ଚାଷୀଙ୍କୁ ଫସଲ ବୀମା ସହାୟତା ମିଳୁ ନ ଥିବା ଓ ଜିଲାରେ ଡାକ୍ତର ଅଭାବ ଥିବା ନେଇ ବୈଠକରେ ବିଧାୟକ, ଜିଲାପରିଷଦ ସଭ୍ୟମାନେ ଉଦବେଗ ପ୍ରକାଶ କରିଥିଲେ ା ଗତବର୍ଷ ଜିଲାର ୧ ଲକ୍ଷ ୪୬ ହଜାର ଚାଷୀ ପ୍ରଧାନମନ୍ତ୍ରୀ ଫସଲ ବୀମା ଯୋଜନାରେ ପ୍ରିମିୟମ ଦେଇ ବୀମାଭୁକ୍ତ ହୋଇଥିଲେ। ସେଥିରୁ ମାତ୍ର ୩୭ ହଜାର ଚାଷୀଙ୍କୁ ବୀମା ସହାୟତା ମିଳିଛି ା ତିତ୍ଲିରେ ବହୁ ଚାଷୀଙ୍କ ଫସଲ କ୍ଷତି ହୋଇଥିଲା ା ଚାଷୀଙ୍କ ଫସଲର ବୀମା କରିଥିବା ରୟାଲ ସୁନ୍ଦରମ ବୀମା କମ୍ପାନୀଙ୍କୁ କାରଣ ଦର୍ଶାଇବା ପାଇଁ ସିଆର୍ପିସିର ୧୩୩ ଧାରାରେ ନୋଟିସ୍ କରାଯାଇଥିବା ଜିଲାପାଳ ବିଜୟ ଅମୃତା କୁଲାଙ୍ଗେ ସୂଚନା ଦେଇଥିଲୋ ଏଥିସହ ବୀମା କମ୍ପାନୀର ଜଣେ ଅଧିକାରୀ ଜିଲାପାଳଙ୍କ କାର୍ଯ୍ୟାଳୟରେ ବସି ବୀମା ସହାୟତା ପାଇବାରୁ ବଞ୍ଚିତ ଚାଷୀଙ୍କୁ କ’ଣ ପାଇଁ ସହାୟତା ମିଳିନି ସେ ସମ୍ପର୍କରେ ବୁଝାଇବାକୁ ନିର୍ଦ୍ଦେଶ ଦିଆଯାଇଥିବା ଜିଲାପାଳ କହିଥିଲେ। ବୈଠକରେ କାଳିଆ ଯୋଜନାରେ ବହୁ ଚାଷୀ ସାମିଲ ହୋଇ ନ ଥିବା, ବାର୍ହା ଉପଦ୍ରବ ଲାଗି ଫସଲ ନଷ୍ଟ ହେଉଥିବା ପ୍ରସଙ୍ଗ ଉଠିଥିଲା ା ଜିଲାର ୩ ଲକ୍ଷ ୬୦ ହଜାର ଚାଷୀଙ୍କ ଆକାଉଣ୍ଟକୁ କାଳିଆ ସହାୟତା ଯାଇଛି ଏବଂ ବାରହା ଉପଦ୍ରବ ନେଇ ଉଚ୍ଚ ଅଧିକାରୀଙ୍କ ସହ ଆଲୋଚନା କରାଯିବ ବୋଲି ବୈଠକରେ ଜଙ୍ଗଲ ପରିବେଶ ବିଭାଗ ମନ୍ତ୍ରୀ ବିକ୍ରମ କେଶରୀ ଆରୁଖ କହିଥିଲେ ା ଛତ୍ରପୁର ବ୍ଲକରେ ଜୟମଙ୍ଗଳ କେନାଲ ପୁନରୁଦ୍ଧାର ହୋଇ ନ ଥିବାରୁ ଜମିରେ ବର୍ଷା ପାଣି ଜମି ରହୁଥିବା, କରାତଳି ତାମ୍ପରା ମଧ୍ୟ ପୋତି ହୋଇଯାଇଥିବା ଜିଲା ପରିଷଦ ସଭ୍ୟ ଏସ୍. କିଶୋର ରେଡ୍ଡୀ ପ୍ରସଙ୍ଗ ଉଠାଇଥିଲେ ା ଏହା ଉପରେ ଯୁଗ୍ମ ତଦନ୍ତ କରି ରିପୋର୍ଟ ଦେବା ଏବଂ କରାତଳି ତାମ୍ପରା ନିକଟରେ ବେଆଇନ୍ ମାଛ ଚାଷ ହେଉଛି କି ନାହିଁ ତାର ଅନୁଧ୍ୟାନ କରିବାକୁ ଜିଲାପାଳ ନିର୍ଦ୍ଦେଶ ଦେଇଛନ୍ତି। କ୍ଷୀର କିଣାରେ ଅଧିକ ଟଙ୍କା ପୈଠ କରାଯାଇ ଅନିୟମିତା ହୋଇଥିବା ଅଭିଯୋଗ ହୋଇଥିଲା ା ଏହାର ତଦନ୍ତ ହେବ ବୋଲି ଜିଲାପାଳ କହିଥିଲେ ା ଜିଲାରେ ୨୧୦ ଡାକ୍ତର ପଦବୀ ଖାଲି ରହିଛି। ଓଡିଶା ଆଦର୍ଶ ବିଦ୍ୟାଳୟରେ ୧୩୨ ଶିକ୍ଷକ ପଦବୀ ମଧ୍ୟ ଖାଲି ରହିଥିବା ନେଇ ମଧ୍ୟ ଉଦବେଗ ପ୍ରକାଶ ପାଇଥିଲା। ସେହିପରି ବିଭିନ୍ନ ସ୍ବାସ୍ଥ୍ୟକେନ୍ଦ୍ରରେ ଥିବା ସମସ୍ୟା ବିଧାୟକ ଓ ସଭ୍ୟମାନେ ଜିଲାପାଳଙ୍କ ଦୃଷ୍ଟିଆକର୍ଷଣ କରିଥିଲେ ା ବୈଠକରେ ମନ୍ତ୍ରୀ ଆରୁଖ, ଜିଲାପରିଷଦ ଉପାଧ୍ୟକ୍ଷା ସ୍ନେହଲତା ପଣ୍ଡା, ଜିଲା ଯୋଜନା କମିଟି ଅଧ୍ୟକ୍ଷ ତଥା ପୋଲସରା ବିଧାୟକ ଶ୍ରୀକାନ୍ତ ସାହୁ, ଡିଆରଡିଏ ପିଡି ଇଂ. ସିଦ୍ଧାର୍ଥ ଶଙ୍କର ସ୍ବାଇଁ, ପ୍ରୋବେସନ ଆଇଏଏସ୍ କିର୍ତ୍ତୀଭାଷନ ଭି. ମଞ୍ଚାସୀନ ଥିଲେ ା ଡିଆରଡିଏ ଏପିଡି ରବି ନାରାୟଣ ତ୍ରିପାଠୀ ଧନ୍ୟବାଦ ଦେଇଥିଲେ। ଅନ୍ୟମାନଙ୍କ ମଧ୍ୟରେ ବ୍ରହ୍ମପୁର ଏମପି ଚନ୍ଦ୍ରଶେଶଖର ସାହୁ, ଆସିକା ଏମ୍ପି ପ୍ରମିଳା ବିଷୋୟୀ, ବିଧାୟକ ବିକ୍ରମ ପଣ୍ଡା, ସୁବାସ ଚନ୍ଦ୍ର ବେହେରା, ରମେଶ ଚନ୍ଦ୍ର ଜେନା, ପ୍ରଦୀପ ପାଣିଗ୍ରାହୀ, ବିଧାୟିକା ଲତିକା ପ୍ରଧାନ, ସୂର୍ଯ୍ୟମଣି ବୈଦ୍ୟ, ମଞ୍ଜୁଳା ସ୍ବାଇଁ, ଚିକିଟି ବିଧାୟିକାଙ୍କ ପ୍ରତିନିଧି ବି. କ୍ରିଷ୍ଣମୂର୍ତ୍ତିିଙ୍କ ସମେତ ଜିଲାପରିଷଦ ସଭ୍ୟ, ବ୍ଲକ ଅଧ୍ୟକ୍ଷ ଓ ବିଭିନ୍ନ ବିଭାଗର ଅଧିକାରୀ ଉପସ୍ଥିତ ଥିଲେ ା
