ହାଟଡିହୀ,୧୫ା୫(ଡି.ଏନ୍.ଏ.) : କେନ୍ଦୁଝର ଜିଲା ହାଟଡ଼ିହୀ ବ୍ଲକ ହଦଗଡ଼ ବନାଞ୍ଚଳଟି ହସ୍ତୀ ଅଭୟାରଣ୍ୟ ଘୋଷିତ ହେବା ପରେ ୧୯୬୦ ମସିହାରେ ହଦଗଡ଼ ଡ୍ୟାମ ନିିର୍ମାଣ ପାଇଁ ଶହ ଶହ ପରିବାରଙ୍କୁ ପ୍ରଶାସନ ସୁଦୂର ଜଙ୍ଗଲ ମଧ୍ୟରେ ଥଇଥାନ କରିଥିଲା। ଉକ୍ତ ବିସ୍ଥାପିତଙ୍କ ମଧ୍ୟରୁ ୯୫ ପରିବାରଙ୍କୁ ଥଇଥାନ ପାଇଁ ରାଜ୍ୟ ସରକାର ନେଇଥିବା ନିଷ୍ପତ୍ତିକୁ ବୁଦ୍ଧିଜୀବୀ ମହଲରେ ଉଚ୍ଚପ୍ରଶଂସା କରାଯାଇଛି। ପ୍ରଶାସନର ନିଷ୍ପତ୍ତି କ୍ରମେ ଢେଙ୍କା ପଞ୍ଚାୟତ ଅଧୀନ ଆଦର୍ଶ ବିଦ୍ୟାଳୟ ନିକଟସ୍ଥ ଏକ ଖୋଲାପଡ଼ିଆକୁ ଚିହ୍ନଟ କରି ଉକ୍ତ ପରିବାରର ଥଇଥାନ ନିମନ୍ତେ ବନବିଭାଗ ଅସ୍ଥାୟୀ ଘର ନିିର୍ମାଣର ଏକ ଗୁରୁଦାୟିତ୍ୱ ବହନ କରୁଛି। ଅଷ୍ଟବକ୍ର ବାଉଁଶ ଓ ଟିଣ ଦ୍ୱାରା ନିର୍ମିିତ ଘରଗୁଡ଼ିକୁ ଦେଖିଲେ ଏହାର ସ୍ଥାୟିତ୍ୱ ନେଇ ପ୍ରଶ୍ନବାଚୀ ସୃଷ୍ଟି ହେଉଛି। ଚଳିତବର୍ଷ ଟାଣଖରାରେ ବନବିଭାଗ ପକ୍ଷରୁ ନିୟୋଜିତ ସୁପରଭାଇଜର ଶ୍ରମିକମାନଙ୍କୁ ପୂର୍ବାହ୍ନ ୧୨ ପର୍ଯ୍ୟନ୍ତ କାମ କରାଉଥିବ ଦେଖାଯାଇଛି। ଅନ୍ୟପକ୍ଷରେ ରେଞ୍ଜରଙ୍କ ନିର୍ଦ୍ଦେଶ ଅନୁସାରେ ଏହି କାମ କରାଯାଉଥିବା ସୁପରଭାଇଜର ହରେକୃଷ୍ଣ ଖଟୁଆ କହିଛନ୍ତି।
